ខេត្តកំពង់ឆ្នាំង ៖ ផ្លូវក្រាលកៅស៊ូក្នុងខេត្ត ១ខ្សែបានរងការខូចខាតដោយសាររថយន្តធុនធំដឹកថ្មបំផ្លាញអស់រយៈពេលជាង៣ឆ្នាំហើយ នៅមិនទាន់ត្រូវបានជួសជុលនៅឡើយទេ ទោះបីរដ្ឋបាលសាលាខេត្តកំពង់ឆ្នាំង បានចាប់ឃាត់ក្រុមរថយន្ត ដែលបានដឹកបំផ្លាញផ្លូវក្នុងខេត្តនោះយ៉ាងណាក្តី ។ កាលពីមុន…
ខេត្តកំពង់ឆ្នាំង ៖ ផ្លូវក្រាលកៅស៊ូក្នុងខេត្ត ១ខ្សែបានរងការខូចខាតដោយសាររថយន្តធុនធំដឹកថ្មបំផ្លាញអស់រយៈពេលជាង៣ឆ្នាំហើយ នៅមិនទាន់ត្រូវបានជួសជុលនៅឡើយទេ ទោះបីរដ្ឋបាលសាលាខេត្តកំពង់ឆ្នាំង បានចាប់ឃាត់ក្រុមរថយន្ត ដែលបានដឹកបំផ្លាញផ្លូវក្នុងខេត្តនោះយ៉ាងណាក្តី ។ កាលពីមុន ខាងសាលាខេត្តបានត្រឹមតែផ្តល់ដំណឹងវិញថា ក្រុមហ៊ុនបានធ្វើកិច្ចសន្យាជួសជុលសងផ្លូវនោះយ៉ាងណាក្តី ក៍មកដល់ពេលនេះផ្លូវមិនទាន់បានជួសជុលសងវិញនៅឡើយទេ ធ្វើអោយប្រជាពលរដ្ឋ ធ្វើដំណើរតាមដងផ្លូវខាងលើ បានត្អូញត្អែរពីការលំបាក ក្នុងការធ្វើដំណើររបស់ពួកគាត់ ពិសេសអ្នករស់នៅតាមដងផ្លូវខាងលើនេះតែម្តង ។
សូមរំលឹកថា ផ្លូវក្រាលកៅស៊ូ១ខ្សែកាត់ចេញពីផ្លូវជាតិលេខ៥ ត្រង់ចំណុច មន្ទីរអប់រំយុវជន និងកីឡាខេត្ត កំពង់ឆ្នាំងថ្មី ចូលទៅភូមិធម្មយុត្តិ រួចចេញទៅក្រោយរបងស៊ីម៉ាក់ កាត់មុខសាលារៀន កាណាន រួចបត់ឡើងទៅផ្លូវលេខ៥៣ ដែលមានប្រវែងប្រមាណជាង៣គីឡូម៉ែត្រ ត្រូវបានអាជ្ញាធរខេត្តកំពង់ឆ្នាំងជំនាន់លោកទូច ម៉ារីម ជាអភិបាលខេត្ត បានកសាងដោយក្រាលកៅស៊ូយ៉ាងស្អាត ប្រជាពលរដ្ឋរីករាយសប្បាយចិត្តគ្រប់គ្នា ពិសេសអ្នករស់នៅតាមដងផ្លូវ ដែលធ្លាប់តែជាផ្លូវដីក្រហម បានក្លាយជាផ្លូវក្រាលកៅស៊ូយ៉ាងស្អាត បែបនេះ ។ ប៉ុន្តែមិនទាន់បានប៉ុន្មានផង ស្រាប់តែមានក្រុមហ៊ុនដឹកថ្មមួយ ដែលមានរថយន្តចាប់ពី៦០ ទៅ៧០តោន បានដឹកថ្មពីភ្នំ ក្នុងឃុំពង្រ ឡើងតាមផ្លូវលេខ៥៣ រួចដឹកតាមផ្លូវកៅស៊ូដែលស្ថាបនាដោយ អាជ្ញាធរខេត្ត ដើម្បីដឹកចេញមកផ្លូវជាតិលេខ៥ រួចបន្តចុះទៅមាត់ទន្លេចំណុចភូមិព្រែកសាលា ឃុំទឹកហូត ស្រុករលាប្អៀរ ដើម្បីដាក់ចូលសាឡង់ រួចដឹកបន្តទៅរាជធានីភ្នំពេញ កាលណោះមានគេប្រាប់ថា ដឹកយកទៅចាក់នៅចំណុចកោះពេជ ។ ក្រុមហ៊ុនដឹកថ្មខាងលើពេលធ្វើសកម្មភាព ក៏កំពុងតែបំផ្លាញផ្លូវផងដែរ ហើយមានការចុះផ្សាយតាមប្រពន្ឋ័ផ្សព្វផ្សាយនានា បន្ទាប់មកក៍មានសមត្ថកិច្ចចម្រុះ ថ្នាក់ខេត្ត ថ្នាក់ក្រសួងបានចាប់ឃាត់រថយន្តខាងលើ ១លើក ជា២លើក ដែរ ដើម្បីអោយសងផ្លូវដែលរងការខូចខាត៕
ចែករំលែកព័តមាននេះ