ខេត្តបន្ទាយមានជ័យ ៖កម្លាំងនគរបាលមន្ទីប្រឆាំងគ្រឿងញៀនចាប់ជនសង្ស័យជាជនជាតិថៃ៣នាក់ ស្រី២នាក់ និងគ្រឿងញៀន៣០ថង់ ជិត១គីឡូក្រាម នៅវេលាម៉ោង១២ និង៤០នាទី ថ្ងៃទី០១ ខែមិថុនា ឆ្នាំ២០១៨ នៅក្នុងបន្ទប់កាស៊ីណូស្តាវីហ្កាស ស្ថិតក្នុងភូមិក្បាលស្ពានមួយ សង្កាត់.ក្រុងប៉ោយប៉ែត។ ជនសង្ស័យជាជនជាតិថៃ៣នាក់ ត្រូវបានចាប់ខ្លួនករណីជួញដូរគ្រឿងញៀនមាន១.ឈ្មោះ ឈីរាត់ ឆៃសេន ភេទស្រី អាយុ១៨ឆ្នាំ ២.ឈ្មោះ ប៉ែន ចាម៉ាត់ ភេទស្រី អាយុ៣០ឆ្នាំ ៣.ឈ្មោះ លីម សាលិ ហៅទី ភេទប្រុស អាយុ២៧ឆ្នាំ ជនសង្ស័យដែលត្រូវចាប់ខ្លួនរស់នៅបាងកកប្រទេសថៃ។
តាមព័ត៌មានបានបានឲ្យដឹងថា៖ នៅពេលចាប់ខ្លួនជនសង្ស័យគឺកម្លាំងនគរបាលមន្ទីប្រឆាំងគ្រឿងញៀន សហការជាមួយការិយាល័យនគរបាលប្រឆាំងគ្រឿងញៀនខេត្ត.ក្រុងប៉ោយប៉ែតបានចុះបង្ក្រាបឃាត់ខ្លួនជនសង្ស័យជាជនជាតិថៃ៣នាក់ មានស្រី២នាក់ និងរឹបអូសវត្ថុតាងគ្រឿងញៀនប្រភេទមេតំហ្វេតាមីន ហៅយ៉ាម៉ា៣០ថង់ខៀវ និងខេតាមីនដប៣ដប គ្មានទឹក២ដប កញ្ឆាស្ងួត ឬក្រៀម២ដុំ ឧបករប្រើប្រាស់ គ្រឿងញៀនដែលឃាត់នៅក្នុងអគារកាស៊ីណូស្តាវីហ្កាសជាន់ទី៦បន្ទប់លេខ៦០៩។
ក្រោយពេលដែលកម្លាំងចម្រុះចុះបង្ក្រាបចាប់បានជនសង្ស័យជនជាតិថៃ៣នាក់ ស្រី២នាក់ និងវត្ថុតាងគ្រឿងញៀនគឺដឹកនាំដោយលោក តេង សម័យ ព្រះរាជអាជ្ញារងអមសាលាដំបូង ខេត្តបន្ទាយមានជ័យចុះបង្ក្រាបចាប់ខ្លួននាំយកទៅសាកសួរនៅស្នងការដ្ឋាននគរបាលខេត្តបន្ទាយមានជ័យដើម្បីកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់៕
ចែករំលែកព័តមាននេះ