ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តបានចូលរួមសហការជាមួយកម្លាំង អធិការដ្ឋាន នគរបាលស្រុកវ៉ារិន បានចុះបង្ក្រាបករណីរក្សាទុកជួញដូរ និងចាត់ចែងឲ្យប្រើប្រាស់ដោយ ខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនបានជនសង្ស័យចំនួន៣នាក់ និងវត្ថុតាង រួចយកមកធ្វើការសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅតុលាការចាត់ការ ទៅតាមផ្លូវច្បាប់។ ហេតុការចុះប្រតិបត្តិការបង្ក្រាបករណីជួញដូរគ្រឿងញៀននោះ ធ្វើឡើងនៅវេលាម៉ោង១១យប់ ថ្ងៃទី១៧ ខែមេសា ឆ្នាំ២០១៨ ស្ថិតនៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប។
តាមប្រភពពីប៉ូលិសគ្រឿងញៀនខេត្តបានប្រាប់ថា ជនសង្ស័យចំនួន០៣នាក់ មាន៖ទី១/ឈ្មោះ ឈីន គីម ភេទប្រុស ឆ្នាំកំណើត១៩៨៤ មុខរបរជាងឈើ មានទីលំនៅភូមិព្រៃខ្នុរ ឃុំស្រែណូយ ស្រុកវ៉ារិន ខេត្តសៀមរាប (ជួញដូរ)(មានសារធាតុញៀនក្នុងខ្លួន) ទី២/ឈ្មោះ មាស សំរិត ហៅ និត ភេទប្រុស ឆ្នាំកំណើត១៩៩៩៥ មុខរបរគ្មាន ទីលំនៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប( រក្សាទុកនិងជួញដូរ)(មានសារធាតុញៀនក្នុងខ្លួន) និង ទី៣/ឈ្មោះ ឆៃ វាសនា ហៅបារាំង រឺ យ៉ែម ភេទប្រុស ឆ្នាំកំណើត១៩៩៨មុខរបរគ្មាន ទីលំនៅភូមិពោធិ៍ ឃុំស្រុកបន្ទាយអំពិល ខេត្តឧត្តរមានជ័យ (ចាត់ចែង)(មានសារធាតុញៀនក្នុងខ្លួន)។
ក្រោយសមត្ថកិច្ចយើងឃាត់ខ្លួនក្នុងនោះ ដកហូតបានវត្ថុតាងរួមមាន៖ម្សៅមេតំហ្វេតាមីន ប្រភេទទឹកកកចំនួន០៣កញ្ចប់ ស្មើនឹងទំងន់០,២ក្រាម ទាំងសំបក ជញ្ជីងថ្លឹងគ្រឿងញៀនចំនួន០១គ្រឿង ឧបករណ៍ប្រើប្រាស់ និងសម្ភារវេចខ្ចប់ថ្នាំញៀនមួយចំនួន ទូរស័ព្ទដៃចំនួន០៣គ្រឿង។ ជនសង្ស័យទាំង៣នាក់ និងវត្ថុតាង ត្រូវបានកម្លាំងនគរបាលជំនាញ រៀបចំកសាងសំណុំរឿងបញ្ចូនខ្លួន ទៅសាលាដំបូងខេត្ត នាសៀលថ្ងៃទី១៩ ខែមេសា ឆ្នាំ២០១៨ ដើម្បីចាត់ការទៅតាមនីតិវិធី៕
ចែករំលែកព័តមាននេះ