ផ្លែត្រប់ស្រួយត្រូវបានប្រជាជនខ្មែរយើងចំណាំយកមកធ្វើជាអន្លក់ផ្ទាប់ជាមួយផ្អក និងប្រហុកញ៉ាំយ៉ាងឆ្ងាញ់ ជាពិសេសអ្នកនៅស្រុកស្រែចំការតែម្តង ។ ប៉ុន្តែដល់ពេលវាមានរសជាតិឆ្ងាញ់ប្លែកបែបនេះទើបគេយកមកទទួលទាននៅក្នុងទីក្រុងផងដែរ ។ ទោះបីជាយ៉ាងណាក៏ដោយ ក្រៅពីឆ្ងាញ់ តើអ្នកមានដឹងថា ការញ៉ាំអន្លក់មួយប្រភេទនេះអាចជួយអ្វីដល់សុខភាពមនុស្សយើងខ្លះទៅ?…
ផ្លែត្រប់ស្រួយត្រូវបានប្រជាជនខ្មែរយើងចំណាំយកមកធ្វើជាអន្លក់ផ្ទាប់ជាមួយផ្អក និងប្រហុកញ៉ាំយ៉ាងឆ្ងាញ់ ជាពិសេសអ្នកនៅស្រុកស្រែចំការតែម្តង ។ ប៉ុន្តែដល់ពេលវាមានរសជាតិឆ្ងាញ់ប្លែកបែបនេះទើបគេយកមកទទួលទាននៅក្នុងទីក្រុងផងដែរ ។ ទោះបីជាយ៉ាងណាក៏ដោយ ក្រៅពីឆ្ងាញ់ តើអ្នកមានដឹងថា ការញ៉ាំអន្លក់មួយប្រភេទនេះអាចជួយអ្វីដល់សុខភាពមនុស្សយើងខ្លះទៅ?
បញ្ចុះសម្ពាធឈាម
តើអ្នកមានជំងឺលើសសម្ពាធឈាមដែរទេ? ចូរប្រាកដថា អ្នកញ៉ាំត្រប់ស្រួយនេះជាទៀងទាត់ផងទៅ ។ ដោយសារតែវាសម្បូរទៅដោយជាតិប៉ូតាស្យូម ដែលអាចពង្រីកសរសៃឈាមបាន ដូច្នេះបន្លែដ៏តូចច្រឡឹងមួយនេះអាចជួយបញ្ចុះសម្ពាធឈាមមនុស្សយើងបាន ។ គ្រូពេទ្យក៏បាននិយាយទៀតថា ជាតិប៉ូតាស្យូមក៏ល្អក្នុងការគ្រប់គ្រងការញ័រដើមទ្រូងដែរ ។
បញ្ចុះកូឡេស្តេរ៉ូល
ការញ៉ាំត្រប់វែងជាទៀងទាត់ក៏ជួយបញ្ចុះចំនួនកូឡេស្តេរ៉ូលក្នុងឈាមបានដែរ ។ ម្យ៉ាងវិញទៀត អត្ថប្រយោជន៍មួយនេះប្រហែលជាជួយសង្គ្រោះសរសៃឈាមអាក់ទែកុំឲ្យស្ទះបាន។ កាលណាកូឡេស្តេរ៉ូលក្នុងឈាមឡើងខ្ពស់ ហើយលើសសម្ពាធឈាមទៀតគឺជាកត្តាប្រឈមមុខដ៏សំខាន់នៃជំងឺបេះដូង គាំងបេះដូង និងការគ្រោះថ្នាក់ខួរក្បាល ។
បង្ការការទល់លាមក
បើសិនជាអ្នកងាយនឹងមានបញ្ហាចលនាពោះវៀន យកល្អគួរតែញ៉ាំត្រប់វែងឲ្យបានច្រើនផងទៅ ។ នេះដោយសារតែវាជាប្រភពដ៏ឆ្លាតវៃមួយនៃជាតិសរសៃដែលអាចបោសស្អាតជាតិពុល និងជួយរក្សាការរំលាយអាហារក្នុងពោះវៀនបានយ៉ាងល្អ។ ជាតិសរសៃក្នុងត្រប់ស្រួយនេះ ក៏អាចបង្ការជំងឺឬសដូងបាត និងមហារីកពោះវៀនធំផង ។
រក្សាជាតិស្ករក្នុងឈាមឲ្យបានល្អ
ជំងឺទឹកនោមផ្អែមព្រមទាំងអ្នកដែលប្រឈមខ្ពស់នឹងជំងឺនេះអាចទទួលបានប្រយោជន៍យ៉ាងច្រើនពីការញ៉ាំត្រប់ស្រួយជាទៀងទាត់ ដោយសារតែវាជួយសម្រួលជាតិស្ករក្នុងចរន្តឈាមឲ្យនៅធម្មតា ។
រក្សាចំណង់អាហារបានល្អ
មនុស្សគ្រប់គ្នាដែលកំពុងតែព្យាយាមសម្រកទម្ងន់ គួរតែបញ្ចូលត្រប់ស្រួយទៅក្នុងរបបអាហារពួកគេទៅ ។ ការដែលមានជាតិសរសៃខ្ពស់ វានឹងអាចជួយទប់ស្កាត់ការឃ្លានអាហារច្រើនៗបាន ។ ត្រប់ស្រួយក៏មានជាតិខ្លាញ់ saturated fat និងកាឡូរីទាបដែរ ។ ពិតណាស់ ការញ៉ាំត្រប់ស្រួយ ជាមួយនឹងការហាត់ប្រាណទៀងទាត់ គឺជាវិធីសាស្ត្រដ៏ល្អក្នុងការរក្សាទម្ងន់ឲ្យនៅថេ ។
ពង្រឹងដលប្រព័ន្ធភាពស៊ាំ
យោងទៅតាមអ្នកជំនាញខាងអាហារូបត្ថម្ភ បានឲ្យដឹងថា ត្រប់ស្រួយគឺជាប្រភពដ៏ល្អមួយនៃវីតាមីន C ។ អ្នកអាចនឹងទទួលបានប្រព័ន្ធភាពស៊ាំខ្លាំងក្លាតាមរយៈការញ៉ាំត្រប់ស្រួយទៀងទាត់ ។ ម្យ៉ាងវិញទៀត វីតាមីន C ក៏សំខាន់សម្រាប់ថែរក្សាសក់ ក្រចក និងស្បែកឲ្យមានសុខភាពល្អ និងគួរឲ្យស្រឡាញ់ដែរ ៕
ស្រង់ពីគេហទំព័រសុខភាព
ចែករំលែកព័តមាននេះ