ខេត្តតាកែវ ៖ រថយន្តពិសោធន៍ចល័តរបស់អគ្គនាយកដ្ឋានកាំកុងត្រូល កាលពីល្ងាចថ្ងៃទី២១ ខែឧសភា បានទៅធ្វើការត្រួតពិនិត្យទំនិញជាប្រភេទបន្លែ ផ្លែឈើ ដែលនាំចូលពីប្រទេសវៀតណាម នៅច្រកទ្វារអន្តរជាតិភ្នំដិន ស្រុកគិរីវង់…
ខេត្តតាកែវ ៖ រថយន្តពិសោធន៍ចល័តរបស់អគ្គនាយកដ្ឋានកាំកុងត្រូល កាលពីល្ងាចថ្ងៃទី២១ ខែឧសភា បានទៅធ្វើការត្រួតពិនិត្យទំនិញជាប្រភេទបន្លែ ផ្លែឈើ ដែលនាំចូលពីប្រទេសវៀតណាម នៅច្រកទ្វារអន្តរជាតិភ្នំដិន ស្រុកគិរីវង់ ។
នៅក្នុងការចុះទៅត្រួតពិនិត្យនេះ ក៏មានការសហការពីមន្ត្រីសាខាកាំកុងត្រូលខេត្ត ដឹកនាំដោយលោក ប៉ោ លាងគង់ ប្រធានសាខា ព្រមទាំងនគរបាល និងមន្ត្រីគយ ដែលឈរជើងនៅច្រកទ្វារនេះដែរ ។ នៅក្នុងឱកាសនោះ ទំនិញជាប្រភេទបន្លែ និងផ្លែឈើចំនួន២៥មុខ ដែលត្រូវបានមន្ត្រីកាំកុងត្រូលដកហូតធ្វើជាគំរូយកមកធ្វើការវិភាគ គឺរកឃើញស្ពៃក្តោបមានវត្តមានសំណល់ថ្នាំកសិកម្ម ។
លោក ប៉ោ លាងគង់ បានឱ្យដឹងថា បន្ទាប់ពីការត្រួតពិនិត្យនិងធ្វើតេស្តលើបន្លែ ផ្លែឈើទាំង២៥មុខនោះ គឺយើងបានរកឃើញស្ពៃក្តោបមានវត្តមានសំណល់ថ្នាំកសិកម្ម ដែលធ្វើឲ្យប៉ះពាល់ដល់សុខភាពរបស់បងប្អូនប្រជាពលរដ្ឋ ដែលទិញយកទៅទទួលទាន ។ ដូច្នេះ ចាប់ពីពេលនេះតទៅ ស្ពៃក្តោបនឹងមិនអនុញ្ញាតឲ្យនាំចូលក្នុងទីផ្សារកម្ពុជាបន្តទៀតទេ ។
កន្លងមកមានការរិះគន់ថា នៅច្រកទ្វារអន្តរជាតិភ្នំដិននេះ ក៏មានខាងសាលាខេត្តដាក់មន្ត្រីរបស់ខ្លួនធ្វើជាប្រធានប៉ុស្តិ៍ត្រួតពិនិត្យដែរ តែមន្ត្រីដែលទៅឈរជើងនោះមិនសូវធ្វើការងារឡើយគឺចាំយកតែលុយប៉ុណ្ណោះ ៕
ចែករំលែកព័តមាននេះ