ខេត្តក្រចេះ ៖ បាតុភូតធម្មជាតិ មានគ្រោះរន្ទះបាញ់ និងខ្យល់កន្ត្រាក់នារដូវវស្សាដើមឆ្នាំនេះ កំពុងបង្កមហន្តរាយយ៉ាងខ្លាំងគួរឱ្យព្រួយបារម្ភ នៅក្នុងខេត្តក្រចេះ ។ ការបារម្ភគឺក្រោយពីមានកើតមានជាបន្តបន្ទាប់ជាប់គ្នា ក្នុងអំឡុងរយៈពេលប៉ុន្មានថ្ងៃចុងក្រោយនេះ…
ខេត្តក្រចេះ ៖ បាតុភូតធម្មជាតិ មានគ្រោះរន្ទះបាញ់ និងខ្យល់កន្ត្រាក់នារដូវវស្សាដើមឆ្នាំនេះ កំពុងបង្កមហន្តរាយយ៉ាងខ្លាំងគួរឱ្យព្រួយបារម្ភ នៅក្នុងខេត្តក្រចេះ ។ ការបារម្ភគឺក្រោយពីមានកើតមានជាបន្តបន្ទាប់ជាប់គ្នា ក្នុងអំឡុងរយៈពេលប៉ុន្មានថ្ងៃចុងក្រោយនេះ ។
ជាក់ស្តែង បាតុភូតគ្រោះធម្មជាតិនេះ ត្រូវបានគេកត់សម្គាល់ថា បានកើតឡើងជាប់ៗគ្នា ចាប់តាំងពីថ្ងៃទី៦ រហូតដល់ថ្ងៃទី៨ ឧសភា ។ ក្នុងនោះ បង្កឱ្យមនុស្សក្មេងចាស់៥នាក់នៅតំបន់ផ្សេងគ្នា បានរងរបួសធ្ងន់ដោយសារត្រូវរន្ទះបាញ់ ស្របគ្នានោះ ក៏មានខ្យល់កន្ត្រាក់បានវាយប្រហារបក់បោក បង្កឱ្យមានមហន្តរាយធ្ងន់ធ្ងរនៅក្នុងក្រុងក្រចេះដូចគ្នា ។
បើតាមសេចក្តីរាយការណ៍ឱ្យដឹងទៀតថា មនុស្សប្រុស-ស្រីចំនួន៣នាក់ រស់នៅក្នុងឃុំដំរីផុង ស្រុកឆ្លូង ក៏បានរងរបួសធ្ងន់ធ្ងរ ដោយសាររន្ទះបាញ់កាលពីថ្ងៃទី៦ ឧសភា ។ រន្ទះបានបាញ់ពលរដ្ឋ សុទ្ធសឹងជាកសិករប្រុស-ស្រីទាំង៣ នាក់ ពេលគាត់កំពុងព្យួររាស់ដីស្រែនៅកណ្តាលវាលស្រែ ។ ភ្លាមៗ ជងរងគ្រោះត្រូវបានអាជ្ញាធរចាត់បញ្ជូនមកសង្គ្រោះនៅមន្ទីរពេទ្យ ។
ដូច្នេះ សូមបងប្អូនប្រជាពលរដ្ឋទាំងអស់ ត្រូវតែបង្កើនការប្រុងប្រយ័ត្នឱ្យខ្ពស់ជានិច្ច ដើម្បីកុំឱ្យគ្រោះថ្នាក់ដល់អាយុជីវិតយើង ។
ចែករំលែកព័តមាននេះ