មើម​ខ្ទឹមស​ក្លិន​មិនសូវ​ល្អ តែបើ​ដឹង​អត្ថប្រយោជន៍​វា​ច្បាស់​ជា​ភ្ញាក់ផ្អើល


តាម​ស្រាវជ្រាវ​ចុង​ក្រោយ​របស់​ក្រុម​អ្នក​វិទ្យាសាស្ត្រ​មក​ពី​មជ្ឈមណ្ឌល​គ្រប់គ្រង និង​បង្ការ​ជំងឺ​ប្រចាំ​​ខេត្ត​ជាំ​ង​ស៊ូ (Jiangsu) ប្រទេស​ចិន​បាន​បង្ហាញ​ថា មនុស្ស​ធំ​ដែល​ទទួលទាន​មើម​ខ្ទឹមស​ឆៅ​ទៀងទាត់​២​ដង​ក្នុង​មួ​យស​ប្តា​ហ៍​អាច​កាត់​បន្ថយ​អត្រា​ប្រឈម​នឹង​ជំងឺមហារីក​សួត​បាន​៤៤​ភាគ​រយ ។ ចំពោះ​អ្នក​ជក់បារី​វិញ​ដែល​និយម​ខ្ទឹមស​ក៏​អាច​កាត់​បន្ថយ​អត្រា​ប្រឈម​បាន​៣៣​ភាគរយ ។

យ៉ាងណា​ក៏​ដោយ ការ​សិក្សា​ដែល​បាន​ចុះ​ផ្សាយ​នៅ​ក្នុង​ព្រឹត្តិបត្រ Cancer Prevention Research នេះ​មិន​បាន​បញ្ជាក់​ឱ្យ​បាន​ច្បាស់លាស់​ថា​តើ​ការ​ទទួលទាន​មើម​ខ្ទឹមស​ចម្អិន​ឆ្អិន​មាន​ប្រសិទ្ធភាព​ដូច​គ្នា​នឹង​ឆៅ​ដែរ​ឬ​យ៉ាងណា​នោះ​ទេ ។

ប្រសិទ្ធភាព​របស់​មើម​ខ្ទឹមស​ឆៅ ត្រូវ​បាន​អ្នក​វិទ្យាសាស្ត្រ​រក​ឃើញ​ថា ស្ថិត​នៅ​លើ​សារធាតុ​គីមី​មួយ​ប្រភេទ​ឈ្មោះ Allicin ។ Allicin​នេះ​បាន​បញ្ចេញ​ឥទ្ធិពល​របស់​ខ្លួន​នៅ​ពេល​ដែល​កំពឹស​មើម​ខ្ទឹម​ត្រូវ​បាន​បំបែក​ឬ​ទំពា ។ ក្រៅពី​មាន​ប្រសិទ្ធភាព​កាត់​បន្ថយ​មហារីក  ខ្ទឹមស​ត្រូវ​គេ​រក​ឃើញ​​ថា អាច​បន្សើម​ការ​រលាក​ក្នុង​រាង​កាយ ហើយ​ដើរតួ​ជា​សមាសធាតុ​ប្រឆាំង​អុក​ស៊ី​ដ​កម្ម​កាត់​បន្ថយ​ការ​បំផ្លាញ​បណ្តា​កោសិកា​រាង​ពី​សំណាក់​រ៉ា​ឌី​កាល់​សេរី ។

អត្ថប្រយោជន៍​មើម​ខ្ទឹម​សមាន​ច្រើន​ចំណុច​ទៀត​ក្នុង​នោះ​មាន​ដូច​ជា ទប់ស្កាត់​មហារីក​ពោះវៀនធំ បំបាត់​ការ​ពុល​អាហារ ជំងឺ​ផ្តាសាយ​ធម្មតា​…​។ តាម​ការ​សិក្សា​មួយ​ធ្វើ​ឡើង​ដោយ​អ្នក​វិទ្យា​សាស្ត្រ​​សាកលវិទ្យាល័យ University Of South Australia ប្រទេស​អូស្ត្រាលី​បាន​បង្ហាញ​ថា ទទួលទាន​មើម​ខ្ទឹមស​ឆៅ​អាច​ទប់ស្កាត់​ការ​ដុះ​ដុំ​សាច់​ក្នុង​ពោះវៀនធំ​បាន​មួយ​ចំណែក​ដែរ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ