ការរួមភេទក្នុងពេលមានផ្ទៃពោះមិនមែនមានន័យថា គ្មានប្រឈមមុខនឹងបញ្ហានោះទេ។ ថ្វីបើវាគឺជារឿងដែលមានសុវត្ថិភាពមែនក៏ដោយ ប៉ុន្តែឱកាសនឹងទទួលបានផលវិបាកក៏អាចនឹងកើតមានដែរ បើសិនជាដៃគូទាំងសងខាងមិនធ្វើទៅតាមក្បួន ឬគោលការណ៍ត្រឹមត្រូវសម្រាប់ការរួមភេទក្នុងពេលមានផ្ទៃពោះ ។ យ៉ាងណាមិញវាមានកំហុសច្រើនណាស់ដែលគូស្វាមីភរិយាអាចនឹងធ្វើក្នុងពេលរួមភេទទាំងមានផ្ទៃពោះ ដែលវាអាចនាំឲ្យរលូតកូន និងមានផលមិនល្អចំពោះម្តាយ ។
រួមភេទក្នុងត្រីមាសទី១
គ្រូពេទ្យនឹងណែនាំឲ្យអ្នកផ្អាកការរួមភេទសិនក្នុងរយៈពេលបីខែដំបូងនៃការមានផ្ទៃពោះ ព្រោះវាជាពេលវេលាដែលទារកលូតលាស់ ។ ស្ថិតក្នុងពេលនេះដែរសុករបស់ម្តាយត្រូវការកាច់សម្បុកនៅផ្នែកខាងលើនៃស្បូនទៀត ។ ដូច្នេះការធ្វើសកម្មភាពរួមភេទខ្លាំងក្លាពេកក្នុងពេលវេលាមួយនេះអាចបណ្តាលឲ្យរបេះសុកចេញពីកន្លែងវាបាន។
រួមភេទនៅខែចុងក្រោយនៃការមានផ្ទៃពោះ
ខាងចុងក្រោយនៃការមានផ្ទៃពោះក៏មិនខុសគ្នានឹងខែដំបូងដែរ គឺមានការប្រឈមមុខនឹងសុខភាពច្រើនបើសិនជារួមភេទ ។ ដូច្នេះគូស្វាមីគួរតែចៀសវាងការរួមភេទក្នុងពេលវេលានេះ ព្រោះវាអាចនឹងជំរុញឲ្យឆាប់សម្រាលកូន ។
ប្រើក្បាច់រួមភេទខាងស្រីនៅពីលើ
ក្បាច់រួមភេទមួយនេះប្រហែលជាអាចឲ្យស្ត្រីគ្រប់គ្រងល្បឿន និងភាពខ្លាំងក្លានៃសកម្មភាពរួមភេទបានយ៉ាងល្អ ។ សម្រាប់ក្បាច់រួមភេទដែលបុរសនៅពីលើវិញ អាចនឹងដាក់សម្ពាធកាន់តែខ្លាំងលើពោះស្ត្រីទៅវិញទេ ។
រួមភេទនៅពេលស្ត្រីមានបញ្ហាសុកបាំងមាត់ស្បូន
ធម្មតាសុកនឹងកាច់សម្បុកនៅផ្នែកខាងលើនៃស្បូន ប៉ុន្តែករណីសុកកាច់សម្បុកបាំងមាត់ស្បូនហើយ ការរួមភេទអាចនឹងបង្កគ្រោះថ្នាក់ខ្លាំងដល់ទារកជាមិនខាន ។
មិនខ្វល់អំពីភាពគ្រោះថ្នាក់នៃការរួមភេទតាមមាត់
ថ្វីបើអ្នកជំនាញខាងរោគស្ត្រីជាច្រើនណែនាំឲ្យរួមភេទតាមមាត់ក្នុងពេលស្ត្រីមានផ្ទៃពោះក៏ដោយ តែវាមិនមែនបញ្ជាក់ថា គ្មានប្រឈមនឹងគ្រោះថ្នាក់នោះទេ ។ ក្នុងពេលរួមភេទតាមមាត់ ពេលខ្លះបុរសអាចនឹងធ្វើអ្វីមួយមិនត្រឹមត្រូវ ឬអាចផ្លុំខ្យល់ចូលទៅក្នុងទ្វារមាសស្ត្រី ដែលអាចបណ្តាលឲ្យមានកំណកខ្យល់ចូលសរសៃឈាមដែលគ្រោះជាគ្រោះថ្នាក់ដ៏ខ្លាំងដល់ការរហែកសុក ៕
ស្រង់ពីគេហទំព័រសុខភាព
ចែករំលែកព័តមាននេះ