ខេត្តឧត្តរមានជ័យ ៖ តាមសេចក្តីរាយការណ៍បឋមបានឲ្យដឹងថា ពលករខ្មែរ៣នាក់ ដែលធ្វើចំណាកស្រុកឆ្លងដែនរកការងារធ្វើនៅក្នុងប្រទេសថៃដោយខុសច្បាប់ ត្រូវបានក្រុមសមត្ថកិច្ចឃាត់ខ្លួន បញ្ជូនមកប្រគល់ឱ្យកម្ពុជាវិញ កាលពីរសៀលថ្ងៃទី១៣ ខែឧសភា ឆ្នាំ២០១៨ តាមមាត់ច្រកតំបន់ជប់គគី ក្នុងភូមិជប់គគីខាងលិច ឃុំបេង ស្រុកបន្ទាយអម្ពឹល ខេត្តឧត្តរមានជ័យ ។
សេចក្តីរាយការណ៍បន្តថា ពលករខ្មែរដែលឆ្លងដែនសុខច្បាប់ទី ១- ឈ្មោះសុខ អេង ភេទប្រុស អាយុ៤០ឆ្នាំ ទី២- ឈ្មោះ លៀស ផឿងភេទស្រី អាយុ៥២ឆ្នាំ ទី៣- ឈ្មោះអ៊ុត អន ភេទស្រី អាយុ២៥ឆ្នាំ រួមទាំងក្មេងតូច៣នាក់ផងដែរ មានទីលំនៅភូមិពងទឹក ឃុំអម្ពឹល ស្រុកបន្ទាយអម្ពឹល ខេត្តឧត្តរមានជ័យ ។
មន្ត្រីដែលបម្រើការងារនៅមាត់ច្រកតំបន់ជប់គគីបានឱ្យដឹងថា ក្រោយពីបានទទួលពលករខ្មែរឆ្លងដែនខុសច្បាប់ពីក្រុមសមត្ថកិច្ចថៃខាងកម្ពុជាបានអប់រំរួចក៏ឱ្យវិលទៅលំនៅឋានវិញក្នុងថ្ងៃដដែល ៕
ព័ត៌មានលម្អិតនឹងផ្សាយជូននៅទំព័រកាសែតកោះសន្តិភាព ។
ចែករំលែកព័តមាននេះ