រាជធានីភ្នំពេញ ៖ ដើម្បីបង្ហាញពីការយកចិត្តទុកដាក់ចំពោះជីវិតអ្នកដទៃ សណ្ឋាគារហ៊ីម៉ាវ៉ារី បានរៀបចំយុទ្ធនាការបរិច្ចាគឈាមប្រចាំឆ្នាំលើកទី២ កាលពីព្រឹកថ្ងៃអាទិត្យ ទី៣ ខែមិថុនា ឆ្នាំ២០១៨ ក្រោមការគាំទ្រដោយមជ្ឈមណ្ឌលជាតិផ្តល់ឈាម, ក្លឹបនៃក្តីស្រលាញ់, សហភាពសហព័ន្ធយុវជនកម្ពុជា, ទូកង និងអង្គការសង្គ្រោះបឋមសេនចន ដែលយុទ្ធនាការនេះ ត្រូវបានបង្កើតឡើងដើម្បីជួយលើកកម្ពស់ការយល់ដឹងក្នុងចំណោមប្រជាពលរដ្ឋកម្ពុជាអំពីតម្រូវការឈាម និងដើម្បីបង្កើនចលនាបរិច្ចាគឈាម ដោយលើកទឹកចិត្តឱ្យអ្នកស្ម័គ្រចិត្តចូលរួមកាន់តែច្រើនឡើង។
កាលពីឆ្នាំមុនមានអ្នកបរិច្ចាគប្រហែល ២៥០នាក់បានចូលរួម ហើយឆ្នាំនេះសណ្ឋាគារហ៊ីម៉ាវ៉ារី បានរំពឹងថា នឹងមានម្ចាស់ជំនួយចំនួន ៥០០នាក់។ ចំនួននេះហាក់ដូចជា ពុំទាន់អាចជួយបំពេញចំនួនតម្រូវការឈាមដែរ មជ្ឃមណ្ឌលជាតិរំពឹងទុកសំរាប់ស្តុកទុកនៅឡើយទេ។ ទោះជាយ៉ាងណាក៏ដោយកិច្ចប្រឹងប្រែងរួមគ្នានេះធ្វើឡើងដោយសហព័ន្ធយុវជន, សមាជិកនៅ St. John, សមាជិកបុគ្គលិក និងអតិថិជនរបស់ហ៊ីម៉ាវ៉ារី, ក្រុមហ៊ុនផ្សេងនៅទីក្រុងភ្នំពេញ និងសហគមន៍ ការចួលរួមនេះហើយ ដែលធ្វើឱ្យមានភាពខុសគ្នាយ៉ាងខ្លាំង។ យើងសង្ឃឹមថា យុទ្ធនាការបរិច្ចាគឈាមនេះ នឹងនាំយើងគ្រប់គ្នាឱ្យយកចិត្តទុកដាក់លើសាមគ្គីភាពនៅពេលដែលយើងជួយគ្នាទៅវិញទៅមក។
+ «ផ្តល់អំណោយនៃជីវិតដល់មនុស្សដែលយើងមិនស្គាល់» ៖ ការបរិច្ចាគឈាមមានសារៈសំខាន់ណាស់។ ជីវិតរបស់អ្នកជំងឺពឹងផ្អែកលើការផ្គត់ផ្គង់ឈាមអោយបានទាន់ពេលវេលា។ ក្នុងព្រឹត្តិការណ៍បរិច្ចាគឈាមកាលពីថ្ងៃ៣នេះ យើងឃើញថា មានការឆ្លើយតបរបស់មនុស្សជាច្រើន ដែលមានសញ្ជាតិខុសៗគ្នា ក្រុមហ៊ុនផ្សេងៗ រាប់បញ្ចូលបុគ្គលិក សណ្ធាគារហ៊ីម៉ាវ៉ារីចំនួនជាង ២៥នាក់ នឹងសមាជិកសហភាពសហពន្ធយុវជនកម្ពុជា ដែលបានចូលរួមស្ម័គ្រចិត្តមកបរិច្ចាគឈាម។ ពួកគេទាំងអស់គ្នាមានចិត្ដសប្បាយរីករាយក្នុងការរួមចំណែក បរិច្ចាគឈាម ដើម្បីជួយអ្នកដែលត្រូវការការបញ្ចូលឈាម ទោះបីជាពួកគេមិនស្គាល់ក៏ដោយ។
ក្នុងការចូលរួមជាមួយក្នុងយុទ្ធនាការនេះ យើងគ្រប់គ្នាបានចូលរូមផ្តល់នូវអំណោយនៃជីវិតដល់មនុស្សដែលយើងមិនធ្លាប់ស្គាល់ពីមុន ហើយយើងគ្រប់គ្នាបានធ្វើឱ្យមានភាពខុសគ្នានៅក្នុងជីវិតរបស់ពួកគេ ដោយផ្តល់ឱ្យពួកគេនូវឱកាសទីពីរដើម្បីរស់នៅ។
+ «បរិច្ចាគឈាម» ៖ ចាប់ផ្តើមធ្វើវាឥឡូវនេះ។ កុំរង់ចាំរហូតដល់មានករណីបន្ទាន់កើតឡើងជាមួយគ្រួសាររបស់យើងនៅមន្ទីរពេទ្យ។ ការផ្តល់ឈាមមិនត្រឹមតែសំរាប់គ្រួសាររបស់យើងប៉ុណ្ណោះទេ, ប៉ុន្តែយើងត្រូវតែផ្តល់ឱ្យដល់អ្នកដែលត្រូវការជំនួយផ្សេងទៀតដែរ ទោះបើយើងមិនស្គាល់ពួកគេក៏ដោយ។
+ «វប្បធម៌នៃការចែករំលែក»៖ កិច្ចសហប្រតិបត្តិការ គឺមានសារៈសំខាន់ខ្លាំងណាស់ដើម្បីធានាឱ្យបានជោគជ័យ។ យើងត្រូវតែបន្តរួបរួមគ្នាដើម្បីលើកកម្ពស់ការយល់ដឹងនិងចូលរួមក្នុងកិច្ចខិតខំប្រឹងប្រែងរួមគ្នានេះ។ យើងចង់បន្ត «វប្បធម៌ចែករំលែក» ក្នុងចំណោមបុគ្គលិកនេះ ហើយប្រជាជនកម្ពុជាទាំងអស់ដែលជាកាតព្វកិច្ចអំពាវនាវឱ្យមនុស្សគ្រប់គ្នា។ យើងត្រូវផ្ញើសារទៅប្រជាជនកម្ពុជាទាំងអស់អំពីសារៈសំខាន់នៃការបរិច្ចាគឈាមនេះ៕
ចែករំលែកព័តមាននេះ