ការគ្រេចកើតឡើងនៅពេលសរសៃចងឆ្អឹង និងឆ្អឹងមួយ ឬច្រើនត្រូវបានយឺតរមួល ឬរហែក ហើយវាភាគច្រើនកើតលើការមានរបួសកែងជើងតែម្តង ។ ករណីគ្រេចតិចតួច សរសៃមួយចំនួនរបស់សរសៃចងឆ្អឹងគឺត្រូវបានយឺត ។ ករណីធ្ងន់វិញ…
ការគ្រេចកើតឡើងនៅពេលសរសៃចងឆ្អឹង និងឆ្អឹងមួយ ឬច្រើនត្រូវបានយឺតរមួល ឬរហែក ហើយវាភាគច្រើនកើតលើការមានរបួសកែងជើងតែម្តង ។ ករណីគ្រេចតិចតួច សរសៃមួយចំនួនរបស់សរសៃចងឆ្អឹងគឺត្រូវបានយឺត ។ ករណីធ្ងន់វិញ សរសៃនោះអាចនឹងរហែក ។ ការគ្រេចតិចតួចអាចព្យាបាលដោយខ្លួនឯងបាន។ ប៉ុន្តែករណីធ្ងន់វិញគឺត្រូវការព្យាបាលដោយគ្រូពេទ្យ ឬឈានដល់វះកាត់ទៀតក៏មានដែរ ។ បើសិនជាមានអ្វីមួយសង្ស័យ ចូរនាំអ្នកជំងឺទៅមន្ទីរពេទ្យដើម្បីថតកាំរស្មីអ៊ិចទៅ ។
ចូរប្រើក្បួនព្យាបាលដោយពាក្យកាត់ថា RICE៖ R = Rest, I = Ice, C = Compression, E = Elevation
អ្វីដែលត្រូវរកមើល
-ជាមួយនឹងការមានរបួសធ្ងន់ អ្នកជំងឺប្រហែលជាមិនអាចទ្រទម្រងនៅជើងម្ខាងដែលមានរបួសនោះបានឡើយ ។
-ឈឺចាប់នៅជុំវិញសន្លាក់ ។ អ្នកជំងឺប្រហែលជាអាចដួលជាមួយនឹងការឈឺចាប់នោះ
-ហើម និងមានស្នាមជាំជុំវិញសន្លាក់ ។
វិធីសង្គ្រោះបឋម
ដាក់ជើងដែលមានរបួសសម្រាក៖ អ្នកជំងឺគួរតែឈប់ធ្វើសកម្មភាពនានាដោយប្រើជើងដែលមានរបួសនោះទៀត ។ ចូរជួយលើកដាក់គាត់អង្គុយ និងដាក់កែងជើងនោះឱ្យបានស្រួល។ ចូរលើកជើងនោះដាក់ឱ្យខ្ពស់ ។
– ស្អំទឹកកក៖ ការស្អំទឹកកកនៅកែងជើងអាចជួយកាត់បន្ថយការឈឺចាប់ និងហើមបាន។ យកល្អគួរតែរុំទឹកកកជាមួយនឹងក្រណាត់សិនចំយកមកស្អំជាក្រោយ ។ មិនត្រូវដាក់ទឹកកកស្អំដោយផ្ទាល់លើស្បែកឡើយ ព្រោះវាអាចបណ្តាលឱ្យរលាកស្បែកបាន ។ ចូរទុកទឹកកកនោះស្អំជាប់ប្រហែល២០នាទី ។
– រុំកែងជើង៖ ចូររុំកែងជើងនោះបើសិនជាមានក្រណាត់ ឬបង់រុំ ទន់ៗនៅក្បែរខ្លួន ព្រោះការរុំបែបនេះក៏អាចជួយកាត់បន្ថយការហើមរបស់កែងជើងបានដែរ ។ ការរុំគួរតែចាប់ផ្តើមពីម្រាមជើងដល់ជង្គង់ ។
លើកកែងជើងឡើងឱ្យខ្ពស់៖ ចូរលើកកែងជើងឡើងដោយមានទម្រនៅពីក្រោមឱ្យបានខ្ពស់ជាងត្រគាកដើម្បីបង្ការភាពហើម ។ អ្នកជំងឺគួរតែសម្រកក្នុងពេលតែមួយតែម្តង ។ បើសិនជាសង្ស័យថាមានរបួសធ្ងន់ ចូរនាំអ្នកជំងឺទៅ កាន់មន្ទីរពេទ្យតែម្តងទៅ ។
ស្ទាប់រកមើលចរន្តឈាមរត់៖ ចូរប្រាកដថា បង់ដែលរុំនោះមិនតឹងពេកឡើយ ។ ចូរសង្កត់ទៅលើក្រចកជើងរហូតដល់វាទៅជាស ហើយលែងវិញ ។ ពេលនោះបើសិនជាវាប្រែពណ៌មកវិញលឿនគឺធម្មតា តែបើសិនជាមិនត្រឡប់មកវិញលឿនទេ មានន័យថាបង់រុំនោះតឹងពេកហើយ ដូច្នេះត្រូវតែស្រាយវា និងរុំសាជាថ្មី ។ ចូរពិនិត្យបែបនេះជារៀងរាល់១០នាទីម្តង ៕
ស្រង់ពីគេហទំព័រសុខភាព
ចែករំលែកព័តមាននេះ