រាជធានីភ្នំពេញ ៖ និពន្ធនាយកកាសែតភ្នំពេញប៉ុស្តិ៍ភាសាខ្មែរ និងអង់គ្លេស លោក កៃ គឹមសុង ត្រូវបានថៅកែថ្មី សម្រេចបញ្ឈប់ពីការងារហើយ បន្ទាប់ពីទិញភាគហ៊ុនរបស់កាសែតនេះ…
រាជធានីភ្នំពេញ ៖ និពន្ធនាយកកាសែតភ្នំពេញប៉ុស្តិ៍ភាសាខ្មែរ និងអង់គ្លេស លោក កៃ គឹមសុង ត្រូវបានថៅកែថ្មី សម្រេចបញ្ឈប់ពីការងារហើយ បន្ទាប់ពីទិញភាគហ៊ុនរបស់កាសែតនេះ ។
លោក កៃ គឹមសុង បានបញ្ជាក់ប្រាប់គេហទំព័រក្នុងស្រុកមួយថា លោកបានបម្រើការងារនៅក្នុងកាសែតនេះរយៈពេល១០ឆ្នាំមកហើយ ។ មូលហេតុដែលថៅកែថ្មីបញ្ឈប់រូបលោក គឺបន្ទាប់ពីលោកបានធ្វើកំហុសធំមួយ ដោយបានអនុញ្ញាតឲ្យមានការចេញផ្សាយអត្ថបទ ស្តីពីការដូរម្ចាស់ក្រុមហ៊ុន Post Media នៅលើទំព័រមុខនៃកាសែតភ្នំពេញប៉ុស្តិ៍ចេញផ្សាយនៅថ្ងៃទី៧ ឧសភា ។
យោងតាមសេចក្តីប្រកាសរបស់កាសែតភ្នំពេញប៉ុស្តិ៍ ចេញផ្សាយថ្ងៃទី៥ ឧសភា បានឲ្យដឹងថា លោក Bill Clough ប្រធាន និងជាចាងហ្វាងការផ្សាយកាសែត Phnom Penh Post (ភ្នំពេញប៉ុស្តិ៍) និងសារព័ត៌មាន Post Khmer (ប៉ុស្តិ៍ខ្មែរ) បានប្រកាសឱ្យដឹងថា ក្រុមហ៊ុននេះ ត្រូវបានលក់ទៅឲ្យវិនិយោគិនម៉ាឡេស៊ី ជនបរទេសសរសេរអត្ថបទ២នាក់ ក៏បានបណ្តេញចេញផងដែរ ៕
ចែករំលែកព័តមាននេះ