អ្នកស្រាវជ្រាវនិយាយថា ការប្រើទែម៉ូម៉ែត្រវាស់កម្តៅនៅក្លៀកធ្វើឲ្យមានការផ្ទុះនូវការស៊ាំថ្នាំសម្លាប់មេរោគផ្សិតប្រភេទ Candida Auris យ៉ាងធំ ក្នុងប្រទេសអង់គ្លេស ។ ការផ្ទុះរឿងនេះកើតឡើងក្នុងមន្ទីរពេទ្យ Oxford University Hospital ខាងផ្នែកសង្គ្រោះបន្ទាន់កម្រិតធ្ងន់វិទ្យាសាស្ត្រសរសៃប្រសាទ ។
អ្វីដែលជាមេបញ្ហានោះគឺថា ការប្រើទែម៉ូម៉ែត្រវ៉ាស់កម្តៅនៅក្លៀកម្តងម្តងទៀតពីមនុស្សម្នាក់ទៅម្នាក់ទៀត ។
ទែម៉ូម៉ែត្រនេះត្រូវបានគេប្រើប្រាស់លើអ្នកជំងឺប្រមាណ៥៧នាក់ក្នុងចំណោមអ្នកជំងឺសរុប៦៦នាក់ (៨៦ភាគរយ) ដែលត្រូវបានសម្រាកក្នុងបន្ទប់សង្គ្រោះបន្ទាន់មុនពេលធ្វើរោគវិនិច្ឆ័យដឹងថាមានជំងឺ C. Auris។ ការប្រើទែម៉ូម៉ែត្រនៅតែបន្សល់ទុកនូវកត្តាប្រឈមមុខខ្លាំងសម្រាប់អ្នកជំងឺកំពុងតែមានជំងឺ C. Auris ក្រោយពីអ្នកស្រាវជ្រាវបានគ្រប់គ្រងទៅលើកត្តា ផ្សេងៗទៀតរួចហើយដូចជា រយៈពេលនៃការសម្រាកក្នុងបន្ទប់សង្គ្រោះបន្ទាន់ ភាពធ្ងន់របស់ជំងឺនិងលទ្ធផលធ្វើតេស្តឈាម ។
C. Auris អាចធ្វើឲ្យមានការបង្ករោគក្នុងដំបៅ និងចរន្តឈាមបាន ។ អ្នកជំងឺ ៧នាក់ កើតមានការបង្ករោគរាលដាល ប៉ុន្តែមិនមានអំណះអំណាងថា C. Auris បង្កើនការស្លាប់ឡើយ។ ការផ្ទុះជំងឺនេះត្រូវបានគ្រប់គ្រងឡើងវិញហើយ ៕
ស្រង់ពីគេហទំព័រសុខភាព
ចែករំលែកព័តមាននេះ