ប្រកាសសាលដីកាថ្ងៃ១១ ឧសភា «ជួប សម្លាប់»
- ភ្នំពេញ
រាជធានីភ្នំពេញ ៖ មន្ត្រីសាលាឧទ្ធរណ៍បានឱ្យដឹងនៅថ្ងៃទី៦ ឧសភាថា បណ្តឹងឧទ្ធរណ៍របស់មេធាវីការពារក្តីជនជាប់ចោទឈ្មោះ អឿត អាង ហៅ ជួប សម្លាប់…
រាជធានីភ្នំពេញ ៖ មន្ត្រីសាលាឧទ្ធរណ៍បានឱ្យដឹងនៅថ្ងៃទី៦ ឧសភាថា បណ្តឹងឧទ្ធរណ៍របស់មេធាវីការពារក្តីជនជាប់ចោទឈ្មោះ អឿត អាង ហៅ ជួប សម្លាប់ សាលាឧទ្ធរណ៍នឹងប្រកាសសាលដីកានៅថ្ងៃទី១១ ខែឧសភា ខាងមុខ ។
គួរបញ្ជាក់ថា ចៅក្រមសាលាឧទ្ធរណ៍កាលពីថ្ងៃទី៤ ខែឧសភា បានបើកសវនាការលើបណ្តឹងឧទ្ធរណ៍របស់ជនជាប់ចោទ អឿត អាង ហៅជួប សម្លាប់ ដែលសាលាដំបូងរាជធានីភ្នំពេញបានផ្តន្ទាទោសដាក់ពន្ធនាគារអស់មួយជីវិតលើករណីបាញ់សម្លាប់លោកបណ្ឌិត កែម ឡី ។
យោងតាមការបញ្ជាក់របស់លោកមេធាវី ឡោ គីមហ្កិច ការពារក្តីឱ្យជនជាប់ចោទ ជួប សម្លាប់ បាននិយាយថា នៅពេលសវនាការកូនក្តីរបស់លោកបានសារភាពតាំងពីតុលាការថ្នាក់ក្រោមមកម្លេ៉ះ ។ ក្នុងនាមជាមេធាវី បានធ្វើសេចក្តីសន្និដ្ឋាន សូមលោកចៅក្រមជួយបន្ធូរបន្ថយទោសឲ្យកូនក្តីតែប៉ុណ្ណោះ ។ លោកបញ្ជាក់ថា ក្នុងសំណុំរឿងក្តីនេះ លោកចៅក្រមបានសម្រេចលើកពេលទៅប្រកាសសាលដីកានៅព្រឹកថ្ងៃទី១១ ខែឧសភា ។
គួររំឭកថា កាលពីថ្ងៃទី២៣ ខែមីនា ឆ្នាំ២០១៧ លោកចៅក្រម លាង សំណាត់ អនុប្រធានសាលាដំបូងរាជធានីភ្នំពេញ បានសម្រេចប្រកាសសាលក្រមផ្តន្ទាទោសជនជាប់ចោទ អឿត អាង ហៅ ជួប សម្លាប់ ដាក់ពន្ធនាគារអស់មួយជីវិតក្រោមការចោទប្រកាន់ពីបទឃាតកម្មគិតទុកជាមុន តាមមាត្រា២០០នៃក្រមព្រហ្ម
ទណ្ឌ និងបទកាន់កាប់អាវុធដោយខុសច្បាប់ ។នៅពេលសវនាការនៅសាលាដំបូងរាជធានីភ្នំពេញ កាលពីថ្ងៃទី១ ខែមីនា ឆ្នាំ២០១៧ «ជួប សម្លាប់»បានសារភាពថា ខ្លួនជាអ្នកបាញ់សម្លាប់លោកបណ្ឌិត កែម ឡី ដោយសារខឹងលោក កែម ឡី ជំពាក់ប្រាក់មិនសង ហើយអះអាងថា គ្មានអ្នកនៅពីក្រោយខ្នងនៃអំពើឃាត
កម្មនេះទេ ។
គួរបញ្ជាក់ថា អឿត អាង ហៅ ជួប សម្លាប់អាយុ៣៨ឆ្នាំ បានត្រូវសមត្ថកិច្ចឃាត់ខ្លួនភ្លាមៗក្រោយពីមានអំពើបាញ់សម្លាប់លោកបណ្ឌិត កែម ឡី កាលពីវេលាម៉ោង៨និង៥០នាទីព្រឹកថ្ងៃទី១០ ខែកក្កដា ឆ្នាំ២០១៦ នៅក្នុងស្តារ៍ម៉ាតនៃស្ថានីយប្រេងឥន្ធនៈកាល់តិចបូកគោ ស្ថិតនៅកាច់ជ្រុងមហាវិថីព្រះមុនីវង្ស និងមហាវិថីម៉ៅសេទុង ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ៕
ចែករំលែកព័តមាននេះ