ស៊ូ ស៊ីរីកា ថា មានអ្នកយំស្តាយរូបនាង
- ភ្នំពេញ
រាជធានីភ្នំពេញ ៖ អតីតបេក្ខភាព The Voice Cambodia រដូវកាលទី១ និងជាតារាចម្រៀងប្រចាំផលិតកម្មថោន កញ្ញាស៊ូ ស៊ីរីកា…
រាជធានីភ្នំពេញ ៖ អតីតបេក្ខភាព The Voice Cambodia រដូវកាលទី១ និងជាតារាចម្រៀងប្រចាំផលិតកម្មថោន កញ្ញាស៊ូ ស៊ីរីកា…
រាជធានីភ្នំពេញ ៖ អតីតបេក្ខភាព The Voice Cambodia រដូវកាលទី១ និងជាតារាចម្រៀងប្រចាំផលិតកម្មថោន កញ្ញាស៊ូ ស៊ីរីកា បានបង្ហោះសារមួយថានឹងចាកចេញពីអាជីពចម្រៀងធ្វើឲ្យអ្នកគាំទ្ររបស់នាងស្រងាកចិត្ត ។
ស៊ូ ស៊ីរីកា បានប្រកាសថានឹងលាឈប់ពីវិស័យសិល្បៈ ដោយសរសេរលើហ្វេសប៊ុករបស់ខ្លួនថា «ឈប់ជាស្ថាពរ ទីបំផុតខ្ញុំបានជីវិតខ្ញុំមកវិញហើយ វិស័យដែលគួរឲ្យខ្លាច វិស័យតស៊ូគ្មានន័យ ហត់ណាស់ សង្ឃឹមថាការងារថ្មីរបស់ខ្ញុំបងប្អូននៅតែគាំទ្រ ហើយជួយទិញទាំងអស់គ្នាណា» ។
បណ្ដាអ្នកគាំទ្រមួយចំនួនលើកឡើងថា«ឈប់ទៅល្អជាងគ្មានប្រយោជន៍ទេ ល្អមើលមិនល្អស៊ីទេ ខាតតែពេលទេ ការងារថ្មីនឹងជោគជ័យរហូត ហើយនៅតែរាប់អាន និងស្រឡាញ់អូន មនុស្សល្អមិនថាទៅណា មិនថាធ្វើអ្វី គង់មានគេចូលចិត្តច្រើន» ។ ទោះជាយ៉ាងណាក្តីអ្នកខ្លះទៀតមិនចង់ឲ្យតារាស្រីរូបនេះឈប់ឡើងដោយថា«កុំឈប់អីបង ស្តាយទេពកោសល្យបងស្រីណាស់» ។
ទាំងអ្នកសិល្បៈមួយចំនួនទៀតអត់ចង់ឱ្យស៊ូ ស៊ីរីកា លាឈប់ពីអាជីពទេ ព្រោះនាងមានទេពកោសល្យល្អ ច្រៀងជាភាសាខ្មែរពីរោះកម្រិតច្រៀងភាសាអង់គ្លេសវិញរឹតតែល្អ ។ ស៊ីរីកា ជាចៅស្រីបង្កើតអ្នកស្រីកែវ មន្ថា អតីតតារាភាពយន្តជំនាន់លោកណុប ណែម និងជាក្មួយបង្កើតអ្នកស្រីជុំ រស្មី ហៅស្រីទូច តារាកំប្លែង ។
ជំនួបផ្ទាល់រវាងកោះសន្តិភាព ជាមួយកញ្ញាស៊ូ ស៊ីរី ក្នុងពិធីខួបកំណើតលោករ៉ា វីរៈ កាលពីពេលថ្មីៗកន្លងមក នាងបានបញ្ជាក់ថា «នាងខ្ញុំឈប់គិតចង់លាឈប់ពីសិល្បៈវិញហើយបន្ទាប់ពីមាន មិត្តៗក្នុងបណ្តាញសង្គមជាច្រើនសុំកុំឲ្យនាងខ្ញុំដើរចេញព្រោះស្តាយឱកាសដែលខិតខំព្យាយាមតាំងពីដំបូង ។ មានមិត្តក្នុងហ្វេសបុ៊កខ្លះយំមិនឲ្យនាងខ្ញុំឈប់ពីសិល្បៈឡើយ ។ ដោយសារកត្តាខាងលើនេះហើយទើបនាងខ្ញុំពិចារណាឡើងវិញថា មិនដកថយ ឆ្លើយតបការគាំទ្រ ។
ការគិតកន្លងមក គិតតែឯងមិនបានចូលទៅពិភាក្សាជាមួយបងប្អូនអ្វីទេ ដោយសារតែនាងខ្ញុំហត់នឿយការងារ ហើយយល់ថាសិល្បៈលំបាកណាស់ បើមិនព្យាយាមទៅមុខមិនរួចព្រមទាំងមានការប្រជែង និងរូបភាពជាច្រើនទៀតបោកបក់មកលើ ។ តែមិនពាក់ព័ន្ឋជាមួយរឿងស្នេហាជាមួយបុរសណាឡើយ គឺមិនទាន់ហ៊ានទទួល ហើយវាគឺជាការគិតតែខ្លួនឯងប៉ុណ្ណោះ ។ នាងខ្ញុំរំពឹងថាបងប្អូនបន្តគាំទ្រអាជីពចម្រៀងនាងខ្ញុំឡើងវិញ»៕
ចែករំលែកព័តមាននេះ