ខេត្តកំពង់ចាម ៖ ពិតជាគួរឲ្សង្វេគបំផុតដោយបុរសជាប្តីត្រូវបានប្រជាពលរដ្ឋប្រទះឃើញដេកស្លាប់
នៅក្បែរគុម្ពចេក ចំនែកប្រពន្ធវិញបានដេកស្លាប់នៅលើផ្ទះឈើ ដោយមានស្នាមចាក់.ក ។ ហេតុការណ៍នេះត្រូវបានគេប្រទះឃើញនៅវេលាម៉ោង៥ព្រឹកថ្ងៃទី២៣ ខែមេសា ២០១៨ ស្ថិតនៅភូមិអំពិល ឃុំព្រែកដំបូក ស្រុកស្រីសន្ធរ បង្កឲ្យមានការភ្ញាក់ផ្អើលដល់សមត្ថកិច្ចចុះទៅពិនិត្យ ។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តទទួលផែនព្រហ្មទណ្ឌប្រាប់ឲ្យដឹងថា អ្នកដែ
លស្លាប់ទាំងពីរនាក់នោះមានទី១-ប្តីឈ្មោះ ឡាច ធា អាយុ៣៨ឆ្នាំ មានមុខរបរចិញ្ចឹមត្រី សពប្រទះឃើញដេកស្លាប់ចម្ងាយពីផ្ទះប្រមាណ២០០០ម៉ែត្រ និងប្រពន្ធឈ្មោះ ស ស្រីណេង អាយុ៣៦ឆ្នាំ នៅលើផ្ទះ ដោយមានស្នាមចាក់.ក ចំនួនពីរកន្លែងផងដែរ ។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តប្រាប់បន្តថា ក្រោយពីទទួលបាននូវសេចក្តី
រាយការណ៍ខាងលើនេះ ត្រូវបានលោកឧត្តមសេនីយ៍ទោ ឯម កុសល ស្នងការនគរបាលខេត្តបានចាត់
ឲ្យរូបលោកដឹកនាំកម្លាំងចុះទៅដល់ផ្ទះកើតហេតុ ដោយមានកិច្ចសហការជាមួយនឹងកម្លាំងអធិការដ្ឋាននគរបាលស្រុកស្រីសន្ធរ បើកកិច្ចប្រតិបត្តិការស៊ើបអង្កេត និងកោសល្យវិច្ច័យសព ដើម្បីរកមូល
ហេតុច្បាស់លាស់ តើបណ្តាលមកពីអ្វីនោះ?
តាមការសន្និដ្ឋានក្នុងជំហានបឋមករណីនេះអាចជាទង្វើរបស់ប្តីដោយបានចាក់.ប្រពន្ធ បណ្តាលឲ្យស្លាប់ ហើយក៏បានរត់គេចខ្លួន ដើម្បីកុំឲ្យសមត្ថកិច្ចចាប់ ហើយក៏បានស្លាប់នៅតាមផ្លូវក្បែរគុម្ពចេក តែមិនមានស្លាកស្នាមរបួសលើខ្លួនប្រាណនោះទេ ។ ក្រោយពីបានពិនិត្យសពរួចរាល់បានប្រគល់ទៅឲ្យសាច់ញាតិ ដើម្បីរៀបចំធ្វើបុណ្យតាមប្រពៃណី ។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តបញ្ជាក់ថា បុរសជាប្តីបានកើតវិបត្តិផ្លូវចិត្ត
ប៉ុន្មានថ្ងៃ មុនពេលកើតហេតុដោយមិនហូបបាយនោះទេ គឺកើតឡើងដោយសារ តែប្រចណ្ឌប្រពន្ធ របស់ខ្លួន លុះមកដល់យប់ថ្ងៃទី២២ ខែមេសានេះ ស្របពេលដែលប្រពន្ធ និងកូនប្រុសម្នាក់អាយុ១០ឆ្នាំកំពុងដេក លុះដល់ពេលដែលយប់ជ្រៅក៏បានយកកាំបិតទៅចាក់បំពង់.កប្រពន្ធបណ្តាលឲ្យស្លាប់ ។ បន្ទាប់មកបានរត់គេចខ្លួនចេញពីផ្ទះបានចម្ងាយប្រមាណ២០០០ម៉ែត្រក៏បានស្លាប់ដោយសារ តែខ្យល់គ ព្រោះតែមិនបានទទួលទានបាយប៉ុន្មានថ្ងៃមកហើយនោះ ៕
ចែករំលែកព័តមាននេះ