ខេត្តកំពង់ធំ ៖ រឿងរ៉ាវដ៏គួរឱ្យអាណោចអាធ័មមួយ បង្កឡើងដោយឪពុកឈាមខ្មៅ កាប់កូនស្រីខ្លួនឯងដែលមានអាយុជាង២ឆ្នាំ បណ្តាលឱ្យរងរបួសធ្ងន់ កាលពីវេលាម៉ោង0៣ និង១៧នាទីរសៀលថ្ងៃទី១០ ខែឧសភា ស្ថិតនៅក្នុងភូមិព្រៃតាហ៊ូ…
ខេត្តកំពង់ធំ ៖ រឿងរ៉ាវដ៏គួរឱ្យអាណោចអាធ័មមួយ បង្កឡើងដោយឪពុកឈាមខ្មៅ កាប់កូនស្រីខ្លួនឯងដែលមានអាយុជាង២ឆ្នាំ បណ្តាលឱ្យរងរបួសធ្ងន់ កាលពីវេលាម៉ោង0៣ និង១៧នាទីរសៀលថ្ងៃទី១០ ខែឧសភា ស្ថិតនៅក្នុងភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ។
លោកវរសេនីយ៍ឯក ញ៉ែម ឈុនលី អធិការនគរបាលក្រុងស្ទឹងសែនបានឱ្យដឹងថា ករណីខាងលើនេះ បង្កឡើងដោយជនឈ្មោះ តាន់ គឹមសាន អាយុ៣៤ឆ្នាំ មានទីលំនៅក្នុងភូមិត្បូងក្រពើ ឃុំត្បូងក្រពើ ស្រុកសន្ទុក បច្ចុប្បន្ន ជាកម្មករនៅឯខេត្តសៀមរាប ។ បើយោងតាមសាច់ញាតិនិយាយថា ជននេះមានប្រពន្ធឈ្មោះ ផុន វុទ្ធី អាយុ៣១ឆ្នាំ រស់នៅក្នុងភូម-ិឃុំុខាងលើ ប្រកបរបរលក់ដូរ ។ ដោយសារការរស់នៅជាមួយគ្នាជាប្តីប្រពន្ធមិនសូវចុះសម្រុងនឹងគ្នា និងតែងតែឈ្លោះប្រកែកគ្នានោះ មកដល់ថ្ងៃទី២០ ធ្នូ ឆ្នាំ២០១៧ ពួកគេទាំងពីរនាក់ ក៏បានព្រមព្រៀងផ្តិតមេដៃលែងលះគ្នា នៅត្រឹមសង្កាត់ព្រៃតាហ៊ូ អស់រយៈពេលប្រហែលកន្លះឆ្នាំមកហើយ ។
កន្លងមក ជននេះធ្លាប់មកសុំប្រពន្ធយកកូនស្រីឈ្មោះ មុន្នី ភ័ក្ត្រ អាយុ២ឆ្នាំ ទៅលេងជាមួយនឹងសាច់ញាតិរបស់ខ្លួន តែប្រពន្ធដែលបានលែងលះគ្នានោះ មិនព្រមឱ្យទៅទេ ជាហេតុធ្វើឱ្យឈ្មោះ តាន់ គឹមសាន ខឹងសម្បារយ៉ាងខ្លាំង ។ លុះមកដល់រសៀលថ្ងៃទី១០ ខែឧសភា ជននេះ បានមកផ្ទះប្រពន្ធម្តងទៀត តែប្រពន្ធទៅលក់ដូរបាត់ ហើយឃើញកូននៅតែម្នាក់ឯង ក៏ចាប់យកទៅខាងក្រោយផ្ទះ រួចយកបិតចិតត្នោតទៅកាប់កូនស្រីបណ្តាលឱ្យរងរបួសយ៉ាងធ្ងន់ ត្រូវក្បាលផ្នែកខាងឆ្វេងមួយកាំបិតរយះដល់លលាដ៍ និងចំខាងក្រោមកញ្ចឹងកចំនួន២កាំបិតរយះធំៗ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តសៀមរាបដេរជាច្រើនថ្នេរ ។
លោកអធិការបានឱ្យដឹងទៀតថា បន្ទាប់ពីកាប់កូនស្រីរួច ជននេះក៏ទៅយកថ្នាំបាញ់សម្លាប់ស្មៅមកផឹកប៉ងសម្លាប់ខ្លួនដែរ តែត្រូវសមត្ថកិច្ចចាប់បញ្ជូនទៅសង្គ្រោះនៅគ្លីនិកទាន់ពេល ។ មន្ត្រីនគរបាលនិយាយថា ជននេះគិតថា ក្រោយពីសម្លាប់កូនរួចនិងសម្លាប់ខ្លួនតាមក្រោយដែរ ដែលគំនិតដ៏ឃោរឃៅនេះ មិនគប្បីបុរសដទៃកុំយកជាគំរូឡើយ ៕
ចែករំលែកព័តមាននេះ