ខេត្តកណ្តាល ៖ អធិការនគរបាលស្រុកអង្គស្នួល ដឹកនាំដោយលោកវរសេនីយ៍ មាន សំណាង និងកម្លាំងជំនាញគ្រឿងញៀន សហការជាមួយកម្លាំងសណ្តាប់ធ្នាប់ចរាចរ បានដាក់គោលដៅរឹតបន្តឹងច្បាប់ចរាចរណ៍នៅលើដងផ្លូវ ស្រាប់តែបានប្រទះរថយន្តឡិចសស៊ីស៣០០មួយគ្រឿង…
ខេត្តកណ្តាល ៖ អធិការនគរបាលស្រុកអង្គស្នួល ដឹកនាំដោយលោកវរសេនីយ៍ មាន សំណាង និងកម្លាំងជំនាញគ្រឿងញៀន សហការជាមួយកម្លាំងសណ្តាប់ធ្នាប់ចរាចរ បានដាក់គោលដៅរឹតបន្តឹងច្បាប់ចរាចរណ៍នៅលើដងផ្លូវ ស្រាប់តែបានប្រទះរថយន្តឡិចសស៊ីស៣០០មួយគ្រឿង ពណ៌.ស គ្មានស្លាកលេខ ក៏ឃាត់ ត្រួតពិនិត្យឃើញគួរឱ្យភ្ញាក់ផ្អើលបំផុត កាលពីវេលាម៉ោង១០ និង៣០នាទីព្រឹកថ្ងៃទី១១ ឧសភា ស្ថិតនៅលើផ្លូវជាតិលេខ៤ ត្រង់ចំណុចភូមិត្រពាំងរាំង ឃុំព្រៃពួច ស្រុកអង្គស្នួល ខេត្តកណ្តាល ។ ការប្រទះឃើញនោះ គឺមនុស្សប្រុស២នាក់ ថ្នាំញៀន១កញ្ចប់ ស្មើនិង១ជី អាវុធខ្លីធន់K.៥៩មួយដើម បង់១គ្រាប់០៤គ្រាប់ ស្រោមអាវុធខ្លី៤ និងថង់វេចខ្ចប់ថ្នាំញៀន ដែកកេះ ជាច្រើននៅកាបូបស្ពាយ ។
បើតាមនគរបាលឱ្យដឹងទៀតថា ជនសង្ស័យទាំង២១-ឈ្មោះហួត មឿន ហៅប៉ាវ ហៅម៉ន អាយុ៣៤ឆ្នាំ
ជាអ្នកលក់ម៉ូតូ មានទីលំនៅបច្ចុប្បន្ន នៅភូមិចំរើនផល ឃុំពោធិ៍ម្រាម ស្រុកបរសេដ្ឋខេត្តកំពង់ស្ពឺ និង
២-ឈ្មោះធឿស សំអាង អាយុ២៨ឆ្នាំ ជាជាងឡាន មានទីលំនៅភូមិអង្គមេត្រី ឃុំស្រលាំងគ្រើល ខេត្តកំពង់ស្ពឺ ។
ក្រោយឃើញវត្ថុតាងទាំងនេះ ជនសង្ស័យឈ្មោះហួន មឿន បានសារភាពថា ថាំញៀននេះ ខ្លួនបានទិញពីជនមិនស្គាល់ឈ្មោះនៅភ្នំពេញ ទិញម្តងៗចំនួនពី៤០០$ ទៅ៥០០$ ដើម្បីយកទៅលក់បន្ត។ ចំណែកអាវុធខ្លី ឈ្មោះថន ភេទប្រុស នៅតាខ្មៅ ជាអ្នកឱ្យប្រើ ។ បច្ចុប្បន្ន ជនសង្ស័យរួមនិងវត្ថុតាង ត្រូវបានបញ្ជូនមកអធិការដ្ឋាននគរបាលស្រុកអង្គស្នួល ដើម្បីសាកសួរបន្ត ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ