ខេត្តព្រះសីហនុ ៖ សិស្សស្រីក្នុងវិទ្យាល័យព្រៃនប់ម្នាក់បានរងរបួសបាក់ជើង ក្នុងខណៈដែលសិស្សស្រីរូបនោះ បានកំពុងជិះម៉ូតូតាមបណ្តោយផ្លូវជាតិចេញពីសាលា ត្រូវដើមឈើងាប់១ដើមបាក់រលំកិនលើ ស្របពេលដែល អាកាសធាតុមានខ្យល់កន្ត្រាក់ និងរកកលចង់ភ្លៀង។ ហេតុការណ៍ដែលមិននិកស្មានដល់ នាំឲ្យមានការហួសចិត្តនេះបានកើតឡើង ថ្ងៃទី២២ ឧសភា ២០១៨ វេលាម៉ោង០៣ និង៣៥នាទីរសៀល នៅចន្លោះបង្គោលគីឡូម៉ែត្រ១៩០-១៩១ ភូមិព្រៃនប់១ ឃុំ/ស្រុកព្រៃនប់ ខេត្តព្រះសីហនុ។
តាមប្រភពពីកន្លែងកើតហេតុបានឲ្យដឹងថា ក្មេងស្រីរងគ្រោះមានឈ្មោះ លឹម លីមួយ អាយុ១៧ឆ្នាំ មានទីលំនៅភូមិបឹងកាស្រី ឃុំបឹងតាព្រហ្ម ស្រុកព្រៃនប់ ជាសិស្សថ្នាក់ទី១០សេ វិទ្យាល័យហ៊ុន សែន ព្រៃនប់ ដែលនៅក្បែរកន្លែកើតហេតុ បានជិះម៉ូតូ១គ្រឿងម៉ាកសេ១២៥ ពណ៌ខ្មៅ ស៊េរី២០១៦ ក្នុងទិសដៅពីពីភ្នំពេញ-ខេត្តព្រះសីហនុ(ជើង-ត្បូង) លុះដល់ដល់ចំណុចកើតហេតុ ដោយអាកាសធាតុមានខ្យល់កន្ត្រាក់បោកបក់ខ្លាំងមួយប្រាវ ធ្វើដើមឈើងាប់១ដើមដុះជាប់នឹងចិញ្ចើមផ្លូវជាតិ បានរលំទាំងស្រុងមកចំពីលើសិស្សរងគ្រោះដែលកំពុងជិះម៉ូតូទាំង មិនដឹងខ្លួន បណ្តាលឲ្យរងរបួសបាក់ជើងឆ្វេងតែម្តង។ ក្រោយពេលកើតហេតុជនរងគ្រោះត្រូវបាន បញ្ជូនទៅគ្លីនិក លិគឹមឌី វាលរេញ ចំណែកឯម៉ូតូរក្សាទុកនៅប៉ុស្ដិ៍នគរបាល៕
ចែករំលែកព័តមាននេះ