រាជធានីភ្នំពេញ ៖ មន្ត្រីជាន់ខ្ពស់រាជរដ្ឋាភិបាលកម្ពុជា និងសាធារណរដ្ឋសង្គមនិយមវៀតបានអះអាងថា រដ្ឋាភិបាលនៃព្រះប្រទេសទាំងពីរនៅតែប្តេជ្ញាបន្តធ្វើកិច្ចសហប្រតិបត្តិការក្នុងការជួយគ្នាគ្រប់កាលៈទេសៈ ។ ក្នុងជំនួបជាមួយលោកស្រីកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី…
រាជធានីភ្នំពេញ ៖ មន្ត្រីជាន់ខ្ពស់រាជរដ្ឋាភិបាលកម្ពុជា និងសាធារណរដ្ឋសង្គមនិយមវៀតបានអះអាងថា រដ្ឋាភិបាលនៃព្រះប្រទេសទាំងពីរនៅតែប្តេជ្ញាបន្តធ្វើកិច្ចសហប្រតិបត្តិការក្នុងការជួយគ្នាគ្រប់កាលៈទេសៈ ។
ក្នុងជំនួបជាមួយលោកស្រីកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រី ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាអនុប្រធានរណសិរ្យសាមគ្គីមាតុភូមិកម្ពុជា កាលពីររសៀលថ្ងៃទី១ មិថុនា នៅទីស្តីការក្រសួងលោក ហាវ អាឡាញ់ សមាជិកគណៈកម្មាធិការមជ្ឈឹមបក្សកុម្មុយនិស្តវៀតណាម និងជាអគ្គលេខាធិការនៃគណៈកម្មាធិការមជ្ឈឹមរណសិរ្សមាតុភូមិវៀតណាមបានសម្តែងពីការពេញចិត្តចំពោះទំនាក់ទំនងរវាងរដ្ឋាភិបាល និងប្រជាជននៃប្រទេសទាំងពីរជាពិសេសរវាងរណសិរ្ស នៃប្រទេសទាំងពីរ និងសន្យាបន្តជូយគ្នានគ្រប់កាលៈទេសៈ ។
លោក ហាវ អាឡាញ់ ក៏បានសម្តែងនូវការអបអរសាទរដែលកម្ពុជាកំពុងទទួលបាននូវការអភិវឌ្ឍរីកចំរើននៅលើគ្រប់វិស័យក្រោមការដឹកនាំដ៏ត្រឹមត្រូវរបស់សម្តេចតេជោនាយករដ្ឋមន្ត្រី ។ ជាមួយគ្នានេះលោកក៏បានកោតសសើរចំពោះរណសិរ្សសាមគ្គីអភិវឌ្ឍមាតុភូមិកម្ពុជាដែលបានសហការយ៉ាងជិតស្និទ្ធជាមួយរណសិរ្សវៀតណាមដោយក្នុងនោះរណសិរ្សទាំងពីរបានផ្លាស់ប្តូរនូវដំណើរទស្សនកិច្ចគ្នាជាច្រើនតួយ៉ាងកាលពីឆ្នាំ២០១៧កន្លងទៅនេះ ដែលជាឆ្នាំខួបលើកទី៥០នៃទំនាក់ទំនងការទូតផ្លូវការរវាងកម្ពុជា និងវៀតណាមរណសិរ្សនៃទាំងពីរបានធ្វើការងារជាច្រើនជាមួយគ្នាដូចជា ការផ្លាស់ប្តូរទស្សនកិច្ចរបស់ថ្នាក់ដឹកនាំជាន់ខ្ពស់គ្នាទៅវិញទៅមក ហើយឆ្នាំនេះគណៈប្រតិភូរណសិរ្សវៀតណាមបានមកបំពេញទស្សនកិច្ចនៅកម្ពុជាចំពេលខួបលើកទី៤០ នៃការបង្កើតរណសិរ្ស ២ ធ្នូ របស់កម្ពុជា ។
ក្នុងជំនួវនោះដែរលោកស្រីកិត្តិសង្គហបណ្ឌិត ម៉ែន សំអន បានបញ្ជាក់ថា «កម្ពុជា និងវៀតណាមជា អ្នកជិតខាងល្អ យើងតែងតែជួយគ្នាទៅវិញទៅមកនៅគ្រាលំបាក ។ ដូច្នេះប្រទេសទាំងពីរត្រូវ បន្តការសហការជាមួយគ្នាជាបន្តទៀត ដោយត្រូវប្រែក្លាយតំបន់ព្រំដែនអោយក្លាយជាព្រំដែន សន្តិភាព មិត្តភាព និងកិច្ចសហប្រតិបត្តិការ ដើម្បីបានជាការផ្តល់ផលប្រយោជន៍ដល់ប្រទេស និងប្រជាជនយើងទាំងពីរជាពិសេសប្រជាជននៅតាមខ្សែបន្ទាត់ព្រំដែន» ។
លោកស្រីបានបន្តទៀតថា កម្ពុជាកំពុងមានការមមាញឹក ត្រៀមរៀបចំការបោះឆ្នោតជ្រើសតាំងសមាជិកសភានីតិកាលទី៦ ដែលនឹងប្រព្រឹត្ត ទៅនៅថ្ងៃទី២៩ ខែកក្កដា ឆ្នាំ២០១៨ ។ លោកស្រីបន្តថា កម្ពុជា និងវៀតណាមមានចំណងមិត្ត និងកិច្ចសហប្រតិបត្តិការយ៉ាងល្អជាមួយគ្នា និងទំនាក់ទំនងល្អ រវាងបក្ស និងបក្ស និងរវាងរដ្ឋាភិបាលនៃប្រទេសទាំងពីរ ។ ប្រទេសទាំងពីរត្រូវបង្កើនកិច្ចសហជាមួយគ្នាលើគ្រប់វិស័យឲ្យកាន់តែរឹងមាំបន្ថែមទៀត ៕
ចែករំលែកព័តមាននេះ