រាជធានីភ្នំពេញ ៖ ប្រធានគណបក្សយុវជនកម្ពុជាលោកពេជ្រ ស្រស់បានសន្យា និងប្តេជ្ញាថានឹងបោសសំអាតជនអន្តោប្រវេសន៍ដែលរស់នៅខុសច្បាប់ដែលកំពុុងរស់នៅក្នុងប្រទេសឲ្យអស់ ពិសេសនោះអុ្នកកំពុងរស់នៅតាមមាត់ច្រាំងទន្លេ ។
លោកពេជ្រ ស្រស់អះអាងនេះជាច្រើនលើកមកហើយ និងធ្វើនៅពេលលោកដឹកនាំប្រទេស ។ ប៉ុន្តែការលើកឡើងនេះត្រូវបានសម្តេចតេជោ ហ៊ុន សែននាយករដ្ឋមន្ត្រីធ្លាប់បានរិះគន់ថា ជានយោបាយប្រជាភិថុត តែប៉ុណ្ណោះ ។ លោកពេជ្រ ស្រស់បានសរសេរលើបណ្តាញសង្គមនៅថ្ងៃទី១១ មិថុនា ឆ្នាំ២០១៨ យ៉ាងដូច្នេះថា «មិនមែនជារឿងលេងសើច ឬចង់បានប្រជាប្រិយភាពស្អីនោះទេ គឺខ្ញុំពេជ្រ ស្រស់នឹងប្តេជ្ញានឹងបោសសំអាត ឲ្យអស់ពួកជនអន្តោប្រវេសន៍ខុសច្បាប់ដែលរស់នៅក្នុងប្រទេសកម្ពុជា ជាពិសេសជនអន្តោប្រវេសន៍ ដែលសង់ផ្ទះបណ្តែតទឹកនេះតែម្តង នៅពេលដែលខ្ញុំឈ្នះឆ្នោតដឹកនាំប្រទេសកម្ពុជារបស់យើង» ។
លោកបានសង្កត់ធ្ងន់ថា «ខ្ញុំពេជ្រស្រស់ប្តេជ្ញារំដោះមាត់ទន្លេជូនប្រទេសកម្ពុជាយើងមកវិញ ឲ្យខាងតែបាន….» ។
ការលើកឡើងរបស់លោកប្រធានគណបក្សយុវជននេះអមដោយរូបភាគ្មានចលនារបស់ជនអន្តោប្រវេសន៍ដែលកំពុងរស់នៅតាមមានទន្លេ កោះស្កូវ ស្រុក កំពង់ត្រលាច ខេត្តកំពង់ឆ្នាំងជាច្រើនសន្លឹកផងដែរ ។
សូមជម្រាបលោកពេជ្រ ស្រស់ប្រធានគណបក្សយុវជនកម្ពុជាធ្លាប់អះអាងម្តងជាពីរដងមកហើយថា និងបោសសំអាតជនអន្តោរប្រវេសន៍ ពិសេសនោះជនជាតិវៀតណាម ដែលមករស់នៅលើកទឹកដីកម្ពុជា ដោយគ្មានច្បាប់អនុញ្ញាត ឬមករស់នៅលួចលាក់នៅប្រទេសកម្ពុជា ។
សូមរលឹកថា សម្តេចក្រឡាហោម ស ខេងឧបកនាយករដ្ឋមន្ត្រីក្រសួងមហាផ្ទៃធ្លាប់បានលើកឡើងថា ការដែលមានជនអន្តោប្រវេសន៍រស់នៅប្រទេសកម្ពុជាដោយខុសច្បាប់ និងឯកសារមិនប្រក្រតីនេះ គឺកើត ចេញពីមន្ត្រីជាអ្នកផ្តល់ជូន ក៏ប៉ុន្តែនាពេលបច្ចុប្បន្ននេះនឹងមិនបណ្តែតបណ្តោយឲ្យមន្ត្រីទាំងនោះបន្តសកម្មភាពតទៀតនោះទេ ដូច្នេះមន្ត្រីទាំងអស់ត្រូវតែអនុវត្តន៍ទៅតាមច្បាប់ ហើយដាក់កំហិតដាច់ខាតចំពោះជនអន្តោប្រវេសន៍ខុសច្បាប់ទាំងនោះ ។ ក៏ប៉ុន្តែទោះជាយ៉ាងណាកម្ពុជាមិនអនុវត្តន៍ដោយបង្ខំដូចសម័យប៉ុល ពត និងសម័យលន ណុលនោះឡើយ ។
នាពេលបច្ចុប្បន្ននេះក្រសួងមហាផ្ទៃបានធ្វើសកម្មភាពដូចភ្លៀងរលឹម ដើម្បីចុះចាប់នឹងឆែកឆេរនៅជនអន្តោប្រវេសន៍ខុសច្បាប់រស់នៅកម្ពុជា ខណៈប៉ុន្មានឆ្នាំចុងក្រោយនេះក្រសួងមហាផ្ទៃបានបណ្តេញជន អន្តោប្រវេសន៍ខុសច្បាប់ទាំងនោះរាប់ម៉ឺននាក់ ដែលក្នុងនោះមានជនជាតិវៀតណាមច្រើនជាងគេ ៕
ចែករំលែកព័តមាននេះ