ខេត្តឧត្តរមានជ័យ ៖ មនុស្សចាស់ក្មេងប្រុសស្រី២គ្រួសារពុលបង្អែមបាយដំណើបសង្ចា៧នាក់ ដែលធ្ងន់៥ស្រាល២នាក់ កាលពីរសៀលថ្ងៃទី១០ ឧសភា ២០១៨ នាំទៅធ្វើការសង្គ្រោះនៅក្នុងមន្ទីរបង្អែកស្រុកអន្លង់វែង ហេតុការណ៍នេះកើតឡើងនៅក្នុងភូមិអូរតាមេង ហៅភូមិអណ្តូង៣…
ខេត្តឧត្តរមានជ័យ ៖ មនុស្សចាស់ក្មេងប្រុសស្រី២គ្រួសារពុលបង្អែមបាយដំណើបសង្ចា៧នាក់ ដែលធ្ងន់៥ស្រាល២នាក់ កាលពីរសៀលថ្ងៃទី១០ ឧសភា ២០១៨ នាំទៅធ្វើការសង្គ្រោះនៅក្នុងមន្ទីរបង្អែកស្រុកអន្លង់វែង ហេតុការណ៍នេះកើតឡើងនៅក្នុងភូមិអូរតាមេង ហៅភូមិអណ្តូង៣ ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
ជនរងគ្រោះទី១- ឈ្មោះឡុង ប៊ុនថេង ភេទប្រុស អាយុ៣៨ឆ្នាំ (ធ្ងន់) ទី២- ឈ្មោះហេង រតនា ភេទប្រុស អាយុ១៥ឆ្នាំ(ធ្ងន់) ទី៣- ឈ្មោះហេង សុផារី ភេទប្រុស អាយុ១២ឆ្នាំ( ធ្ងន់) ទី៤- ឈ្មោះ ហេង វាស្នា ភេទប្រុសអាយុ៣ឆ្នាំ (ធ្ងន់)ត្រូវជាកូនបង្កើតជនរងគ្រោៈខាងលើ ទី៥- ឈ្មោះ វិញ ស្រីនាង ភេទស្រី អាយុ៣ឆ្នាំ (ធ្ងន់) និង២នាក់ទៀតត្រូវជាឪពុកម្តាយស្រាល ទាំង៧នាក់រស់នៅក្នុងភូមិឃុំកើតហេតុខាងលើ ។
ជនរងគ្រោះឈ្មោះ ឡុង ប៊ុនថេងបានឱ្យដឹងថា មុនពេលកើតហេតុនៅរសៀលថ្ងៃទី១០ ឧសភា ២០១៨ប្រពន្ធរបស់ខ្លួនបានជិៈម៉ូតូទៅទីផ្សារប្រជុំជនស្រុកអន្លង់វែងក៏ទិញម្អូបអាហារនៅពេលត្រឡប់មកវិញ ឃើញអ្នកលក់បង្អែមប្រពន្ធខ្លួនបានទិញបង្អែមបាយដំណើបសង្ចាចំនួន៩ថង់មកចែកកូនៗហូប និងឱ្យទៅញាតិជិតខាងចំនួន៣ថង់ ស្រាប់តែហូបរួច ក៏ពុលក្អួតចង្អោដួលសន្លប់ក្រុមគ្រួសារ និងអ្នករស់នៅជិតខាងដឹកយកមកពេទ្យជួយធ្វើការសង្គ្រោះ ។
លោកប្រធានមន្ទីរពេទ្យបង្អែកស្រុកអន្លង់វែងបានឱ្យដឹងថា ក្រោយពីបានទទួលអ្នកពុលបង្អែមដោយមានអាការធ្ងន់ គ្រូពេទ្យបានយកចិត្តទុក្ខដាក់ធ្វើការសង្គ្រោះ បន្ទាប់មកមានការធូរស្រាលឡើងវិញ នៅរសៀលថ្ងៃទី១១ ឧសភា ២០១៨ ទើបត្រឡប់ទៅលំនៅឋានវិញ ៕
ចែករំលែកព័តមាននេះ