ពុលស្រា ដល់ថ្នាក់ស្លា.ប់ទៀតហើយ(មានវីដេអូ)
- ត្បូងឃ្មុំ
ខេត្តត្បូងឃ្មុំ ៖ ប្រជាពលរដ្ឋក្មេងចាស់ប្រុសស្រីចំនួន៦៩នាក់ ក្នុងនោះស្រី្ត៣៥នាក់ ដោយសង្ស័យពុលទឹក ដោយមានអាការដូចជា ក្អួតចង្អោរ ចង់ក្អួត ឈឺក្បាល ធីងធោង…
ខេត្តត្បូងឃ្មុំ ៖ ប្រជាពលរដ្ឋក្មេងចាស់ប្រុសស្រីចំនួន៦៩នាក់ ក្នុងនោះស្រី្ត៣៥នាក់ ដោយសង្ស័យពុលទឹក ដោយមានអាការដូចជា ក្អួតចង្អោរ ចង់ក្អួត ឈឺក្បាល ធីងធោង ចុកពោះ ឆ្អល់ពោះ ទន់ដៃជើងអស់កម្លាំង ដោយសារតែនាំគ្នាទៅធ្វើចម្ការនៅស្រុកចិត្របូរី ខេត្តក្រចេះ ។ ក្នុងនោះមានអ្នកស្លាប់ម្នាក់ដឹកមកធ្វើបុណ្យនៅស្រុកពញាក្រែក ខេត្តត្បូងឃ្មុំ ខ្លះឃើញក៏មានអារម្មណ៍ស្លុតក៏មានអាការថប់ដង្ហើម ត្រូវបានរថយន្តសាមុយបន្តបន្ទាប់ដឹកមកសង្គ្រោះជាបន្ទាន់ នៅមន្ទីរពេទ្យស្រុកពញាក្រែក តែមិនមានអ្នកធ្ងន់នោះទេ រហូតមកដល់ព្រឹកថ្ងៃទី១៣ ឧសភា ២០១៨ មានអ្នកចេញត្រឡប់ទៅផ្ទះជាបណ្តើរៗហើយនៅសល់តែ៨នាក់ ប៉ុណ្ណោះ។
ស្ត្រីចំណាស់ម្នាក់ឈ្មោះ ទុយ យយ អាយុ៦៧ឆ្នាំ មានស្រុកកំនើតនៅភូមិត្រពាំងទន្សោម ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ ប្រាប់ឲ្យដឹងថា ដោយសារតែជីវភាពមានការខ្វះខាតនោះគាត់ និង
សមាជិកក្រុមគ្រួសារមានគ្នាចំនួន១២នាក់ បានចេញពីខេត្តត្បូងឃ្មុំ ទៅធ្វើចម្ការនៅខេត្តក្រចេះប្រមា
ណ១០ឆ្នាំមកហើយ ដោយទទួលបានសេចក្តីសុខសាន្តមិនដែលមានបញ្ហារអ្វីកើតឡើងនោះទេ ។
ស្ត្រីប្រាប់បន្តថា នៅព្រឹកថ្ងៃទី១១ ឧសភានេះ គាត់បានដើរទៅធ្វើចម្លារហើយ
ដោយបានដងទឹកអូរកណ្តុរមកពិសា ក្រោយមកមានអាការអស់កម្លាំង ទន់ដៃជើង និងស្រវាំងភ្នែក សង្ស័យពុលទឹក បន្ទាប់មកក៏បានប្រឹងដើរចេញមកផ្លូវជាតិទាំងលំបាក សូម្បីតែចៅប្រុសតូចម្នាក់ឈ្មោះ វិត អាយុ៣ឆ្នាំកន្លះ ដែលបានចុះទៅលេងទឹកអូរនោះ ក្រោយពីបានឡើងមកលើគោកវិញក៏មានអាការក្រៅខ្លួនផងដែរ ។ ត្រូវបានបញ្ជូនមកសង្គ្រោះនៅមន្ទីរពេទ្យស្រុកពញាក្រែក ខេត្តត្បូងឃ្មុំ ។ ក្រោយពីគ្រូពេទ្យបានយកចិត្តទុកដាក់ជួយបន្តោងសេរ៉ូមអស់ជាច្រើនកំប្លោក អាការខាងលើក៏បានធូរស្រាល ហើយស្រវាំងភ្នែកក៏បាត់ ដូច្នេះមិនយូរទេគាត់នឹងត្រូវចេញត្រង់ទៅផ្ទះនៅភូមិត្រពាំងទន្សោមវិញ ។
ចំណែកទឹកអូរកណ្តុរនៅស្រុកចិត្របុរីនោះមានទទឹងប្រហែល៥ម៉ែត្រ និងទឹកវិញត្រឹមជង្គង់ក្នុងរដូវប្រាំង ដែលទឹកនេះមានប្រភពហូរមកពីខាងលើ ដោយមានទឹកទាំងរដូវប្រាំង និងរដូវវស្សា ។
បុរសឈ្មោះ សោម ហួត អាយុ៦៤ឆ្នាំ ប្រាប់ថា គាត់បានទៅដាំដំឡូងនៅក្នុងខេត្តក្រចេះ១២ឆ្នាំមកហើ
យ ដើម្បីបានផលយកទៅលក់ទៅលើទីផ្សារ ដើម្បីដោះស្រាយជីវភាពគ្រួសារ ប្អូនប្រុសគាត់ឈ្មោះ
សោម ហ៊ីម អាយុ៦០ឆ្នាំ បានផឹកទឹកអូរកណ្តុរនៅកន្លែងធ្វើចម្ការនោះ បន្ទាប់មកស្រាប់តែ មានអាការមិនស្រួលលុះពេលដឹកមកសង្គ្រោះនៅមន្ទីរពេទ្យខេត្តក្រចេះក៏បានស្លាប់ និងបានដឹកមកធ្វើបុណ្យនៅ
ស្រុកកំណើតភូមិត្រពាំងទន្សោម ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ ។
សូម្បីតែគាត់ក៏មានអាការហៀវហត់ ដោយពេទ្យបានដាក់បន្តោងសេរ៉ូមឲ្យ ហើយរថយន្តពេទ្យបានមកដឹកយកសង្គ្រោះនៅមន្ទីរពេទ្យពញាក្រែក ដាក់សេរ៉ូមអស់៣ប្លោកក៏បានធូរស្រាល និងបានដោះសេរ៉ូមចេញមានសុខភាពជាធម្មតាវិញ ។
ចំនែកលោកវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំមានប្រសាសន៍ឲ្យដឹងដែរថា
ប្រជាពលរដ្ឋក្មេងចាស់ប្រុសស្រីដែលមានអាការដូចជា ក្អួតចង្អោរ ឈឺក្បាល ធីងធោង ចុកពោះ
ឆ្អល់ពោះ ទន់ដៃជើង និងអស់កម្លាំងត្រូវបានរថយន្តសាមុយទៅដឹកចេញពីកន្លែងផ្ទះបុណ្យសព នៅក្នុងភូមិត្រពាំងទន្សោម ឃុំកណ្តោលជ្រុំ ស្រុកពញាក្រែក នៅយប់ថ្ងៃទី១១ ឧសភា ២០១៨ ដែលទៅធ្វើចម្ការនៅ ឃុំស្ពង់ស្រុកចិត្របុរី ខេត្តក្រចេះ មូលហេតុទាំងនេះសង្ស័យពុល ។
នៅផ្ទះបុណ្យពេលដែលសាច់ញាតិបានឃើញបែបនេះ ក៏មានអារម្មណ៍ភ័យខ្លាច ហើយបណ្តាលឲ្យម្នាក់ៗធប់ផ្លូវដង្ហើម និងអស់កម្លាំងក្នុងនោះត្រូវបានគេបញ្ជូនមកសង្គ្រោះ នៅមន្ទីរពេទ្យបង្អែកស្រុក ដោយខ្លួនឯង និងខ្លះទៀតត្រូវបានរថយន្តចេញទៅដឹកមកសង្គ្រោះទាន់ពេលវេលាមានចំនួន៦៩នាក់ខាងលើ ។
ដោយសារតែក្រុមគ្រូពេទ្យប្រឹងប្រែងសង្គ្រោះនោះ ម្នាក់ៗបានធូរស្រាលច្រើន រហូតមកដល់ព្រឹកថ្ងៃទី១៣ ឧសភានេះ បានចាកចេញត្រឡប់ទៅផ្ទះវិញស្ទើរទាំងអស់ ។ ហើយអ្នកដែលស្លាប់ធ្វើបុណ្យនៅឃុំកណ្តោលជ្រុំនោះ ដោយសារតែគាត់ពិសាស្រា បណ្តាលឲ្យស្លាប់ នេះបើតាមការសិក្សាពីគ្រូពេទ្យប្រាប់ ៕
ចែករំលែកព័តមាននេះ