រាជធានីភ្នំពេញ ៖ ក្នុងជំនួបពិភាក្សាទ្វេរភាគីជាមួយសមាជិកព្រឹទ្ធសភាបារាំងសម្តេចវិបុលសេនាភក្តី សាយ ឈុំប្រធានព្រឹទ្ធសភាបានអះអាងថា សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៦ ឆ្នាំ២០១៨ នេះ
រាជរដ្ឋាភិបាលប្រកាន់នូវជំហយ៉ាងម៉ឹងម៉ាត់ និងធានាឱ្យមានបរិយាកាសនយោបាយមានស្ថិរភាព សន្តិសុខ សណ្តាប់ធ្នា ប់ល្អ ដើម្បីធានាឱ្យការបោះឆ្នោតប្រព្រឹត្តទៅក្នុងបរិយាកាសសេរីត្រឹមត្រូវ យុត្តិធម៌ គ្មានអំពើហិង្សា និងទទួលយ កបានទាំងអស់គ្នា ។
ក្នុងជំនួបជាមួយលោក Christophe Andres Frassa សមាជិកព្រឹទ្ធសភាបារាំង និងជាសមាជិកនៃ សភានិយាយភាសាបារាំងកាលពីថ្ងៃទី0១ ខែមិថុនា ឆ្នាំ២០១៨ នៅវិមានព្រឹទ្ធសភាសម្តេចសាយ ឈុំបានសម្តែងនូវ ការស្វាគមន៍ដ៏កក់ក្តៅបំផុត ចំពោះលោក Christophe Andres Frassa អញ្ជើញមកបំពេញទស្សនកិច្ចនៅព្រះរាជាណាច ក្រកម្ពុជា ។
សម្តេចមានជំនឿជឿជាក់ថា ទស្សនកិច្ចរបស់ឯកឧត្តមនៅប្រទេសកម្ពុជានាឱកាសនេះបានរួមចំណែកដ៏ សំខាន់ក្នុងការបន្តពង្រឹងពង្រីកចំណងមិត្តភាព កិច្ចសហប្រតិបត្តិការរវាងប្រជាជន និងប្រទេសទាំងពីរព្រមទាំងរួម ចំណែកដល់ការលើកកម្ពស់កិច្ចសហប្រតិបត្តិការរវាងស្ថាប័ននីតិប្បញ្ញត្តិកម្ពុជា-បារាំង ។ ប្រទេសបារាំង គឺជាប្រទេស ដែលស្គាល់ប្រទេសកម្ពុជាច្រើនជាងគេបង្អស់ និងជាអ្នកផ្តល់ជំនួយដល់ប្រទេសកម្ពុជាតាំងពីប្រទេសកម្ពុជាទទួលបាន ឯករាជ្យរហូតមកដល់ពេលបច្ចុប្បន្ននេះ ។
ក្នុងជំនួបនោះដែរលោក Christophe Andres Frassa បានលើកឡើងអំពីទំនាក់ទំនងរវាងប្រទេសទាំងពីរកម្ពុជា-បារាំង ដែលមានតាំងពីយូរលុងណាស់មកហើយ តាមរយៈភាសាវប្បធម៌ និងប្រវត្តិសាស្ត្រ ហើយប្រទេសបារាំងបានផ្តល់ ជំនួយដល់កម្ពុជាតាំងពីប្រទេសកម្ពុជាទទួលបានឯករាជ្យរហូតមកដល់បច្ចុប្បន្ននេះ ។ ប្រទេសបា រាំងក៏បានជួយផងដែរដល់ការអភិវឌ្ឍសេដ្ឋកិច្ចកម្ពុជាធ្វើឱ្យប្រទេសកម្ពុជាបានវិវឌ្ឍឈានឡើងជាបន្តបន្ទាប់ក្លាយ ជាសមាជិកអង្គការ ពាណិជ្ជកម្មពិភពលោក (WTO) និងជាប្រទេសដែលទទួលបាននូវការគោរពនៅក្នុងឆាកអន្តរជាតិ ក្លាយជាដៃគូ ពិសេសនៅក្នុងអាស៊ានព្រមទាំងជាប្រទេសមួយដែលទទួលបាននូវការវិយោគពីអ្ន កវិនិយោគគិនបារាំងជាច្រើន ។
លោកក៏បានបញ្ជាក់ថា«ប្រទេសបារាំងមិនអាចបំភ្លេចបាននូវប្រវត្តិសាស្ត្ររបស់ប្រទេសកម្ពុជាដែលបានឆ្លង កាត់សម័យកាលដ៏ជូរចត់កាលពីពេលកន្លងទៅ ។ ប្រទេសបារាំងបានចូលរួមជួយប្រទេសកម្ពុជាឱ្យឆ្លងផុតនូវសម័យ កាលដ៏ជូរចត់ និងប្រែក្លាយប្រទេសកម្ពុជាឱ្យមានការរីកចម្រើនខាងសេដ្ឋកិច្ច ព្រមទាំងទទួលបាននូវភាពថ្កុំថ្កើង និងរុង រឿងនៅក្នុងអាស៊ាន» ។
លោកChristophe Andres Frassa ក៏បានវាយតម្លៃខ្ពស់ចំពោះប្រទេសកម្ពុជាដែលជាប្រទេសនិយាយភាសាបារាំង ហើយប្រទេសកម្ពុជា គឺជាសមាជិកនៃសមាគមអាស៊ាន ។ ជាការពិតសមាគមនេះមិនមែនជាសមាគម ដែលនិយាយភាសាបារាំងនោះទេ ប៉ុន្តែប្រទេសកម្ពុជា-វៀតណាម និងប្រទេសឡាវជាប្រទេសនិយាយភាសាបារាំង ដែលបានជួយលើកតម្កើងភាសាបារាំងនៅក្នុងតំបន់អាស៊ាននេះ ។
ជាការឆ្លើយតបសម្តេចវិបុលសេនាភក្តី សាយ ឈុំ បានគូសបញ្ជាក់ថា ប្រទេសកម្ពុជានឹងខិតខំបន្តពង្រឹងទំនាក់ទំនង មិត្តភាព សាមគ្គីភាព និងកិច្ចសហប្រតិបត្តិការលើកគ្រប់វិស័យរវាងប្រទេសទាំងពីរទាំងក្នុងក្របខណ្ឌ APF ផងដែរ ។
សម្តេចប្រធានព្រឹទ្ធសភាបានឯកភាព និងថ្លែងអំណរគុណចំពោះប្រសាសន៍របស់ឯកឧត្តមប្រធានគណៈប្រតិភូ ដែលថ្លែងសរសើរអំពីទំនាក់ទំនងមិត្តភាព និងកិច្ចសហប្រតិបត្តិការដ៏ល្អរវាងប្រជាជននៃប្រទេសទាំងពីរក៏ដូចជា ការរីកចម្រើនរបស់ប្រទេសកម្ពុជានាពេលបច្ចុប្បន្ន ។
សម្តេចបានសម្តែងនូវសេចក្តីរីករាយដែលបានឃើញទំនាក់ទំនង មិត្តភាព និងកិច្ចសហប្រតិបត្តិការរវាងប្រទេសទាំងពីរមានការរីកចម្រើនជាបន្តបន្ទាប់គួរជាទីមោទនៈ ។ ក្នុងនាមព្រឹទ្ធសភា និងក្នុងនាមសម្តេចផ្ទាល់សម្តេច បានថ្លែងអំណរគុណដល់រដ្ឋាភិបាល និងប្រជាជនបារាំងដែលបានផ្តល់ជំនួយឥតសំណង បច្ចេកទេស កម្ចីសម្បទាន និងជំនួយផ្សេងៗច្រើនវិស័យ ព្រមទាំងការបណ្តុះបណ្តាលធនធានមនុស្សដល់ប្រទេសកម្ពុជា ។
សម្តេចសាយ ឈុំក៏បានជម្រាបឯកឧត្តមប្រធានគណៈប្រតិភូថា ប្រទេសកម្ពុជាគឺជាប្រទេសសមាជិក ប្រើប្រាស់ភាសាបារាំងបានខិតខំលើកកម្ពស់ការបណ្តុះបណ្តាលភាសាបារាំងយ៉ាងទូលំទូលាយ ។ បច្ចុប្បន្ននេះប្រទេស កម្ពុជាមានសាលាបណ្តុះបណ្តាលភាសាបារាំងដូចជា ទី (១)- សាលាដេកាតនៅភ្នំពេញ (២)- ថ្នាក់ពីរភាសា(Class Bilingues) (៣)- វិទ្យាស្ថានភាសាបារាំងនៅកម្ពុជា (IFC) ។ល។
ចាប់តាំងពីឆ្នាំ២០០៧ ប្រទេសកម្ពុជាបានទទួលធ្វើជាម្ចាស់ផ្ទះនៃកិច្ចប្រជុំនិយាយភាសាបារាំងរួមមាន៖ (១)កិច្ចប្រជុំគណៈកម្មាធិការអចិន្ត្រៃយ៍ចំនួន២ដង (២)កិច្ចប្រជុំគណៈកម្មការជំនាញចំនួន៣ដង (៣)កិច្ចប្រជុំថ្នាក់តំបន់អាស៊ីប៉ាស៊ីហ្វិកចំនួន៣ដង ។ ដោយឡែកព្រឹទ្ធសភាបានរៀបចំទិវាវប្បធម៌បារាំង តាមរយៈធ្វើសិក្ខាសាលា និងធ្វើរាត្រីស្រមោលស ដើម្បីផ្លាស់ប្តូរវប្បធម៌បារាំង-កម្ពុជាចំនួន៤លើក ចាប់តាំងពីឆ្នាំ២០១៥មក ។
សម្តេចប្រធានព្រឹទ្ធសភាបានគូសបញ្ជាក់ថា ប្រទេសកម្ពុជានឹងធ្វើការបោះឆ្នោតជ្រើសរើសតំណាងរាស្ត្រតាមកាល កំណត់នៅថ្ងៃទី២៩ ខែកក្កដា ឆ្នាំ២០១៨ ។ គណៈកម្មាធិការជាតិរៀបចំការបោះឆ្នោតបានសម្រេចផ្តល់សុពលភាព ដល់គណបក្សចំនួន២០គណបក្សចូលរួមប្រកួតប្រជែងបោះឆ្នោតជ្រើសរើសតំណាងរាស្ត្រនីតិកាលទី៦ ។ ការចូល រួមប្រកួតប្រជែងបោះឆ្នោតជ្រើសរើសតំណាងរាស្ត្រ នីតិកាលទី៦ ដែលមានគណបក្សដ៏ច្រើនចូលរួមនេះបញ្ជាក់ច្បាស់ ថា ប្រទេសកម្ពុជាបានគោរពដ៏ពេញលេញនូវគោលការណ៍លទ្ធិប្រជាធិបតេយ្យ សេរី ពហុបក្ស ជាពិសេសគោរពពេញ លេញនូវគោលការណ៍រដ្ឋធម្មនុញ្ញ និងច្បាប់របស់រដ្ឋនៃព្រះរាជាណាចក្រកម្ពុជា ។
ចំពោះការបោះឆ្នោតជ្រើសរើសតំណាងរាស្ត្រនីតិកាលទី៦ក៏ដូចនីតិកាលទី៥ រាជរដ្ឋាភិបាលប្រកា ន់នូវជំហយ៉ាងម៉ឹងម៉ាត់ និងធានាឱ្យមានបរិយាកាសនយោបាយ មានស្ថិរភាព សន្តិសុខ សណ្តាប់ធ្នាប់ល្អ ដើម្បីធា នាឱ្យការបោះឆ្នោតប្រព្រឹត្តទៅក្នុងបរិយាកាសសេរីត្រឹមត្រូវ យុត្តិធម៌ គ្មានអំពើហិង្សា និងទទួលយកបានទាំ ងអស់គ្នា ៕
ចែករំលែកព័តមាននេះ