សារជាតិដែក គឺបានជួយដល់កោសិកាគ្រាប់ឈាមក្រហមក្នុងការបញ្ជូនអុកស៊ីសែនពីក្នុងសួតទៅកាន់កោសិកា ផ្សេងៗទៀត នៅក្នុងរាងកាយ ។ នៅពេលអុកស៊ីសែនទាំងនោះត្រូវបានបញ្ជូនហើយ នោះសារជាតិដែកបានជួយកោសិកាគ្រាប់ឈាមក្រហមក្នុងការដឹកជញ្ជូនត្រលប់មកវិញនូវកាកសំណល់នៃកាបូនឌីអុកស៊ីតចូលទៅក្នុងសួត និងបញ្ចេញមកក្រៅតាមរយៈការដកដង្ហើមចេញ ។ សារជាតិដែកក៏មានតួនាទីផងដែរនៅក្នុងប្រតិកម្មគីមី…
សារជាតិដែក គឺបានជួយដល់កោសិកាគ្រាប់ឈាមក្រហមក្នុងការបញ្ជូនអុកស៊ីសែនពីក្នុងសួតទៅកាន់កោសិកា ផ្សេងៗទៀត នៅក្នុងរាងកាយ ។ នៅពេលអុកស៊ីសែនទាំងនោះត្រូវបានបញ្ជូនហើយ នោះសារជាតិដែកបានជួយកោសិកាគ្រាប់ឈាមក្រហមក្នុងការដឹកជញ្ជូនត្រលប់មកវិញនូវកាកសំណល់នៃកាបូនឌីអុកស៊ីតចូលទៅក្នុងសួត និងបញ្ចេញមកក្រៅតាមរយៈការដកដង្ហើមចេញ ។ សារជាតិដែកក៏មានតួនាទីផងដែរនៅក្នុងប្រតិកម្មគីមី សំខាន់ៗ ជាច្រើននៅក្នុងរាងកាយ ។
ខាងក្រោមនេះគឺជាកម្រិតដូសនៃការប្រើប្រាស់ថ្នាំគ្រាប់សារជាតិដែក តាមការលេប៖
• សម្រាប់ការព្យាបាលនូវកង្វះសារជាតិដែកចំពោះមនុស្សពេញវ័យ គឺត្រូវលេបថ្នាំគ្រាប់សារជាតិដែកនេះក្នុងកម្រិតពី៥០ទៅ១០០មីលី្លក្រាមឲ្យបាន៣ដងជារៀងរាល់ថ្ងៃ ។
សម្រាប់ការព្យាបាលចំពោះកុមារដែលមានកង្វះសារជាតិដែកដោយសារការខ្វះគ្រាប់ឈាមក្រហម កម្រិតដូសរបស់វានោះគឺ៤ទៅ៦មីល្លីក្រាមក្នុង១គីឡូក្រាមនៃទម្ងន់រាងកាយរបស់កុមារក្នុងរយៈពេល១ថ្ងៃ និងត្រូវបែងចែកជា៣ដូស ។ សម្រាប់មនុស្សពេញវ័យ និងកុមារនោះការព្យាបាលក្នុងរយៈពេល២ទៅ៣ខែអាចកែប្រែនូវស្ថានភាពនៃជំងឺខ្វះឈាមក្រហម ប៉ុន្តែវាប្រហែលជាមិនអាចស្ថាបនាឡើងវិញនូវការស្តុកទុកនៃសារជាតិដែក ក្នុងការផ្គត់ផ្គង់ដល់រាងកាយនោះទេ ។ ដូច្នេះការព្យាបាលជាធម្មតាត្រូវបានបន្តក្នុងរយៈពេល៦ខែផ្សេងទៀត ដើម្បីពង្រឹងនូវសារជាតិដែកនៅក្នុងរាយកាយឡើងវិញ ។
• សម្រាប់ការបង្ការនូវកង្វះសារជាតិដែកចំពោះកុមារ វិទ្យាស្ថានសិក្សានៃជំងឺកុមាររបស់សហរដ្ឋ អាមេរិកបានណែនាំឲ្យផ្តល់នូវសារជាតិនេះចំពោះក្រុមកុមារមួយចំនួន ។
ចំពោះកុមារ តូចៗ ដែលបានទទួលការបំបៅដោះម្តាយនោះគួរត្រូវផ្តល់នូវថ្នាំគ្រាប់ជាតិដែកក្នុងកម្រិត១មីល្លីក្រាម/ ១គីឡូក្រាម ក្នុងរយៈពេល១ថ្ងៃឲ្យកុមារដែលអាយុចាប់ពី៤ទៅ៦ខែ ។ កុមារ តូចៗដែលមានអាយុពី៦ទៅ១២ខែ គួរទទួលបាននូវជាតិដែក ក្នុងកម្រិត១១មីលី្លក្រាមក្នុង១ថ្ងៃពីប្រភេទអាហារផ្សេង ឬថ្នាំសារជាតិគ្រាប់បន្ថែម។
• សម្រាប់កុមារ ដែលកើតមិនគ្រប់ខែ គឺត្រូវបានណែនាំនូវការប្រើប្រាស់ថ្នាំគ្រាប់ជាតិដែកនេះក្នុងកម្រិត២មីលី្លក្រាម/គីឡូក្រាម ក្នុងពេល១ថ្ងៃ សម្រាប់រយៈពេល១ឆ្នាំដំបូងនៃអាយុកាលរបស់ពួកគេ ។ ហើយវាគួរតែបន្តរហូតដល់ពេលដែលទារកផ្លាស់បៅទឹកដោះគោម្សៅ ឬ បើមិនដូច្នេះទេ គេត្រូវទទួលបាននូវសារជាតិដែកឲ្យបានគ្រប់គ្រាន់ពីប្រភេទអាហារ ដែល មានផ្ទុកវា ។ សម្រាប់ទារកដែលបានបៅទឹកដោះគោម្សៅ គឺអាចទទួលបានសារជាតិដែកគ្រប់គ្រាន់ពី ម្សៅទឹកដោះគោទាំងនោះ ។
សម្រាប់កុមារដែលចេះដើរដែលមានអាយុចាប់ពី ១ទៅ៣ឆ្នាំ ជាធម្មតាអាចទទួលបានសារជាតិដែកគ្រប់គ្រាន់បាន តាមរយៈការបរិភោគ អាហារ ដើម្បីឲ្យបានទទួលនូវកម្រិតដូចតាមដែលការណែនាំ គឺ៧មីល្លីក្រាម ក្នុងរយៈពេល ១ថ្ងៃ ។ ទោះជាយ៉ាងណាក៏ដោយការទទួលថ្នាំគ្រាប់សារជាតិដែកអាចនឹងត្រូវការបន្ថែម ប្រសិនបើវាចាំបាច់ ។
• សម្រាប់ការពង្រឹងដល់ការរៀនសូត្រ និង ជំនាញក្នុងការគិត ចំពោះមនុស្សជំទង់ដែលមានកង្វះសារជាតិដែក គឺត្រូវប្រើពពួក ferrous sulfate ៦៥០មីលី្លក្រាម ពីរដងក្នុងមួយថ្ងៃ ៕
ស្រង់ពីគេហទំព័រសុខភាព
ចែករំលែកព័តមាននេះ