រាជធានីភ្នំពេញ ៖ នារីម្នាក់ក្នុងចំនោមគ្នា៣នាក់ត្រូវបានថៅកែខារ៉ាអូខេមួយកន្លែងនៅផ្សាររតនាផ្លាហ្សាបឹងត្របែកប្រើអំពើហិង្សាវាយទាត់ធាក់ដោយសារតែក្រុមនារីនោះមិនព្រមកំដរភ្ញៀវចេញទៅខាក្រៅ បង្កជាការភ្ញាក់ផ្អើលពេញមុខហាងខារ៉ាអូខេ ហេតុកាណ៏ភ្ញាក់ផ្អើលនេះបានកើតឡើងកាលពីវេលាម៉ោង៨យប់នៅផ្សាររតនាផ្លាហ្សាបឹងត្របែក ចំណុចខារ៉ាអូខេ QI HAO GONG GOAN…
រាជធានីភ្នំពេញ ៖ នារីម្នាក់ក្នុងចំនោមគ្នា៣នាក់ត្រូវបានថៅកែខារ៉ាអូខេមួយកន្លែងនៅផ្សាររតនាផ្លាហ្សាបឹងត្របែកប្រើអំពើហិង្សាវាយទាត់ធាក់ដោយសារតែក្រុមនារីនោះមិនព្រមកំដរភ្ញៀវចេញទៅខាក្រៅ បង្កជាការភ្ញាក់ផ្អើលពេញមុខហាងខារ៉ាអូខេ ហេតុកាណ៏ភ្ញាក់ផ្អើលនេះបានកើតឡើងកាលពីវេលាម៉ោង៨យប់នៅផ្សាររតនាផ្លាហ្សាបឹងត្របែក ចំណុចខារ៉ាអូខេ QI HAO GONG GOAN សង្កាត់បឹងត្របែក ខណ្ឌចំការមន ។
នារីរងគ្រោះសុំមិនប្រាប់អត្តសញ្ញាណបានប្រាប់ឱ្យដឹងថា ពួកគាត់ទាំង៣នាក់ជាជនជាតិខ្មែរមិនបានធ្វើការនៅទីនោះទេ ហើយពួកគាត់ទៅធ្វើការនៅទីនោះដោយសារតែស្គាល់មិត្តភក្តិធ្វើការនៅទីនោះទូរស័ព្ទហៅទៅធ្វើការយកតែលុយធីបតែប៉ុណ្ណោះ ។ ពេលទៅដល់ដល់ខារ៉ាអូខេខាងលើពួកគាត់បានឡើងទៅជាន់ទីបួនបន្ទប់ VIP 1 នៅក្នុងនោះមានភ្ញៀវប្រមាណជា១០នាក់សុទ្ធតែភ្ញៀវជនជាតិចិនពួកនាងក៏បានចូលទៅក្នុងបន្ទប់នោះហើយសួរនាំទៅដឹងថា ភ្ញៀវជនជាតិចិនទាំងនោះបម្រុងនាំពួកនាងទៅផ្ទះសំណាក់តែពួកនាងមិនព្រមក៏បើកទ្វារដើរចេញមកក្រៅវិញក៏ត្រូវថៅកែហាងជាជនជាតិចិន និងបក្សពួកឃាត់មិនឱ្យទៅហើយបង្ខំឱ្យ ពួកនាងបម្រើភ្ញៀវវិញតែពួកនាងមិនព្រមក៏ដើរចេញទៅក៏ត្រូថៅកែហាងជាជនជាតិចិនដែរនោះខឹងបានស្ទុះទៅធាក់ពីក្រោយនារីម្នាក់ក្នុងចំណោម៣នាក់ហើយបោចសក់វាយដំលើរូបរាងកាយនាងដែលជាស្ត្រីទន់ខ្សោយទាំងកំរោលបណ្តាលឲ្យរបួស និងបង្កការភ្ញាក់ពាសពេញកន្លែងកើតហេតុ ។
ក្រោយកើតហេតុថៅកែជនជាតិនោះបានសងសំណងទៅពួកនាងចំនួន៥០០ដុល្លារតែពួកនាងមិនព្រមបានទៅដាក់ពាក្យបណ្តឹងនៅប៉ុស្តិ៍នគបាលបឹងត្របែក និងសំណូមពរឱ្យអាជ្ញាធរមានសមត្ថកិច្ចពាក់ព័ន្ធជួយរកយុត្តិធម៌ជូនពួកគាត់ផង ព្រោះទង្វើនេះហាក់បីដូចជាមិនឱ្យតម្លៃលើស្ត្រីខ្មែរសោះ ៕
https://www.facebook.com/KohSantepheapFireBuzz/videos/1899834496974181/
ចែករំលែកព័តមាននេះ