រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានលោកសុខ ឥសានបានអះអាងថា មានយុវជនជាច្រើនចង់ឲ្យមានសន្តិភាព គ្រួសារអភិវឌ្ឍន៍ ប៉ុន្តែបើយុវជនមួយចំនួនតូចនោះនៅអនុវត្តផ្ទុយពីច្បាប់ ត្រូវទទួលទោសទៅតាមច្បាប់ ។ យ៉ាងណាក្តីអ្នកនាំពាក្យគណបក្សប្រជាជនកម្ពុជាលោកសុខ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានលោកសុខ ឥសានបានអះអាងថា មានយុវជនជាច្រើនចង់ឲ្យមានសន្តិភាព គ្រួសារអភិវឌ្ឍន៍ ប៉ុន្តែបើយុវជនមួយចំនួនតូចនោះនៅអនុវត្តផ្ទុយពីច្បាប់ ត្រូវទទួលទោសទៅតាមច្បាប់ ។
យ៉ាងណាក្តីអ្នកនាំពាក្យគណបក្សប្រជាជនកម្ពុជាលោកសុខ ឥសានបានអះអាងថា យុវជននាពេលបច្ចុប្បន្ននេះមាននិន្នានបាយចង់ឲ្យប្រទេសមានសន្តិភាព ប្រទេសមានការអភិវឌ្ឍន៍ ដើម្បីអនាគតទីផ្សារការងារ ។
អ្នកនាំពាក្យកាន់អំណាចបានអះអាងនៅថ្ងៃទី១៤ ខែឧសភា ឆ្នាំ២០១៨ គណបក្សប្រជាជនកម្ពុជា ជាគណបក្សដែលដឹកនាំប្រទេសតាមកម្មវិធីនយោបាយស្របតាមសភាពការណ៍ជាក់ស្តែងនៃសំណូមពរត្រូវការរបស់ប្រទេសជាតិ និងប្រជាជន ជាពិសេសសម្តៅកសាងជួរយុវជនជំនាន់ក្រោយ សម្រាប់បន្តវេណក្នុងការកសាង និងអភិវឌ្ឈន៏ ប្រទេសស្របតាមកាលសម័យ ។
លោកបញ្ជាក់ថា «ដើម្បីអនាគតរបស់ខ្លួន យុវជនទោះមាននិន្នាកានយោបាយខាងណា ត្រូវការសន្តិភាព ស្ថិរភាពនយោបាយ និងសុខសុវត្ថិភាពសាធារណៈ សង្គមល្អ ដើម្បីការសិក្សា ការរស់នៅ និងការប្រកបអាជីវកម្មផ្សេងៗ សម្រាប់អនាគតខ្លួនគេផ្ទាល់ និងក្រុមគ្រួសារគេ ។ ហេតុដូច្នេះហើយបានជាគណបក្សប្រជាជនកម្ពុជាបានដាក់ ចេញនូវទស្សនវិស័យក្នុងការអភិវឌ្ឈន៍ គឺធនធានមនុស្ស ផ្លូវ ភ្លើង និងទឹក ។ ហេតុនេះហើយបានជារាជរដ្ឋាភិបាលបានវិនិយោគថវិកាយ៉ាងច្រើនលើវិស័យសិក្សា អប់រំ តាំងពីថ្នាក់មូលដ្ឋានរហូតមកដល់ថ្នាក់ជាតិ » ។
លោកបន្តថា បច្ចុប្បន្នយុវជនភាគច្រើនលើសលុបនៅទូទាំងប្រទេសសុទ្ធតែទទួលបាននូវផលនៃទស្សនវិស័យអភិវឌ្ឈន៍របស់រាជរដ្ឋាភិបាលកម្ពុជារបស់គណបក្សប្រជាជនកម្ពុជា ។ ចំពោះយុវជនមួយចំនួនតូចដែលប្រព្រឹត្តអំពើល្មើសច្បាប់ ត្រូវតែទទួលខុសត្រូវចំពោះមុខច្បាប់ ស្របតាមគោលការណ៍លទ្ធិប្រជាធិបតេយ្យ និងនីតិរដ្ឋដូចជា យុវជនគ្រឿងញៀន យុវជនប្រើហ្វេសប៊ុកផ្តេសផ្តាស បងធំបងតូច បណ្តែតបណ្តោយម្ត៉េចកើត ? ហេតុនេះ ដើម្បីអនាគតភ្លឺស្វាងរបស់ខ្លួន យុវជន គប្បីបោះឆ្នោតគាំទ្រគណបក្សប្រជាជនកម្ពុជា ដើម្បីការពារថែរក្សាបានសន្តិភាព ស្ថិរភាពនយោបាយ និងសេចក្តីសុខរបស់ប្រទេសជាតិ និងប្រជាជន ។
សូមជម្រាបថា ការលើកឡើងរបស់អ្នកនាំពាក្យគណបក្សកាន់អំណាចនេះស្របពេលដែលយុវជនជាច្រើនកំពុងយកចិត្តទុកដាក់ចំពោះការធ្វើកំណែងទម្រង់ទាន់ពេលវេលា ៕
