រាជធានីភ្នំពេញ ៖ កម្លាំងសមត្ថកិច្ចខណ្ឌូនពេញបានធ្វើការល្បាត និងឈានទៅដល់ធ្វើការបង្ក្រាបបាន២ករណីបន្តបន្ទាប់គ្នា ឃាត់ខ្លួនជនសង្ស័យ២នាក់ និងដកហូតបានថ្នាំញៀនចំនួនសរុបទាំងអស់២១កញ្ចប់ កាលពីវេលាម៉ោង១២និង៣០នាទីរំលងអាធាត្រឈានចូលថ្ងៃទី២៣ ខែឧសភា ឆ្នាំ២០១៨ តាមបណ្តោយផ្លូវរថភ្លើង…
រាជធានីភ្នំពេញ ៖ កម្លាំងសមត្ថកិច្ចខណ្ឌូនពេញបានធ្វើការល្បាត និងឈានទៅដល់ធ្វើការបង្ក្រាបបាន២ករណីបន្តបន្ទាប់គ្នា ឃាត់ខ្លួនជនសង្ស័យ២នាក់ និងដកហូតបានថ្នាំញៀនចំនួនសរុបទាំងអស់២១កញ្ចប់ កាលពីវេលាម៉ោង១២និង៣០នាទីរំលងអាធាត្រឈានចូលថ្ងៃទី២៣ ខែឧសភា ឆ្នាំ២០១៨ តាមបណ្តោយផ្លូវរថភ្លើង នៅចំណុចរោងចក្រឆ្នាំង ស្ថិតនៅក្នុងសង្កាត់ស្រះចក ខណ្ឌដូនពេញ ។
ជនសង្ស័យមានឈ្មោះ ឡុង គា អាយុ១៥ឆ្នាំ មុខរបរនិងទីកន្លែងស្នាក់នៅមិនពិតប្រាកដ មានស្រុកកំណើតស្រុកកំពង់ត្របែក ខេត្តព្រៃវែង ។
តាមប្រភពព័ត៌មានពីលោកគង់ សុភារិទ្ធ អធិការរងខណ្ឌដូនពេញបានប្រាប់ឱ្យដឹងថា មុនពេលកើតហេតុដោយមានបញ្ជាផ្ទាល់ពីលោកហួត ចាន់យ៉ារ៉ាន់ អធិការនគរបាលខណ្ឌដូនពេញឱ្យរូបលោកដឹកនាំកម្លាំងសហប៉ុស្តិ៍ដើម្បីចេញល្បាតទប់ស្កាត់រាល់បទល្មើសកុំអោយកើតមាននៅក្នុងមូលដ្ឋានដូចជាលួច ឆក់ ប្លន់ជាដើម និងការពារសុវត្ថិភាពជូនប្រជាពលរដ្ឋនោះ ។ ខណៈពេលរូបគាត់ដឹកនាំកម្លាំងមកដល់ចំណុចកើតហេតុខាងលើម្តុំរោងចក្រឆ្នាំងក៏ស្រាប់តែប្រទះឃើញជនសង្ស័យម្នាក់មានឈ្មោះដូចខាងលើកំពុងតែឈរចែកចាយថ្នាំញៀនយ៉ាងសកម្ម ទើបកម្លាំងរបស់គាត់ឈានទៅដល់ធ្វើការឃាត់ខ្លួន រួមនឹងដកហូតបានថ្នាំញៀនចំនួន២០កញ្ចប់តូច ហើយឈានទៅធ្វើការបង្ក្រាបបានមួយករណីទៀត ឃាត់ខ្លួនជនសង្ស័យបានម្នាក់ឈ្មោះ អាត វណ្ណះ ភេទប្រុស អាយុ៣០ឆ្នាំ មុខរបររត់តុ ស្នាក់នៅផ្ទះជួលផ្សារដេរប៉ូ៣ ខណ្ឌទួលគោក មានស្រុកកំណើតស្រុកត្បូងឃ្មុំ ខេត្តត្បូងឃ្មុំ នៅចំណុចតាំងប៉ា ផ្លូវ៥១កែងផ្លូវ១៥៤ សង្កាត់ផ្សារថ្មី៣ ខណ្ឌដូនពេញ ដកហូតបានថ្នាំញៀនចំនួនមួយកញ្ចប់ធំយកទៅសួរនាំនៅអធិការនគរបាលខណ្ឌដូនពេញ ។
ក្រោយពេលឃាត់ខ្លួនជនសង្ស័យនាំទៅដល់ខណ្ឌ ជនសង្ស័យបានឆ្លើយសារភាពថា ថ្នាំញៀនខាងលើនេះពិតជារបស់ពួកគេពិតមែន ដោយទិញពីគេក្នុងតំលៃមួយកញ្ចប់ចំនួន២០ដុល្លារ ហើយយកមកលក់បន្តក្នុងមួយកញ្ចប់តូចតម្លៃ២ម៉ឺនរៀល រីឯម្នាក់ទៀតគ្រាន់តែជាអ្នកប្រាស់ប្រើតែប៉ុណ្ណោះ ។
ក្រោយពេលកើតហេតុ ជនសង្ស័យខាងលើ រួមនឹងវត្ថុតាងត្រូវបានសមត្ថកិច្ចកសាងសំណុំរឿងបញ្ចូនទៅកាន់តុលាការដើម្បីចាត់ការទៅតាមនីតិវិធី ៕
ចែករំលែកព័តមាននេះ