នៅកន្លែងការងារ ពេលវេលាក្រោយការទទួលទានអាហារថ្ងៃត្រង់ គឺជាពេលវេលាអាក្រក់បំផុតដែលអ្នកតែងតែជួបប្រទះ ។ អ្នកមានអារម្មណ៍ថាងងុយគេងខ្លាំង ដូច្នេះបើសិនជាមានឱកាសល្អ អ្នកនឹងគេងភ្លាម ។ ដូច្នេះដើម្បីចៀសវាងការងងុយគេងនៅពេលថ្ងៃ យើងមានដំណោះស្រាយដោយធម្មជាតិដែលមានប្រសិទ្ធភាពមួយចំនួនផងដែរ…
នៅកន្លែងការងារ ពេលវេលាក្រោយការទទួលទានអាហារថ្ងៃត្រង់ គឺជាពេលវេលាអាក្រក់បំផុតដែលអ្នកតែងតែជួបប្រទះ ។ អ្នកមានអារម្មណ៍ថាងងុយគេងខ្លាំង ដូច្នេះបើសិនជាមានឱកាសល្អ អ្នកនឹងគេងភ្លាម ។ ដូច្នេះដើម្បីចៀសវាងការងងុយគេងនៅពេលថ្ងៃ យើងមានដំណោះស្រាយដោយធម្មជាតិដែលមានប្រសិទ្ធភាពមួយចំនួនផងដែរ ។ វារួមទាំងការធ្វើលំហាត់ប្រាណបន្តិចបន្តួចដែលអ្នកអាចធ្វើបាននៅនឹងតុធ្វើការរបស់អ្នក ។ ខាងក្រោមនេះ គឺជាវិធីល្អបំផុតដើម្បីចៀសវាងការងងុយគេងបន្ទាប់ពីអាហារថ្ងៃត្រង់ ៖
១-ក្រោកឈរ ហើយដើរ
ការដែលមានអារម្មណ៍ងងុយគេងក្រោយអាហារថ្ងៃត្រង់ ជារឿងដែលកើតឡើងទូទៅបំផុតសម្រាប់អ្នកធ្វើការ ។ ដូច្នេះនៅពេលដែលអ្នកចាប់ផ្តើមមានអារម្មណ៍ថាងងុយគេង អ្នកគ្រាន់តែក្រោកឡើងពីកៅអីរបស់អ្នក ហើយចាប់ផ្តើមដើរបន្តិចនៅខាងក្រៅ ឬខាងក្នុងការិយាល័យរបស់អ្នក ។ សូមធ្វើដូចនេះរយៈពេល ៥ទៅ១០នាទី ។ វាអាចជួយអ្នកបាន ។
២-ដកដង្ហើម វែងៗ
ការដកដង្ហើមវែងៗអាចជួយផ្តល់ថាមពលដែលរាងកាយរបស់អ្នកត្រូវការ ។ សកម្មភាពនេះអាចធ្វើបានយ៉ាងងាយស្រួលនៅនឹងតុធ្វើការរបស់អ្នក ។ សូមអង្គុយឲ្យត្រង់ បន្ទាប់មកព្យាយាមដកដង្ហើមចេញ និងចូលឲ្យបានវែងៗ ។ ធ្វើដូចនេះរយៈពេលប្រហែល ២ទៅ៣នាទី ដើម្បីទទួលបានលទ្ធផលល្អបំផុត ។
៣-ម៉ាស្សា
ប្រសិនបើអ្នកមានអារម្មណ៍ថាងងុយគេងនៅពេលរសៀល អ្នកគួរតែសាកល្បងជាមួយនឹងការម៉ាស្សា ។ ការម៉ាស្សាស្បែកក្បាលបន្តិចនៅជុំវិញតំបន់ស្បែកក្បាល សៀតផ្កា និងចន្លោះរោមចិញ្ចើមសម្រាប់រយៈពេលប្រហែល ២ទៅ៣នាទីអាចជួយក្នុងការកម្ចាត់នូវភាពតានតឹង និងធ្វើឱ្យអារម្មណ៍អ្នកមានភាពស្រស់ថ្លា ។
៤-បង្វិលស្មា
ប្រសិនបើអ្នកមានអារម្មណ៍ថាងងុយគេងក្រោយអាហារថ្ងៃត្រង់ អ្នកអាចសាកល្បងការបង្វិលស្មាពេលកំពុងអង្គុយនៅតុធ្វើការរបស់អ្នកដើម្បីបំបាត់ភាពងងុយនេះ ។ វាមិនត្រឹមតែធ្វើឲ្យអារម្មណ៍របស់អ្នកបានសម្រាកនោះទេ ប៉ុន្តែវាថែមទាំងអាចជួយផ្តល់ថាមពលដែលរាងកាយរបស់អ្នកត្រូវការ។ អ្នកអាចចាប់ផ្តើមដោយការងាកកទៅក្រោយបន្តិច និងបង្វិលស្មារបស់អ្នកចុះឡើង
យឺតៗ ។ ធ្វើដូចនេះប្រហែលពីរនាទី វានឹងអាចជួយអ្នកបាន ៕
ចែករំលែកព័តមាននេះ