ជំងឺស្បែកដ៏កម្រធ្វើឱ្យកុមារមើលទៅចាស់មុនអាយុ
កុមារីម្នាក់អាយុ៧ឆ្នាំដែលមានឈ្មោះថា Anjali Kumari និងប្អូនប្រុសរបស់នាងឈ្មោះ Keshav Kumar អាយុ១៨ខែ បានកើតប្រភេទជំងឺសើស្បែកចម្លែកម្យ៉ាង ដែលធ្វើឲ្យពួកគេមើល ទៅចាស់មុនអាយុ…
កុមារីម្នាក់អាយុ៧ឆ្នាំដែលមានឈ្មោះថា Anjali Kumari និងប្អូនប្រុសរបស់នាងឈ្មោះ Keshav Kumar អាយុ១៨ខែ បានកើតប្រភេទជំងឺសើស្បែកចម្លែកម្យ៉ាង ដែលធ្វើឲ្យពួកគេមើល ទៅចាស់មុនអាយុ ។ អ្នកនឹងមានការភ្ញាក់ផ្អើលជាខ្លាំង នៅពេលដែលឃើញនូវរូបរាងដ៏ចាស់ ជាងអាយុពិតរបស់ពួកគេ ។ ពួកគេទាំងពីរនាក់បងប្អូននេះ គឺមាននូវស្ថានភាពស្បែកជ្រីវជ្រួញជាខ្លាំង ហើយទន្ទឹមនឹងនេះពួកគេក៏មានការឈឺចាប់នៅតាមសន្លាក់ និងហើមមុខផងដែរ ។ នេះជាជំងឺម្យ៉ាង ដែលធ្វើឲ្យពួកគេមើលទៅចាស់មុនអាយុ ។ ទន្ទឹមនឹងនេះពួកគេទាំងពីរក៏មាននូវជំងឺម្យ៉ាងទៀតដែលហៅថា Cutis Laxa ដែលនេះគឺជាស្ថានភាពមិនប្រក្រតីនៃជាលិកាសន្ធាន ។
កុមារីម្នាក់នោះបានត្អូញត្អែរនូវទុក្ខលំបាករបស់នាងថា នាងមានមុខហើម ខុសពីមនុស្សដទៃ ។ មនុស្សរាល់គ្នាតែងសម្លឹងមកខ្ញុំ ដោយមិនដាក់ភ្នែក និងហៅពួកខ្ញុំនូវមានពាក្យមិនល្អថា លោកយាយ, សត្វស្វា ឬសត្វចម្លែកដែលនេះគឺពិតជាធ្វើឲ្យខ្ញុំពិបាកចិត្តជាខ្លាំង ។
នាងបាននិយាយទៀតថា នាងពិតជាចង់មើលទៅដូចជាក្មេងដទៃទៀតណាស់ ហើយចង់ឲ្យមនុស្សដទៃទៀតសម្លឹងមកនាងដូចជាមនុស្សធម្មតា ។
ឪពុកម្តាយរបស់ពួកគេ មានការលំបាកចិត្តខ្លាំងណាស់ ដោយពួកគាត់មានជីវភាពក្រីក្រ និងមិនមានលទ្ធភាពក្នុងការចំណាយលុយលើការព្យាបាល និងទៅឲ្យពេទ្យពិនិត្យជាទៀងទាត់បានឡើយ ៕
ស្រង់ពីគេហទំព័រសុខភាព
ចែករំលែកព័តមាននេះ