រាជធានីភ្នំពេញ ៖ ជនសង្ស័យម្នាក់ចូលទៅលួចទូរស័ព្ទឃើញនាងដេកចងពុងសារុង មានអារម្មណ៍ទើបចូលទៅចាប់រំលោភតែមិនបានសម្រេច កាលពីវេលាម៉ោង១និង៣០នាទីថ្ងៃទី១១ ខែឧសភា ឆ្នាំ២០១៨ នៅបន្ទប់ជួលនារីរងគ្រោះ នៅសង្កាត់ចោមចៅ៣ ខណ្ឌពោធិ៍សែនជ័យ…
រាជធានីភ្នំពេញ ៖ ជនសង្ស័យម្នាក់ចូលទៅលួចទូរស័ព្ទឃើញនាងដេកចងពុងសារុង មានអារម្មណ៍ទើបចូលទៅចាប់រំលោភតែមិនបានសម្រេច កាលពីវេលាម៉ោង១និង៣០នាទីថ្ងៃទី១១ ខែឧសភា ឆ្នាំ២០១៨ នៅបន្ទប់ជួលនារីរងគ្រោះ នៅសង្កាត់ចោមចៅ៣ ខណ្ឌពោធិ៍សែនជ័យ ។
ជនសង្ស័យមានឈ្មោះ ហឿង ធឿន ភេទប្រុស អាយុ៣០ឆ្នាំ មុខរបរកម្មកររោងចក្រ ស្នាក់នៅសង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើតនៅភូមិទួលភ្នាស ឃុំផុង ស្រុកបសែធ ខេត្តកំពង់ស្ពឺ ។ ចំណែលនារីរងគ្រោះស្នាក់នៅខណ្ឌពោធិ៍សែនជ័យ ។
តាមប្រភពព័ត៌មានបានឲ្យដឹងថា មុនពេលកើតហេតុនៅវេលាម៉ោង១និង៣០នាទីរំលងអធ្រាត្រនារីរងគ្រោះបានមកពីហូបចុកជាមួយមិត្តភក្តិនៅកន្លែងកើតហេតុខាងលើ បន្ទាប់មកនារីរងគ្រោះបានត្រឡប់ទៅបន្ទប់របស់ខ្លួនវិញ ហើយបានចូលសម្រាកក្នុងបន្ទប់ជួលតែម្នាក់ឯង ហើយមិនបានចាក់គន្លឹះទ្វារ បន្ទាប់មកបានដេកលង់លក់ ។
ចំណែកជនសង្ស័យខាងលើបានចូលមកក្នុងបន្ទប់នារីរងគ្រោះ ឃើញនាងដេកលក់ទាំងចងពុងសារុង ហើយជនសង្ស័យក៏បានលួចទូរស័ព្ទនារីរងគ្រោះទៅទុកនៅបន្ទប់របស់ខ្លួន បន្ទាប់មកជនសង្ស័យនោះបានចូលទៅបន្ទប់នារីរងគ្រោះម្តងទៀត ហើយបានចាប់រំលោភនារីរងគ្រោះតែម្ដង តែមិនបានសម្រេចបានត្រឹមតែឲ្យថើបត្រឹមពាក់កណ្ដាលឡើងលើ ។
បើតាមសម្ដីជនសង្ស័យបានសារភាពប្រាប់សមត្ថកិច្ចថា រូបគាត់ និងនារីរងគ្រោះមិនទាន់បានស្គាល់គ្នាច្បាស់នៅឡើយទេ ព្រោះធ្លាប់ឃើញនារីរងគ្រោះប្រមាណ២ទៅ៣ថ្ងៃ បន្ទាប់មកគាត់បានលួចស្រលាញ់នារីខាងលើ ។ ជនសង្ស័យបានបញ្ជាក់ទៀតថា ឃើញនារីរងគ្រោះខាងលើស្លៀកសារុងចងពុង នាងគ្រាន់តែបានឲ្យថើប ទេ ព្រោះនាងស្រវឹងស្រឿងៗផងនោះ ហើយនាងបាននិយាយទៅបុរសខាងលើថា គាត់នៅឯណា បុរសជាជនសង្ស័យឆ្លើយថា ខ្ញុំនៅបន្ទប់ជាន់ទី២ នារីរងគ្រោះក៏សួរទៀតថា ស្គាល់ខ្ញុំដែរ ជនសង្ស័យខាងលើឆ្លើយថា ស្គាល់ ហើយនាងនិយាយ កុំធ្វើអញ្ចឹងបានអត់ បើស្រលាញ់ខ្ញុំសុំចូលទៅតាមផ្លូវច្បាប់ ហើយបុរសខាងលើបាននិយាយថា ចាំខែក្រោយគាត់នឹងចូលស្ដីតាមផ្លូវច្បាប់ ជនសង្ស័យបានបញ្ជាក់ទៀតថា នារីរងគ្រោះមិនបានស្រែក ឡើយ ។
សមត្ថកិច្ចបានបញ្ជាក់ទៀតថា នៅថ្ងៃទី១១ ខែឆ្នាំដដែលនៅវេលាម៉ោង២រសៀល ជនរងគ្រោះបានទៅដាក់ពាក្យបណ្ដឹង លុះថ្ងៃទី១៣ នៅវេលាម៉ោង៤រសៀល សមត្ថកិច្ចឃាត់មកប៉ុស្តិ៍ ដើម្បីសួរនាំបន្ថែម ។
ក្រោយពេលកើតហេតុ ជនសង្ស័យខាងលើត្រូវបាននគរបាលប៉ុស្តិ៍ចោមចៅ៣ ឃាត់ជនសង្ស័យទៅផ្នែក ជំនាញព្រហ្មទណ្ឌខណ្ឌ ចាត់ការតាមនីតិវិធី ៕
ចែករំលែកព័តមាននេះ