ខេត្តកំពត ៖ ឯកឧត្ដមហាស់ វ៉ារី ទីប្រឹក្សាសម្ដេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រសាសន៍ថា ៖ មានតែសម្ដេចតេជោហ៊ុនសែន និងគណបក្សប្រជាជនតែមួយគត់ ដែលធ្វើឲ្យប្រទសជាតិមានសុខសន្តិភាព ការអភិវឌ្ឍន៍ និងបំរើប្រជាពលរដ្ឋនៅជាប់ជាមួយប្រជាពលរដ្ឋ និងជាគណបក្សដែលជួយសង្គ្រោះប្រជាជន និងសង្គមជាតិឲ្យរួចផុតពីរបបប្រល័យពូជសាសន៍រហូតមកដល់សព្វថ្ងៃនេះ យើងមានសន្តិភាពសុវត្ថិភាព សណ្ដាប់ធ្នាប់សង្គម សេរីភាព ប្រជាធិបតេយ្យពេញបរិបូរណ៍លើផ្ទៃប្រទេសជាមួយនឹងការអភិវឌ្ឍន៍លើគ្រប់វិស័យផងដែរ ។
ឯកឧត្ដម ហាស់ វ៉ារី មានប្រសាសន៍លើកឡើងដូចនេះនៅក្នុងឱកាសដែលឯកឧត្តមអញ្ជើញជាអធិបតីតំណាងដ៏ខ្ពង់ខ្ពស់ម្ដេចតេជោហ៊ុន សែនក្នុងពិធីជួបសំណេះសំណាលជាមួយបងប្អូនប្រជាពលរដ្ឋខ្មែរឥស្លាមចំនួនប្រមាណ៨០០នាក់ ដែលពិធីនេះធ្វើឡើងនៅក្នុងបរិវេណរោងចក្រកាត់ដេរ ស្ថិតនៅក្នុងភូមិរលួស ឃុំបឹងទូក ស្រុកទឹកឈូ ខេត្តកំពត កាលពីព្រឹកថ្ងៃទី០៧ ខែឧសភា ឆ្នាំ២០១៨ថ្មីៗនេះដោយមានវត្តមានលោកស៊ុក សារ៉ាដ អភិបាលរងខេត្តតំណាងឯកឧត្ដម ជាវ តាយ អភិបាលនៃគណៈអភិបាលខេត្តកំពតផងដែរ ។
ឯកឧត្ដមហាស់ វ៉ារី បានមានប្រសាសន៍បន្តទៀតថា ៖ បច្ចុប្បន្នប្រជាពលរដ្ឋរស់នៅក្នុងភាពសុខសាន្ត ជីវភាពក៏មានការរីកចម្រើនសប្បូរសប្បាយរហូតដល់ទីជនបទជំនឿសាសនាផ្សេងៗក៏ត្រូវបានបើកសិទ្ធទូលាយប្រកបដោយសុខដុមបនីយកម្មសាសនា ។ ទាំងនេះ គឺបានកើតចេញពីការដឹកនាំល្អធ្វើនូវអំពើល្អប្រកបដោយគតិបណ្ឌិតឈ្លាសវៃដើរលើផ្លូវត្រូវរបស់ថ្នាក់ដឹកនាំនៃរាជរដ្ឋាភិបាលដែលមានសម្ដេចតេជោហ៊ុនសែនជាប្រមុខ ព្រមទាំងមានការចូលរួមគាំទ្រពីប្រជាពលរដ្ឋយើងទាំងអស់គ្នា ។ ហើយសមិទ្ធិផលទាំងនេះ គឺយើងបានមកពីញើសឈាមយកទៅប្ដូរ ។
ដូច្នេះយើងទាំងអស់គ្នាត្រូវតែបន្តចូលរួមកសាងនូវអំពើល្អ និងថែរក្សាសន្តិភាពអោយនៅគង់វង្សដើម្បីធ្វើដំណើររួមគ្នាកសាង និងអភិវឌ្ឍន៍ប្រទេសជាតិសម្រាប់អនាគតយើងកូនចៅយើងជំនាន់ក្រោយទាំងអស់ គ្នាឲ្យកាន់តែមានជីវភាពធូរធាររីកចម្រើនទៅមុខបន្តទៀត ។
ជាមួយឱកាសនោះឯកឧត្ដមហាស់ វ៉ារីក៏បាននាំមកនូវការផ្ដាំផ្ញើសួរសុខទុក្ខពីសំណាក់សម្ដេចតេជោហ៊ុនសែនជូនចំពោះប្រជាពលរដ្ឋខែ្មរឥស្លាម ដែលជានិច្ចកាលសម្ដេចតែងតែបានយកចិត្តទុកដាក់ ពីសុខទុក្ខក៏ដូចជា ក្ដីកង្វល់រួមនឹងបញ្ហាប្រឈមនានា និងសំណូមពររបស់ប្រពលរដ្ឋ និងបានខិតខំដោះស្រាយរាល់ការលំបាកផ្សេងៗ ព្រមទាំងជម្រុញល្បឿននៃការភិវឌ្ឍន៍ប្រទេសជាតិឈានឆ្ពោះទៅកាន់ភាពរីកចម្រើន និងកាត់បន្ថយបាននូវភាពក្រីក្ររបស់ប្រជាពលរដ្ឋបានជាបន្តបន្ទាប់ ។ ឯកឧត្ដម ហាស់ វ៉ារី ក៏បានបន្តមានប្រសាសន៍ទៀតថា តាមរយៈគោលនយោបាយយុទ្ធសាស្ត្ររបស់រាជរដ្ឋាភិបាលក្រោមការដឹកនាំរបស់សម្ដេចតេជោហ៊ុនសែនបាននាំមកនូវសុខសន្តិភាពស្ថិរភាពនយោបាយផ្ទៃក្នុងបានល្អប្រសើររួម និងការកសាងបាននូវសមិទ្ធផលធំៗជាច្រើនទៀត ។
ឯកឧត្តមហាស់ វ៉ារីក៏បានអំពាវនាវដល់ប្រជាពលរដ្ឋទាំងអស់ឲ្យចូលរួមបោះឆ្នោតជ្រើសតាំងតំណាងរាស្ត្រដែលប្រព្រឹត្តទៅនាថ្ងៃ២៩ ខែកក្កដា ២០១៨ខាងមុខនេះ ឲ្យបានគ្រប់ៗគ្នាដើម្បីគាំទ្របេក្ខភាពសម្ដេចតេជោហ៊ុន សែនជានាយករដ្ឋមន្ត្រីដឹកនាំប្រទេសឲ្យបានកាន់តែរីកចម្រើនបន្តទៀត ។
ឱកាសនោះឯកឧត្តមហាស់ វ៉ារី ក៏បាននាំមកនូវអំណោយសម្ដេចតេជោហ៊ុនសែន និងសម្ដេចគតិព្រឹទ្ធបណ្ឌិតប៊ុន រ៉ានីហ៊ុន សែនជូនចំពោះប្រជាពលរដ្ឋខ្មែរឥស្លាមចំនួន៨០០នាក់ក្នុងម្នាក់ៗ សំលៀកបំពាក់មួយកំប្លេ និងថវិកា២ម៉ឺនរៀល និងឧបត្ថម្ភជួយទិញដីអស់ទឹកប្រាក់ចំនួន៣ម៉ឺនដុល្លារអាមេរិក និងកសាង វិហារឥស្លាមមួយកន្លែងអស់ថវិកាសរុប៤ម៉ឺនដុល្លាររួម និងឧបត្ថម្ភផ្សេងៗក្នុងកម្មវិធីសរុបថវិកាអស់ចំនួនជាង៥លានរៀលថែមទៀតផងដែរ ៕
ចែករំលែកព័តមាននេះ