ផ្ទះសម្តេចតេជោ ចំនួន៣ខ្នងត្រូវបានប្រគល់ឲ្យអតីតយុទ្ធជនជួបការលំបាក
- បាត់ដំបង
ខេត្តបាត់ដំបង ៖ នៅររសៀលថ្ងៃទី០៨ ខែឧសភា ឆ្នាំ២០១៨ លោកនាយឧត្តមសេនីយ៍ គន់ គីម អគ្គលេខាធិការ គណៈអចិន្ត្រៃយ៍…
ខេត្តបាត់ដំបង ៖ នៅររសៀលថ្ងៃទី០៨ ខែឧសភា ឆ្នាំ២០១៨ លោកនាយឧត្តមសេនីយ៍ គន់ គីម អគ្គលេខាធិការ គណៈអចិន្ត្រៃយ៍ នៃគណៈកម្មាធិការកណ្តាល សមាគមអតីតយុទ្ធជនកម្ពុជា ឯកឧត្តម អស់លោកជាប្រតិភូអមដំណើរ លោកឧត្តមសេនីយ៍ទោ អ៊ុក ឃ្នួច មេបញ្ជាការ តំបន់ប្រតិបត្តិការសឹករងបាត់ដំបង ជាប្រធាន ស.អ.ក ខេត្ត, លោកឧត្តមសេនីយ៍ទោ ជា រស់ មេបញ្ជាការរងយោធភូមិភាគទី៥, លោក ប៉ោទ្រី ឌឿន ប្រធានមន្ទីរសេដ្ឋកិច្ច និងហិរញ្ញវត្ថុខេត្ត អនុប្រធាន ស.អ.ក ខេត្ត, លោក ឡុង ផលគុណ ប្រធានធនធានទឹក និងឧតុនិយមខេត្ត អនុប្រធាន ស.អ.ក ខេត្ត, លោកវរសេនីយ៍ឯក ទៀប រី ស្នងការរង នគរបាលខេត្ត, លោក គឹម តេង ប្រធានមន្ទីរសង្គមកិច្ចខេត្ត អនុប្រធានប្រចាំការ ស.អ.ក ខេត្ត, លោកប្រធាន អនុប្រធាន ស.អ.ក ក្រុង, ក្រុមការងារ ស.អ.ក ខេត្ត/ក្រុង, លោកប្រធាន អនុប្រធានសាខាសង្កាត់ អាជ្ញាធរដែនដី សរុបចំនួន៤៥នាក់ អញ្ជើញជាអធិបតីក្នុងពិធីប្រគល់ផ្ទះ៣ខ្នង ០១ខ្នងទំហំ (០៤ម៉ែត្រx០៦ម៉ែត្រ) ធ្វើអំពីឈើប្រក់ស័ង្កសី រៀបការ៉ូបាត និងរៀបជញ្ជាំងឥដ្ឋកម្ពស់០១ម៉ែត្រ តសំយ៉ាបទៅក្រោយប្រវែង (៣ម៉ែត្រx២.៥ម៉ែត្រ)។
ដែលបានចាប់សាងសង់ពីថ្ងៃទី២៧ មីនា ២០១៨ ដល់ថ្ងៃទី២៩ មេសា ២០១៨ ជាអំណោយដ៏ថ្លៃថ្លារបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា ផ្តល់ជូនសមាជិកសមាគមអតីតយុទ្ធជនកម្ពុជា ខេត្តបាត់ដំបង៣នាក់ ដែលទីទ័លក្រ និងគ្មានទីជម្រកសមរម្យ ១.ឈ្មោះ ឃុំ សន អត្តលេខ HA83000015 ជាជនពិការ ភេទប្រុស អាយុ៥៣ឆ្នាំ ស្ថិតនៅភូមិអង់ សង្កាត់អូរចារ ក្រុងបាត់ដំបង, ២. ឈ្មោះ នូវ សាមឿន អត្តលេខ HA94000577ជាជនពិការ ភេទស្រី អាយុ៦៧ឆ្នាំ ស្ថិតនៅភូមិសាមគ្គី ឃុំបវេល ស្រុកបវេល, ៣.ឈ្មោះ សែម អូន ភេទស្រី អាយុ៧០ឆ្នាំ ជាប្រជាពលរដ្ឋទីទ័ល រស់នៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង។ កម្មវិធីនេះម្ចាស់ផ្ទះទទួលបានគ្រឿងឧបភោគបរិភោគ ក្នុង០១នាក់រួមមាន៖ ថវិកា ២០០,០០០រៀល, គ្រែ០១, អង្ករចំនួន១០០គីឡូក្រាម, ទឹកត្រី ០១យួរ, ទឹកស៊ីអីវ ០១យួរ, ត្រីខ០១យួរ, ឆ្នាំងចាន មុង០១, ផួយ០១ និងកន្ទេល០១។
ដោយឡែកអតីតយុទ្ធជនដែលមានជីវភាពទីទ័លមកចូលរួមចំនួន៣០នាក់ ជាជនពិការ និងនិវត្តន៍ជន ក្នុងម្នាក់ៗទទួលបានថវិកាចំនួន១០០,០០០រៀល អង្ករ៥០គ.ក្រ សារ៉ុង១, ក្រុមការងារ ស.អ.ក ស្រុកបវេល ថវិកា ២០០,០០០រៀល ជាអំណោយរបស់សម្តេច អគ្គមហាសេបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេច កិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។ ក្នុងឱកាសនេះដែរ ឯកឧត្តម នាយឧត្តមសេនីយ៍ អគ្គលេខាធិការ បានសំណេះសំណាល និងផ្តាំផ្ញើសួរសុខទុក្ខពីថ្នាក់ដឹកនាំគ្រប់លំដាប់ថ្នាក់ ហើយបានប្រាប់អតីតយុទ្ធជនដែល ចូលទាំងអស់ត្រូវជឿជាក់ ស្មោះស្ម័គ្រគាំទ្រការដឹកនាំ របស់សម្តេចតេជោ ប្រមុខរាជរដ្ឋាភិបាល និងជាប្រធាន សមាគមអតីតយុទ្ធជនកម្ពុជាផងដែរ ហើយកុំភ្លេចត្រូវនាំគ្នាទៅចូលរួមបោះឆ្នោត នាពេលខាងមុខនេះកុំបីខានឡើយ៕
ចែករំលែកព័តមាននេះ