ពៅ លីដា ក្នុងពេលតែមួយស្រវាចាប់យកដល់ទៅ៤
- ភ្នំពេញ
រាជធានីភ្នំពេញ ៖ កញ្ញាពៅ លីដា គ្រងតំណែងតួឯកច្រើន និងច្រើនឆ្នាំមកហើយ តែតំណែងនេះមិនទាន់សាបទេ គឺបច្ចុប្បន្ននាងនៅតែរក្សាតំណែងនេះដដែល ។ តារាសម្ដែងកញ្ញាពៅ…
រាជធានីភ្នំពេញ ៖ កញ្ញាពៅ លីដា គ្រងតំណែងតួឯកច្រើន និងច្រើនឆ្នាំមកហើយ តែតំណែងនេះមិនទាន់សាបទេ គឺបច្ចុប្បន្ននាងនៅតែរក្សាតំណែងនេះដដែល ។
តារាសម្ដែងកញ្ញាពៅ លីដា ឲ្យដឹងកាលពីពេល ថ្មីៗកន្លងមកថា ទីផ្សារសិល្បៈឆ្នាំ២០១៨ របស់នាងពិតជាប្លែកមិនធ្លាប់ជួបចាប់តាំងពីបោះជំហានចូលពិភពសិល្បៈមក។ ប្លែកនៅត្រង់ថា គឺជាឆ្នាំមួយ ដែលនាងមានសកម្មភាពខ្លាំងបំផុត ទាំងខ្សែភាពយន្តភាគ និងរឿងដុំចាក់បញ្ចាំងតាមរោង ។
ពៅ លីដា និយាយថា៖ «ឆ្នាំនេះសិល្បៈរបស់ខ្ញុំហាក់មានសកម្មភាពខ្លាំង ហើយវាខុសពីឆ្នាំ មុនៗ មានចំនួនតិចតួច តែឆ្នាំនេះហាក់ច្រើន ។ ខ្ញុំផ្ទាល់សឹងតែមិនជឿពីការងារមមាញឹកនេះ» ។
ពៅ លីដា ថានាងនឹងប្រឹងបង្កើនសមត្ថភាពខ្លួនផងដែរដើម្បីធ្វើយ៉ាងណាឆ្លើយតបតាមការចង់បានរបស់ទស្សនិកជន ។ សកម្មភាពដ៏មមាញឹកនៃការថតភាពយន្តច្រើនក្នុងឆ្នាំថ្មី បានធ្វើឱ្យប្រជាប្រិយភាព និងចំណូលរបស់តារាសម្ដែងពៅ លីដា មិនចាញ់តារាមួយចំនួនទៀតទេ ។ ចំណូលពីសិល្បៈរបស់លីដា ទទួលបានច្រើនជាងបណ្ដាឆ្នាំ មុនៗ ។
តារាសម្ដែងពៅ លីដា ដែលកំពុងក្ដោបក្ដាប់ការងារសិល្បៈពេញដៃ និងហាក់មមាញឹកខ្លាំងជាមួយការថតខ្សែភាពយន្តនោះ នាងឲ្យដឹងថា នាងកំពុងចូលរួមសម្ដែងនៅក្នុងខ្សែភាពយន្តចំនួន៤រឿងក្នុងពេលតែមួយក្នុងតំណែងជាតួឯក ។ ខ្សែភាពយន្តទាំងនោះមានរឿង «សំពាយបុណ្យ» រឿង«ដួងចន្ទដួងចិត្ត» រឿង «ធនញ្ជ័យ» និងខ្សែភាពយន្តមួយទៀតសុំលាក់ចំណងជើងសិន ។ ខ្សែភាពយន្តទាំង៤រឿងនេះជាប្រភេទរឿង និងរឿងដុំ ។
ដោយសារថត៤រឿងដំណាលគ្នា ដូច្នេះហើយពៅ លីដា ត្រូវលៃលកពេលវេលាមួយច្បាស់លាស់ ដោយនាងបញ្ជាក់ថា «ដើម្បីសម្ដែងឲ្យបានគ្រប់ជ្រុងជ្រោយនៃខ្សែភាពយន្ត ដែលមានឈុតខ្ញុំសម្ដែង ខ្ញុំបានលៃលកកាលវិភាគ ដូចជារឿងមួយ៣ថ្ងៃ មួយរឿងទៀត២ថ្ងៃ និងមួយរឿងទៀត១ថ្ងៃ ជាដើម» ៕
ចែករំលែកព័តមាននេះ