អុញ…ក្រោយប្តូរមេព្រៃថ្មី ឈ្មូញឈើកាន់តែបានដៃ
- សៀមរាប
ខេត្តសៀមរាប ៖ បន្ទាប់ពីមានការផ្លាស់ប្តូរប្រធានរដ្ឋបាលព្រៃឈើស្រុកស្វាយលើ លោកយ៉ាន់ ស៊ីវ៉ាត់ និងដាក់ជំនួសវិញ ដោយលោក ម៉ែន វុទ្ធី ហៅឡយ…
ខេត្តសៀមរាប ៖ បន្ទាប់ពីមានការផ្លាស់ប្តូរប្រធានរដ្ឋបាលព្រៃឈើស្រុកស្វាយលើ លោកយ៉ាន់ ស៊ីវ៉ាត់ និងដាក់ជំនួសវិញ ដោយលោក ម៉ែន វុទ្ធី ហៅឡយ…
ខេត្តសៀមរាប ៖ បន្ទាប់ពីមានការផ្លាស់ប្តូរប្រធានរដ្ឋបាលព្រៃឈើស្រុកស្វាយលើ លោកយ៉ាន់ ស៊ីវ៉ាត់ និងដាក់ជំនួសវិញ ដោយលោក ម៉ែន វុទ្ធី ហៅឡយ គេសង្កេតឃើញថា សកម្មភាពដឹកជញ្ជូនឈើល្មើសច្បាប់ បានហក់ឡើងយ៉ាងខ្លាំង ក្នុងរយៈពេលជាង២ខែចុងក្រោយនេះ ។ ទោះជាបែបណា មិនដឹងថាបទល្មើសព្រៃឈើនេះ មានជាប់ទាក់ទិននឹងការផ្លាស់ប្តូរមន្ត្រីឬបែបណាទេ ។ តាមប្រភពច្បាស់ការណ៍មួយបង្ហើបប្រាប់ថា សកម្មភាពដឹកជញ្ជូនឈើល្មើសច្បាប់តាមរថយន្តតូច-ធំ និងគោយន្តកន្ត្រៃក្នុងមួយយប់ៗមិនតិចជាង១០០គ្រឿងទេ ឆ្លងកាត់ស្នាក់ការសង្កាត់រដ្ឋបាលព្រៃឈើស្រុកស្វាយលើ រួចកាត់តាមស្រុកសូទ្រនិគម យកមកចែកចាយក្នុងក្រុងសៀមរាប ។
ក្រៅពីដឹកពេលយប់ ក៏មានរថយន្តខ្លះដឹកទាំងថ្ងៃផងដែរ រហូតបង្កគ្រោះថ្នាក់ដល់ជីវិតមនុស្សថែមទៀត ។ ប្រភពព័ត៌មានបន្តថា ចំណែកឯការបង្ក្រាបវិញ ប្រសិនបើរថយន្តទាំងនោះមិនបានបើកបុកមនុស្ស ឬបង្កគ្រោះថ្នាក់ដល់អាយុជីវិតមនុស្សទេ គឺមិនមានមន្ត្រីសមត្ថកិច្ចរូបណាឆ្លើយថា បានដឹងឡើយ តែបើគ្រោះថ្នាក់ ហើយមានឈើនៅក្នុងរថយន្ត ទើបឃើញខាងមេព្រៃទៅទទួលយកឈើទៅរក្សាទុកតែម្តង ។ ផ្ទុយទៅវិញ ប៉ុស្តិ៍ស្នាក់ការ និងកុងត្រូលចាំរាប់ក្បាលរថយន្តដឹកឈើយកលុយ គិតចាប់ពីត្រឹមពីស្រុកស្វាយលើ និងស្រុកសូទ្រនិគម មានមិនតិចជាង២០កន្លែងឡើយ ។ ដោយសារតែស្រុកស្វាយលើ និងស្រុកសូទ្រនិគម ជាប្រភពបទល្មើសព្រៃឈើឆ្លងកាត់នោះក៏មានអ្នកកាន់កាតកាសែតមួយចំនួនតូច យករថយន្តទៅចតចាំដេញស្ទាក់រថយន្តដឹកឈើដែរ ។ប្រភពច្បាស់ការណ៍បានឱ្យដឹងទៀតថា ជារៀងរាល់យប់មានគោយន្ត
កន្ត្រៃជាច្រើនគ្រឿងដឹកជញ្ជូនឈើចេញពីភូមិត្រពាំងស្វាយ ឆ្លងកាត់ស្រុកស្វាយលើ យកមកលក់ឱ្យឈ្មួញកណ្តាល ដើម្បីដឹកបន្តតាមរថយន្តមកកាន់ដេប៉ូក្នុងក្រុងសៀមរាប ។
ការដឹកជញ្ជូនឈើរបស់ក្រុមឈ្មួញខាងលើ មិនមានសមត្ថកិច្ចណាទៅចាប់ចងអ្វីទេ ពីព្រោះមានអ្នករត់ការតាមផ្លូវបង់លុយឱ្យ ឬដាក់ខែជាមុនរួចអស់ហើយ ដែលនេះជាទម្លាប់ដ៏អាក្រក់មួយមិនអាចក្រែប្រែបាន បើមិនដូច្នេះទេ ទោះដឹកតាមយន្តហោះក៏មិនអាចគេចរួចដែរ ។ មានការកត់សម្គាល់ថា កាលពីជាងកន្លះខែមុន នគរបាលបានចាប់រថយន្តធុនធំដឹកឈើចេញពីស្រុកស្វាយលើទាំងព្រឹក ដោយលោកស្នងការធ្លាប់បានលើកឡើងថា ប៉ុស្តិ៍ដែលឈរជើងនៅទីនោះមិនតិចពី២០ ទៅ៣០កន្លែងតាមដងផ្លូវម្តេចគ្មានអ្នកណាឃើញ? លុះនៅល្ងាចថ្ងៃទី៤ ខែមិថុនា ឆ្នាំ២០១៨ មានរថយន្តទុនដ្រាដឹកឈើបុកមនុស្សស្លាប់ម្នាក់ក្នុងទឹកដីស្រុកសូទ្រនិគម សុទ្ធតែគ្មានអ្នកណាដឹងថាជារថយន្តដឹកឈើសោះ លុះដល់ពេលចាប់បានទើបឃើញមេព្រៃមកទទួលយក ។
ជុំវិញករណីខាងលើនេះ លោក ម៉ុង ប៊ុនលីមនាយខណ្ឌរដ្ឋបាលព្រៃឈើសៀមរាប បានប្រាប់ថា ឈើដែលដឹកតាមរថយន្តទុនដ្រាបុកមនុស្សស្លាប់នោះ កំពុងរង់ចាំការប្រគល់ឱ្យពីខាងនគរបាល ដើម្បីយកមករក្សាទុកនៅក្នុងសង្កាត់រដ្ឋបាលព្រៃឈើដំដែក ។ ចំណែកថា បទល្មើសព្រៃឈើឆ្លងកាត់ស្រុកស្វាយលើគ្មានអ្នកបង្ក្រាបនោះទាល់តែប្រធានសង្កាត់នៅទីនោះទើបដឹង ។ចំណែកលោក ម៉ែន វុទ្ធី នាយសង្កាត់រដ្ឋបាលស្រុកស្វាយលើ ដែលទើបឡើងកាន់តំណែងថ្មីៗបានប្រាប់ថា រថយន្តទុនដ្រាត្រាដែលបុកមនុស្សស្លាប់ គឺដឹកឈើចេញពីខេត្តព្រះវិហារ ឆ្លងកាត់ស្រុកស្វាយលើ ៕
ចែករំលែកព័តមាននេះ