យោងទៅតាមសេចក្តីរាយការណ៍ពីសារព័ត៌មាន Mail Online ឲ្យដឹងថា បាក់តេរី ល្អៗ ដែលមានក្នុងចំណីអាហារមិនមានអ្វីផ្តល់ប្រយោជន៍ដល់ករណីជំងឺរលាកឆ្អឹងខ្ចីក្នុងសន្លាក់ឡើយ ។ ជំងឺរលាកឆ្អឹងខ្ចីក្នុងសន្លាក់ អាចបង្កឲ្យឈឺចាប់ក្នុងសន្លាក់…
យោងទៅតាមសេចក្តីរាយការណ៍ពីសារព័ត៌មាន Mail Online ឲ្យដឹងថា បាក់តេរី ល្អៗ ដែលមានក្នុងចំណីអាហារមិនមានអ្វីផ្តល់ប្រយោជន៍ដល់ករណីជំងឺរលាកឆ្អឹងខ្ចីក្នុងសន្លាក់ឡើយ ។ ជំងឺរលាកឆ្អឹងខ្ចីក្នុងសន្លាក់ អាចបង្កឲ្យឈឺចាប់ក្នុងសន្លាក់ និងគាំងសន្លាក់ ព្រមទាំងមានជាប់ទាក់ទងនឹងការចាស់ទៅតាមអាយុ និងការធាត់ជ្រុលដែរ ។
អ្នកស្រាវជ្រាវបានតាមដានទៅលើសត្វដើម្បីចង់ដឹងបន្ថែមថាតើឥទ្ធិពលនៃភាពធាត់ជ្រុល និងរបបអាហារមិនល្អអាចមានអ្វីប៉ះពាល់ដល់ជំងឺនេះទៀត ។ ទាំងរបបអាហារ និងការធាត់ជ្រុលត្រូវបានគេដឹងថា ធ្វើឲ្យប្រែប្រួលដល់តុល្យភាពបាក់តេរីក្នុងពោះវៀន និងបន្ថយចំនួនបាក់តេរីល្អៗក្នុងពោះវៀនថែមទៀត ។ អ្នកស្រាវជ្រាវបានយល់ថា ការរក្សាតុល្យភាពបាតេរីនេះអាចធ្វើឲ្យការខូចខាតសន្លាក់ដែលបង្កឡើងដោយការធាត់ជ្រុលស្រួលបួលវិញបាន ។
កណ្តុរដែលគេសិក្សានោះត្រូវបានគេឲ្យស៊ីអាហារមានជាតិខ្លាញ់ទាប និងខ្ពស់ ហើយក៏ត្រូវបានគេធ្វើការវះកាត់ដើម្បីឲ្យខូចដល់សន្លាក់ជង្គង់ពួកវាដែរ ។ អ្នកស្រាវជ្រាវបានរកឃើញថា កណ្តុរដែលទៅជាធាត់ជ្រុលគឺមានអតុល្យភាពនៃបាក់តេរីក្នុងពោះវៀន និងមានការរលាកខ្លាំង ព្រមទាំងខូចខាតដល់សន្លាក់ជង្គង់ថែមទៀត ។
នៅពេលគេឲ្យកណ្តុរនេះស៊ីប្រូបាយអូទិច វាហាក់បីដូចជាជួយពង្រឹងដល់តុល្យភាពបាក់តេរីនេះក្នុងពោះវៀន និងបន្ថយការខូចខាតសន្លាក់។ រឿងនេះត្រូវបានគេសន្និដ្ឋានឃើញថា អតុល្យភាពនៃបាក់តេរីក្នុងពោះវៀនអាចមានការជាប់ទាក់ទងនឹងជំងឺរលាកឆ្អឹងខ្ចីក្នុងសន្លាក់ដោយផ្ទាល់លើខ្លួនមនុស្ស តាមរយៈការសិក្សានេះ ។ ទោះបីជាយ៉ាងណាក៏ដោយ គេមិនបានរកឃើញអំណះអំណាងណាមួយដែលបញ្ជាក់ថា ប្រូបាយអូទិចអាចបង្ការ ឬធ្វើឲ្យជំងឺរលាកឆ្អឹងខ្ចីក្នុងសន្លាក់ស្រួលបួលមកវិញឡើយ ៕
ស្រង់ពីគេហទំព័រសុខភាព
ចែករំលែកព័តមាននេះ