ដោយយោងតាមការស្រាវជ្រាវថ្មីមួយបានឲ្យដឹងថា ការញ៉ាំអាហារបំពង ឬចៀនជាទៀងទាត់ មុនពេលមានផ្ទៃពោះ អាចបង្កើនហានិភ័យរបស់ស្ត្រី ក្នុងការវិវឍ្ឍទៅជាជំងឺទឹកនោមផ្អែម អំឡុងពេលមានផ្ទៃពោះបាន ។ អ្នកស្រាវជ្រាវបានពិនិត្យមើលលើស្ត្រីមានផ្ទៃពោះជាង២១.០០០នាក់ អស់រយៈពេលជាង១០ឆ្នាំ។…
ដោយយោងតាមការស្រាវជ្រាវថ្មីមួយបានឲ្យដឹងថា ការញ៉ាំអាហារបំពង ឬចៀនជាទៀងទាត់ មុនពេលមានផ្ទៃពោះ អាចបង្កើនហានិភ័យរបស់ស្ត្រី ក្នុងការវិវឍ្ឍទៅជាជំងឺទឹកនោមផ្អែម អំឡុងពេលមានផ្ទៃពោះបាន ។
អ្នកស្រាវជ្រាវបានពិនិត្យមើលលើស្ត្រីមានផ្ទៃពោះជាង២១.០០០នាក់ អស់រយៈពេលជាង១០ឆ្នាំ។ អ្នកស្រាវជ្រាវបានរកឃើញថា ជំងឺទឹកនោមផ្អែម បានកើនឡើងជិត៨៥០នៃស្ត្រីមានផ្ទៃពោះនោះ ។
អ្នកស្រាវជ្រាវបានរកឃើញថា ធៀបទៅនឹងស្ត្រីដែលបានញ៉ាំអាហារចៀន ឬបំពងតិចជាងម្តងក្នុងមួយសប្តាហ៍ មុននឹងមានផ្ទៃពោះនោះ ហានិភ័យនៃជំងឺទឹកនោមផ្អែមអំឡុងពេលមានផ្ទៃពោះ គឺលើសពី១៣ភាគរយ ចំពោះស្ត្រីដែលបានញ៉ាំអាហារទាំងនោះពីម្តងទៅបីដងក្នុងមួយសប្តាហ៍។
បន្ថែមពីលើនេះហានិភ័យនៃជំងឺទឹកនោមផ្អែមអំឡុងពេលមានផ្ទៃពោះ គឺលើសពី៣១ ភាគរយចំពោះស្ត្រីដែលបានញ៉ាំអាហារចៀន ឬបំពង៤ទៅ៦ដងក្នុងមួយសប្តាហ៍ ហើយហានិភ័យនេះកាន់តែទ្វេ ដងចំពោះស្ត្រីដែលបានញ៉ាំវាលើសពី៧ដងក្នុងមួយសប្តាហ៍។
ក្រោយពីអ្នកស្រាវជ្រាវបានមើលលើទិន្នន័យនៃសន្ទស្សន៍នៃទម្ងន់ខ្លួន (BMI) រួចមក ហានិភ័យនៃជំងឺទឹកនោមផ្អែមអំឡុងពេលមានផ្ទៃពោះ ក្នុងចំណោមស្ត្រីដែលបានញ៉ាំអាហារចៀន ឬបំពង គឺនៅតែខ្ពស់ ទោះជាវាទាបបន្តិចក៏ដោយ។
វេជ្ជបណ្ឌិត គូលីន ហ្សាង (Cuilin Zhang) បាននិយាយថា ការស្រាវជ្រាវបានបង្ហាញថា ការញ៉ាំអាហារបំពង ឬចៀនដោយកំណត់ អាចជួយបន្ថយហានិភ័យនៃជំងឺទឹកនោមផ្អែម អំឡុងពេលមានផ្ទៃពោះបាន។
អ្នកស្រាវជ្រាវបានបន្ថែមថា ការស្រាវជ្រាវទៅថ្ងៃក្រោយ គឺចាំបាច់ ដើម្បីបញ្ជាក់ពីលទ្ធផល និងដើម្បីសិក្សាបន្ថែមអំពីរបៀបដែលការញ៉ាំអាហារបំពង ឬចៀនបង្កើនហានិភ័យនៃជំងឺទឹកនោមផ្អែមអំឡុងពេលមានផ្ទៃពោះ ដែលជាផលវិបាកទូទៅ ពេលមានផ្ទៃពោះដែលអាចប៉ះពាល់ដល់ម្តាយ និងកូន ៕
ស្រង់ពីគេហទំព័រសុខភាព
ចែករំលែកព័តមាននេះ