ខេត្តក្រចេះ ៖ សេចក្តីរាយការណ៍បានឱ្យដឹងថា ករណីបងប្អូនជនជាតិព្នងជាច្រើននាក់បានពុល រហូតដល់មានអ្នកស្លាប់ និងអ្នករងគ្រោះនោះ ត្រូវសន្និដ្ឋានបឋមថា គឺបណ្តាលមកពីការពុលមេតាណុលនៅក្នុងស្រា.ស បន្ទាប់ពីបានសម្អាងលើអ្នកជំងឺធ្ងន់ធ្ងរនិងអ្នកស្លាប់ទាំងអស់ គឺសុទ្ធតែមានរោគសញ្ញាស្រវាំងភ្នែក…
ខេត្តក្រចេះ ៖ សេចក្តីរាយការណ៍បានឱ្យដឹងថា ករណីបងប្អូនជនជាតិព្នងជាច្រើននាក់បានពុល រហូតដល់មានអ្នកស្លាប់ និងអ្នករងគ្រោះនោះ ត្រូវសន្និដ្ឋានបឋមថា គឺបណ្តាលមកពីការពុលមេតាណុលនៅក្នុងស្រា.ស បន្ទាប់ពីបានសម្អាងលើអ្នកជំងឺធ្ងន់ធ្ងរនិងអ្នកស្លាប់ទាំងអស់ គឺសុទ្ធតែមានរោគសញ្ញាស្រវាំងភ្នែក ឬងងឹតភ្នែក ថប់ដង្កើម និងមានប្រវត្តិពិសាស្រាមុនពេលឈឺ ។ នេះបើយោងតាមការដានរបស់ក្រុមអ្នកជំនាញពីក្រសួងសុខាភិបាល និងមន្ទីរសុខាភិបាលខេត្តក្រចេះ ទទួលបានលទ្ធផលបឋមគិតត្រឹមម៉ោង០១ និង៣០នាទីរសៀលថ្ងៃទី០៧ ឧសភា ម្សិលមិញ ។
តាមលទ្ធផលមន្ទីរពិសោធន៍របស់ក្រសួងសុខាភិបាលបានបញ្ជាក់ទៀតថា សំណាកស្រា.សទាំងនេះ គឺមាន កម្រិតជាតិមេតាណុលខ្ពស់ ដែលអាចបណ្តាលឱ្យអ្នកផឹកទាំងនោះស្លាប់បាន ។ សម្រាប់អ្នកដែលឈឺហើយ តែមិនពិសាស្រា ក្រុមការងារកំពុងធ្វើការស្រាវជ្រាវរកមូលហេតុជាបន្តទៀត ។
គួររំលឹកថា គិតត្រឹមរសៀលថ្ងៃទី៧ ឧសភា គឺមានចំនួន៥ថ្ងៃហើយ ដែលការពុលនេះបានវាយលុកយ៉ាងខ្លាំងមកលើអ្នកភូមិស្រែននន និងភូមិអាលច ឃុំកន្ទួត ។ ការពុលដែលអាជ្ញាធរបានកំណត់ថា បណ្តាលមកពីទឹកព្រែកនិងទឹកអូរនោះ បានធ្វើឱ្យចំនួនអ្នកភូមិស្លាប់កើនឡើងរហូតដល់១៣នាក់ ក្នុងនោះស្រី៩នាក់ ។ ស្របគ្នានេះ ចំនួនអ្នករងគ្រោះដោយសារការពុលដែលកើតមានអាការងងឹតមុខ តឹងណែនដើមទ្រូង ស្រវាំងភ្នែក ទន់ដៃទន់ជើង បានកើនឡើងរហូតដល់ជាង២០០នាក់ហើយ ។
ចែករំលែកព័តមាននេះ