ខេត្តបាត់ដំបង ៖ សេចក្ដីរាយការណ៍បឋមឱ្យដឹងថា បុគ្គលិកម្នាក់ដែលបម្រើការនៅហាងលក់ និងទិញម៉ូតូមួយកន្លែង បានរងរបួសភ្នែកម្ខាងដោយសារផ្ទុះបូមកៅអីអង្គុយ កាលពីវេលាម៉ោង០៨ និង៣០នាទីព្រឹកថ្ងៃទី៤ មិថុនា នេះ…
ខេត្តបាត់ដំបង ៖ សេចក្ដីរាយការណ៍បឋមឱ្យដឹងថា បុគ្គលិកម្នាក់ដែលបម្រើការនៅហាងលក់ និងទិញម៉ូតូមួយកន្លែង បានរងរបួសភ្នែកម្ខាងដោយសារផ្ទុះបូមកៅអីអង្គុយ កាលពីវេលាម៉ោង០៨ និង៣០នាទីព្រឹកថ្ងៃទី៤ មិថុនា នេះ ស្ថិតត្រង់ចំណុចភូមិថ្មគោលខាងត្បូង ឃុំតាពូង ស្រុកថ្មគោល ។
ប្រភពបានឱ្យដឹងថា ជនរងគ្រោះខាងលើ ឈ្មោះយ៉ាន លីហូវ ភេទប្រុស អាយុ២១ឆ្នាំ រស់នៅភូមិក្បាលខ្មោច ឃុំជ្រៃ ស្រុកថ្មគោល និងជាបុគ្គលិកបំរើការនៅស្ដង់លក់ និងទិញម៉ូតូយីហោ «ហ៊ុយ ហួក» មានទីតាំងនៅចំណុចកើតហេតុខាងលើ ។ ជនរងគ្រោះអង្គុយលើកៅអីបូម ហើយបានចុចសារ៉េចុះឡើង ក៏ស្រាប់តែផ្ទុះបូម បង្កឱ្យមានការភ្ញាក់ផ្អើលតែតែម្ដង ។
បើតាមសមត្ថកិច្ចបានប្រាប់ថា ករណីផ្ទុះនេះ បានបណ្ដាលឱ្យជនរងគ្រោះរងរបួសភ្នែកខាងឆ្វេង ហើយត្រូវបានបញ្ជូនទៅកាន់មន្ទីរពេទ្យភ្លាមៗដែរ។ នេះជាលើកទី១ហើយ ដែលកៅអីប្រើបូម បង្កគ្រោះថ្នាក់ដល់មនុស្ស ដូច្នេះ អ្នកដែលអង្គុយលើកៅអីប្រើបូម គួរតែមានការប្រុងប្រយ័ត្នផង ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ