ចង់ដឹង៣នាក់នេះប្រើកាំបិតខ្វែវប្លន់អីទេ…?
- បាត់ដំបង
ខេត្តបាត់ដំបង ៖ សេចក្តីរាយការណ៍ឱ្យដឹងថា ក្រុមចោរដាច់យ៉ៃ៣នាក់ ត្រូវសមត្ថកិច្ចស្រាវជ្រាវឃាត់ខ្លួនបាន កាលពីព្រឹកថ្ងៃទី១០ ឧសភា ស្ថិតនៅភូមិដូង ឃំុបឹងរាំង ស្រុកកំរៀង…
ខេត្តបាត់ដំបង ៖ សេចក្តីរាយការណ៍ឱ្យដឹងថា ក្រុមចោរដាច់យ៉ៃ៣នាក់ ត្រូវសមត្ថកិច្ចស្រាវជ្រាវឃាត់ខ្លួនបាន កាលពីព្រឹកថ្ងៃទី១០ ឧសភា ស្ថិតនៅភូមិដូង ឃំុបឹងរាំង ស្រុកកំរៀង ដែលជាប់សង្ស័យក្នុងករណីភ្ជង់ប្លន់យកទូរស័ព្ទដៃនៅទីសាធារណ: ។
សេចក្តីរាយការណ៍បន្តថា ជនសង្ស័យទាំង៣នាក់ ១-ឈ្មោះនួន សុឃឿម អាយុ១៩ឆ្នាំ រស់នៅភូមិអូរដាលើ ឃំុបងរាំង ស្រុកកំរៀង ២-ឈ្មោះសូ ផេន អាយុ៣៣ឆ្នាំ រស់នៅភូមិដូង ឃំុបឹងរាំង ស្រុកកំរៀង និងម្នាក់ទៀតនៅមិនទាន់ស្គាល់ឈ្មោះ ។ ជាមួយនឹងការឃាត់ខ្លួនពួកគេ មន្ត្រីជំនាញដកហូតបានទូរស័ព្ទដៃ២គ្រឿងដែលជាវត្ថុតាងបានមកវិញ រួចធ្វើការប្រគល់ទៅម្ចាស់ដើមវិញ ដែលមានឈ្មោះស៊ឺន ប៊ុននីន ភេទប្រុស អាយុ១៨ឆ្នាំ និងឈ្មោះគើយ ស្រីនីត ភេទស្រី អាយុ១៧ឆ្នាំ រស់នៅជាមួយគ្នានៅភូមិ-ឃុំកើតហេតុខាងលើ។
ប្រភពបន្តថា ជនសង្ស័យទាំងនេះ បានប្រើប្រាស់កាំបិតខ្វែវភ្ជង់.កជនរងគ្រោះទាំង២នាក់ រួចប្លន់យកទូរស័ព្ទដៃចំនួន២គ្រឿងកាលពីយប់ថ្ងៃទី០៨ ឧសភា ខណ:ជនរងគ្រោះកំពុងអង្គុយសារសងគ្នា នៅក្នុងសួនច្បារដែលស្ថិតក្នុងភូមិដូង ឃុំបឹងរាំង ស្រុកកំរៀង ។ ក្រោយប្រព្រឹត្តបាន២ថ្ងៃ ទើបកម្លាំងស្រាវជ្រាវឃាត់ខ្លួនតែម្តង ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ