តារាសម្តែងស្រីសិចស៊ី គឺនាង ផ្លយ ឆើមែន (Ploy Chermarn)ថ្មីៗនេះបានច្រានចោលនូវសំណើរជាច្រើនពីម្ចាស់ផលិតកម្មដើម្បីថតរឿងភាគទូរទស្សន៍ ដែលធ្វើឱ្យមហាជនចង់ដឹងថាអ្វីដែលនៅពីក្រោយការបដិសេធរបស់នាង ។
ដោយសារតែអ្នកគាំទ្រចង់ដឹងការពិតនៃរឿងនេះ ទីបំផុតនាងផ្លយ បានសារភាពថានាងមិនពេញចិត្តក្នុងការដើរតួសម្រាប់រឿងភាគ ដែលផលិតឡើងវិញ មានន័យថានាងមិនចង់សម្តែងសម្រាប់រឿងណាដែលធ្លាប់ថតរួចពីមុន ហើយយកថតម្តងទៀតនោះទេ។
តារាសម្តែងស្រីដែលល្បីខ្លាំងក្នុងរឿង «ស្វាមីបោះត្រា» បានសរសេរថា៖ «ខ្ញុំមិនពេញចិត្តរឿងភាគទូរទស្សន៍ដែលផលិតរឿងដដែលៗជាច្រើនដង។ ប៉ុន្តែបើរឿងនោះ មិនត្រូវបានថតអស់រយៈជាង ២០ ឆ្នាំទើបយកមកថតឡើងវិញខ្ញុំទទួលយកបាន។ » នាងបន្តថានាងព្រមទទួលថតតែរឿងណាដែលនាងយល់ថាមានការចាប់អារម្មណ៍ ៕
ចែករំលែកព័តមាននេះ