រាជធានីភ្នំពេញ ៖ យុវជនម្នាក់បានស្លាប់បាត់បង់ជីវិតភ្លាមៗនៅនឹងកន្លែង បន្ទាប់ពីរូបគេជិះម៉ូតូបញ្ច្រាសផ្លូវ ហើយត្រូវម៉ូតូមួយគ្រឿងផ្សេងទៀតបើកបរក្នុងទិសដៅត្រឹមត្រូវតាមផ្លូវចរាចរណ៍(ត្រូវផ្លូវ) ដោយបើកបរក្នុងល្បឿនលឿនបានបុកចំពីមុខពីមុខពេញទំហឹង ដែលហេតុការណ៍នេះស្ថិតតាមបណ្តោយផ្លូវជាតិលេខ១ ក្បែរវត្តជ្រោយអំពិល ក្នុងសង្កាត់ក្បាលកោះ ខណ្ឌច្បារអំពៅ…
រាជធានីភ្នំពេញ ៖ យុវជនម្នាក់បានស្លាប់បាត់បង់ជីវិតភ្លាមៗនៅនឹងកន្លែង បន្ទាប់ពីរូបគេជិះម៉ូតូបញ្ច្រាសផ្លូវ ហើយត្រូវម៉ូតូមួយគ្រឿងផ្សេងទៀតបើកបរក្នុងទិសដៅត្រឹមត្រូវតាមផ្លូវចរាចរណ៍(ត្រូវផ្លូវ) ដោយបើកបរក្នុងល្បឿនលឿនបានបុកចំពីមុខពីមុខពេញទំហឹង ដែលហេតុការណ៍នេះស្ថិតតាមបណ្តោយផ្លូវជាតិលេខ១ ក្បែរវត្តជ្រោយអំពិល ក្នុងសង្កាត់ក្បាលកោះ ខណ្ឌច្បារអំពៅ កាលពីវេលាល្ងាចថ្ងៃទី២៧ ខែឧសភា ឆ្នាំ២០១៨ ។
ជនរងគ្រោះឈ្មោះ ប្រុស សារិន អាយុ២១ឆ្នាំ មុខរបរជាបុគ្គលិកហាង មានស្រុកកំណើតនៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល បានស្លាប់នៅនឹងកន្លែងកើតហេតុ ។ ចំណែកបុរសម្នាក់ទៀតដែលរងរបួសធ្ងន់ធ្ងរ មិនត្រូវបានស្គាល់អត្តសញ្ញាណឡើយ ដោយសារជួបគ្រោះថ្នាក់ភ្លាមត្រូវរថយន្តដឹកយកទៅសង្គ្រោះនៅឯមន្ទីរពេទ្យ ។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនកើតហេតុ គេបានឃើញយុវជនរងគ្រោះឈ្មោះ ប្រុស សារិន ជិះម៉ូតូមួយគ្រឿងម៉ាកនិច ពណ៌ស ធ្វើដំណើរតាមផ្លូវជាតិលេខ១ ក្នុងទិសដៅពីភ្នំពេញទៅកៀនស្វាយ ដោយជិះសសៀរបញ្ច្រាសផ្លូវ។ លុះមកដល់ចំណុចកើតហេតុ ស្រាប់តែមានម៉ូតូគ្រឿងផ្សេងទៀតម៉ាក ហុងដាឌ្រ៊ីមសេ១២៥ ពណ៌ខ្មៅ ជិះធ្វើដំណើរក្នុងទិសដៅបញ្ច្រាសគ្នា ប៉ុន្តែក្នុងចំណែកផ្លូវត្រឹមត្រូវ និងបើកបរក្នុងល្បឿនលឿន បានបើកបុកចំពីមុខពេញទំហឹង បណ្តាលអោយភាគីខាងម្ចាស់ម៉ូតូនិច ដួលបាក់.កស្លាប់បាត់បង់ជីវិតភ្លាមៗនៅនឹងកន្លែង ចំណែកជនរងគ្រោះភាគីម្ខាងទៀតជិះម៉ូតូម៉ាកហុងដាឌ្រីម បានរងរបួសធ្ងន់ធ្ងរ ត្រូវបានរថយន្តសាមុយដឹកបញ្ចូនទៅសង្គ្រោះនៅមន្ទីរពេទ្យ ។ ចំណែកម៉ូតូទាំង២គ្រឿង ត្រូវរងការខូចខាតដូចគ្នា ។
ក្រោយកើតហេតុ សមត្ថកិច្ចមូលដ្ឋានសហការជាមួយជំនាញចុះអន្តរាគមន៍វាស់វែង យកម៉ូតូទាំង២គ្រឿង ទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមនីតិវិធីនៅពេលក្រោយ ។ ចំណែកសព ត្រូវបានប្រគល់ជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ