ខេត្តកណ្ដាល ៖ ព័ត៌មានបឋមបានឲ្យដឹងថា កាលពីវេលាម៉ោងប្រហែល១០ និង៤០នាទី ព្រឹកថ្ងៃទី១០ មិថុនា ២០១៨ អ្នកបានប្រទះឃើញសាកសពស្រី្តម្នាក់ស្លាប់នៅលើផ្ទះ ក្នុងភូមិដងគោម ឃុំកំពង់អុស ស្រុកពញាឮ ខេត្តកណ្ដាល។ ជនរងគ្រោះត្រូវបានគេស្គាល់ថាឈ្មោះ ម៉ែន សារឿន អាយុ៤៨ឆ្នាំ មានទីលំនៅភូមិកើតហេតុខាងលើ។ នៅកន្លែងកើតហេតុគេបានឃើញមានផ្លែចបជីក១ ប្រវែង៣តឹក និង ឈើជ្រុងប្រវែង៦តឹក។ អ្នកស្រុកបាននិយាយប្រាប់សមត្ថកិច្ចថា នៅវេលាម៉ោងខាងលើ ជន រងគ្រោះមិនឃើញក្រោកពីដំណេកសោះបន្ទាប់មកអ្នកជិតខាងឈ្មោះ សឿន ហុង ភេទស្រី អាយុ៣៥ឆ្នាំ មានទីលំនៅភូមិជាមួយគ្នា បានដើរទៅបើកទ្វារដើម្បីឲ្យគាត់ជួយផ្តិតមេដៃព្រំដី ស្រាប់តែឃើញជនរងគ្រោះ បានដេកស្លាប់នៅក្នុងផ្ទះ ហើយក៏បានមករាយការណ៍ជូនសមត្ថកិច្ចប៉ុស្តិ៍ ដើម្បីឲ្យបានដឹងរឿងនេះ។
ក្រោយពីសមត្ថកិច្ចទទួលបានព័ត៌មានភ្លាម កម្លាំងផ្នែកជំនាញព្រហ្មទណ្ឌ និង ប៉ុស្តិ៍បានចុះមកកន្លែងកើតហេតុ ដោយមានការចូលរួមពីមន្ត្រីពាក់ពន្ធ័ចូលរួមមានផងដែរ ដូចជាមេឃុំ នាយប៉ុស្តិ៍ គ្រូពេទ្យ.មេភូមិ និងក្រុមគ្រួសារសព រួចបានពិនិត្យយ៉ាងហ្មត់ចត់លើខ្លួនសព ឃើញថា សាកសពមានស្នាមបែកចំលើក្បាលមួយកន្លែងដល់លលាដ៍ និងដាច់លើគំត្រចៀកខាងឆ្វេងផុងទុនក ហើមបាក់។ ការសន្និដ្ឋានជំហានដំបូងរបស់សមត្ថកិច្ច សពស្លាប់ដោយសាវត្ថុរឹងមុត ចន្លោះម៉ោងប្រហែល៨ទៅ៩យប់ ថ្ងៃទី០៩ មិថុនា ២០១៨ សាកសពមានសភាពហើមធំក្លិន យ៉ាងខ្លាំងសង្ស័យជាអំពើឃាតកម្ម។ ក្រោយពិនិត្យសាកសពបានប្រគល់ជូនសាច់ញាតិ និងក្រុមគ្រួសារ ដើម្បីធ្វើបុណ្យតាមប្រពៃណី៕
ចែករំលែកព័តមាននេះ