ធម្មតាជំងឺពុកឆ្អឹងច្រើនតែមិនបង្កជារោគសញ្ញាអ្វីឲ្យយើងដឹងឡើយ ។ សញ្ញាសំខាន់ជំងឺពុកឆ្អឹងបង្កនោះគឺជាការឈឺចាប់ដែលបណ្តាលមកពីការបាក់ឆ្អឹង ។ សញ្ញា ផ្សេងៗទៀតដែលមាននោះគឺស្រុញកម្ពស់ និងជំហរកោងខ្លួន ដែលវាបណ្តាលមកពីការបាក់បែកឆ្អឹងកងខ្នងដោយសារតែកៀបឆ្អឹងស្រុញ ។ ពេលខ្លះអ្វីដែលគួរឲ្យចាប់អារម្មណ៍នោះគឺថាជំងឺពុកឆ្អឹងនាំឲ្យឆ្អឹងបាក់…
ធម្មតាជំងឺពុកឆ្អឹងច្រើនតែមិនបង្កជារោគសញ្ញាអ្វីឲ្យយើងដឹងឡើយ ។ សញ្ញាសំខាន់ជំងឺពុកឆ្អឹងបង្កនោះគឺជាការឈឺចាប់ដែលបណ្តាលមកពីការបាក់ឆ្អឹង ។ សញ្ញា ផ្សេងៗទៀតដែលមាននោះគឺស្រុញកម្ពស់ និងជំហរកោងខ្លួន ដែលវាបណ្តាលមកពីការបាក់បែកឆ្អឹងកងខ្នងដោយសារតែកៀបឆ្អឹងស្រុញ ។
ពេលខ្លះអ្វីដែលគួរឲ្យចាប់អារម្មណ៍នោះគឺថាជំងឺពុកឆ្អឹងនាំឲ្យឆ្អឹងបាក់ ដែលធ្វើឲ្យមិនមានរោគសញ្ញាអ្វីទាំងអស់ ។ អ្វីដែលញឹកញាប់នោះគឺ វាមានការបាក់បែកឆ្អឹងប្រភេទគាំគ្រាច្រើនទៅលើមនុស្សវ័យចំណាស់ ។ នៅពេលជំងឺពុកឆ្អឹងធ្វើឲ្យបាក់ដល់ឆ្អឹងកងខ្នង ក្រៅពីពិការភាពរយៈពេលវែង វាអាចបណ្តាលឲ្យឈឺចាប់នៅរាងកាយទាំងមួល ជាពិសេសនៅតំបន់ដែលឆ្អឹងកងខ្នងនោះបាក់តែម្តង។ ការបាក់ឆ្អឹងនៅកន្លែងឆ្ងាយពីឆ្អឹងកងខ្នងនឹងធ្វើឲ្យឈឺចាប់ និងតឹងក្នុងតំបន់នៅក្បែរនោះ (កដៃ ប្រអប់ជើង កែងជើង សន្លាក់ត្រគាក។ល។) វាក៏អាចជាការហើម ក្រហម និងជាំនៅកន្លែងទាំងនេះដែរ ។
សញ្ញានៃជំងឺពុកឆ្អឹងរួមមាន ការថតកាំរស្មីអ៊ិច CT ស្គេន ឬ MRI ។ ជំងឺពុកឆ្អឹងអាចបញ្ជាក់តាមរយៈការវាស់កំហាប់ឆ្អឹង (DEXA bone Mineral Density Scan)។ ជំងឺពុកឆ្អឹងអាចកើតមានរយៈពេលច្រើនឆ្នាំមុនពេលមានបញ្ហាបាក់ឆ្អឹង ហេតុដូច្នេះហើយទើបការវាស់កំហាប់ឆ្អឹងអាចជួយកំណត់រោគវិនិច្ឆ័យជំងឺពុកឆ្អឹងបាន និងចាប់ផ្តើមព្យាបាលដើម្បីបង្ការការពុកឆ្អឹងនៅថ្ងៃក្រោយ ។
ជំងឺពុកឆ្អឹងច្រើនតែបង្កឡើងដោយការភាពចាស់ទៅតាមអាយុ ។ យ៉ាងណាមិញ ជំងឺពុកឆ្អឹងអាចបង្កឡើងដោយការកង្វះវីតាមីន D លើសអ៊័រម៉ូនប៉ារ៉ាទីរ៉ូអ៊ីត លើសអ័៊រម៉ូនទីរ៉ូអ៊ីត ប្រើថ្នាំ Corticosteroids ច្រើន រាំងរដូវ មានចំនួនអ៊័រម៉ូនតេស្តូស្តេរ៉ូនទិចក្នុងឈាម ញ៉ាំគ្រឿងស្រវឹង ជក់បារី រាងស្វិត មិនសូវមានចលនារាងកាយ និងកង្វះការបឺតស្រូបជីវជាតិ។ ជំងឺនេះក៏អាចកើតជាលក្ខណៈតំណពូជដែរ ៕
ស្រង់ពីគេហទំព័រសុខភាព
ចែករំលែកព័តមាននេះ