រាជធានីភ្នំពេញ ៖ រថយន្តលក់ទឹកកកអនាម័យមួយគ្រឿងបានបែកកង់មុខខាងឆ្វេងហើយជ្រុលចង្កូតធ្លាក់ប្រឡាយបណ្តាលឱ្យរថយន្តរងការខូចខាត សំណាងល្អមិនមានគ្រោះថ្នាក់ដល់អ្នកបើកបរ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤ទៀបភ្លឺថ្ងៃទី១២ ខែមិថុនា ឆ្នាំ២០១៨ តាមបណ្តោយផ្លូវ១៥១ ភូមិធំ សង្កាត់ពញ្ញាពន់…
រាជធានីភ្នំពេញ ៖ រថយន្តលក់ទឹកកកអនាម័យមួយគ្រឿងបានបែកកង់មុខខាងឆ្វេងហើយជ្រុលចង្កូតធ្លាក់ប្រឡាយបណ្តាលឱ្យរថយន្តរងការខូចខាត សំណាងល្អមិនមានគ្រោះថ្នាក់ដល់អ្នកបើកបរ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤ទៀបភ្លឺថ្ងៃទី១២ ខែមិថុនា ឆ្នាំ២០១៨ តាមបណ្តោយផ្លូវ១៥១ ភូមិធំ សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ។
រថយន្តលក់ទឹកកកអនាម័យមួយគ្រឿងដែលធ្លាក់ប្រឡាយទឹកម៉ាកហ៊ីយ៉ាន់ដាយ ពណ៌ស ពាក់ស្លាកលេខ
កណ្តាល ២A-៥៤០៣ អ្នកបើកបរមិនត្រូវបានគេស្គាល់ឈ្មោះនោះទេ ។ ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ រថយន្តខាងលើបានបើកតាមបណ្តោយផ្លូវ១៥១ ក្នុងទិសដៅពីលិចទៅកើត គោលបំណងទៅដឹកទឹកកកអនាម័យ ខណៈមកដល់ចំណុចកើតហេតុ រថយន្តបានបែកកង់មុខខាងឆ្វេង ក៏បណ្តាលឲ្យរេចង្កូតចូលប្រឡាយទឹកតែម្តង ។ ភ្លាមៗនោះ អ្នកបើកបររថយន្តបានលូនចេញដោយពុំរងរបួសនោះទេ ចំណែករថយន្តរងការខូចខាតកំណាត់មុខយ៉ាងដំណំ ។
ក្រោយកើតហេតុ អ្នកបើកបររថយន្តបានទាក់ទងរថយន្តស្ទូចមកស្ទូចដើម្បីយករថយន្តខាងលើទៅជួសជុលដោយខ្លួនឯង៕
ចែករំលែកព័តមាននេះ