រថយន្តក្រុង​បើក​បុក​រនាំង​ដែក​នៅ​គល់​ស្ពាន​អាកាស​ស្តុ​ប​ផ្សារ​ដី​ហុយ​ទៀត​ហើយ


រាជធានី​ភ្នំពេញ ៖ រថយន្តក្រុង​មួយ​គ្រឿង​រវល់​តែ​និយាយ​ទូរស័ព្ទ​ខ្វះ​ការ​ប្រុង​ប្រយ័ត្ន​ក៏​បើក​ទៅ​បុក​រនាំង​ដែក​ដែល​គេ​ដាក់​បាំង​មិន​ឲ្យ​រថយន្ត​ធន់​ធំ និង​រថយន្ត​ដែល​មាន​កម្ពស់​ចាប់ពី​បី​ម៉ែត្រ​ឡើង​ទៅ​បើក​ឆ្លងកាត់​បណ្តាល​ឲ្យ​រង​ការ​ខូចខាត ។ ហេតុការណ៍​នេះ​កើតឡើង​កាលពី​វេលា​ម៉ោង​៨​និង​៣០​នាទី​យប់​ថ្ងៃ​ទី​១៧ ខែមេសា ឆ្នាំ​២០១៨ ត្រង់​ចំណុច​គល់​ស្ពាន​អាកាស​សាងសង​ថ្មី​ស្តុ​ប​ផ្សារ​ដី​ហុយ​ផ្នែក​ខាងកើត តាម​បណ្តោយ​ផ្លូវ​សហព័ន្ធ​រុ​ស្សី ស្ថិត​ក្នុង​សង្កាត់​ទឹកថ្លា ខណ្ឌ​សែន​សុខ ។

តាម​ប្រភព​ព័ត៌មាន​ពី​កន្លែង​កើតហេតុ​បាន​ឲ្យ​ដឹង​ថា នៅ​មុន​ពេល​កើតហេតុ​គេ​ឃើញ​បុរស​ម្នាក់​បើកបរ​រថយន្តក្រុង​មួយ​គ្រឿង​ម៉ាក​ហ៊ី​យ៉ា​ន់​ដាយ ពណ៌​ប្រផេះ ជា​ប្រភេទ​រថយន្ត​៤៥​កៅអី របស់​ក្រុមហ៊ុន GIANT IBIS ពាក់​ស្លាក​លេខ AT18 3-0350 ដោយ​ធ្វើ​ដំណើរ​តាម​បណ្តោយ​ផ្លូវ​សហព័ន្ធ​រុ​ស្សី ក្នុង​ទិស​ដៅ​ពី​កើត​ទៅ​លិច​និង​ក្នុង​ល្បឿន​លឿន​មធ្យម ។ លុះ​មក​ដល់​ចំណុច​កើតហេតុ​រថយន្ត​ខាងលើ​ក៍បាន​បើក​ឡើង​ស្ពាន​អាកាស បុក​រនាំង​ដែក​ដែល​គេ​ដាក់​បាំង​នៅ​គល់​ស្ពាន​អាកាស​សម្រាប់​ហាម​មិន​ឲ្យ​រថយន្ត​ធន់​ធំ និង​រថយន្ត​ដែល​មាន​កម្ពស់​៣​ម៉ែត្រ​ឡើង​ទៅ​បើក​ឆ្លងកាត់​ស្ពាន បណ្តាល​ឲ្យ​នាំ​ង​ដែក​បាក់​ដាច់​ជាប់​នៅ​លើដំបូល​រថយន្ត ចំណែកឯ​រថយន្ត​រង​ការ​ខូចខាត​បន្តិចបន្តួច ហើយ​នៅ​ក្នុង​ហេតុការណ៍​ខាងលើ គឺ​មិន​បណ្តាល​ឲ្យ​មាន​អ្នក​ទទួល​រង​របួស​នេះ​ទេ ។

តាម​អ្នកបើកបរ​រថយន្ត​បាន​រៀបរាប់​ប្រាប់​ឲ្យ​ដឹង​ថា នៅ​មុន​ពេល​កើតហេតុ​គាត់​បាន​បើករថយន្ត​ក្រុង​ខាងលើ​ទើបតែ​ចេញ​មក​ពី​ដាក់​ភ្ញៀវ​ចុះ​នៅ​ម្តុំ​ផ្សារ​រាត្រី ហើយ​បំណង​បើក​ទៅ​យក​រថយន្ត​ទៅ​ទុក​នៅ​យានដ្ឋាន​នៅ​ក្បែរ​នឹង​កន្លែង​កើតហេតុ ។ លុះ​មក​ដល់​ចំណុច​កើតហេតុ​ដោយសារ​តែ​គាត់​រវល់​តែ​លើក​ទូរស័ព្ទ​យក​មក​និយាយ​ទើប​បង្ក​ឲ្យ​ជ្រុល​ទៅ​បុក​រនាំង​ដែក​ដែល​នៅ​គល់​ស្ពាន​ខាងលើ​តែ​ម្តង​ទៅ ។
គួរ​បញ្ជាក់​ថា នេះ​ជា​លើក​ទី​២​ហើយ ដែល​មាន​រថយន្តក្រុង​បើក​ទៅ​បុក​រនាំង​ដែក​ដែល​ដាក់​បាំង​សម្រាប់​ហាម​កុំ​ឲ្យ​រថយន្ត​ធន់​ធំ និង​រថយន្ត​ដែល​មាន​កម្ពស់​លើ​ពី​បី​ម៉ែត្រ​ឡើង​ទៅ​បើក​ឆ្លងកាត់​ស្ពាន ។ ព្រោះ​ពេល​កន្លង​មក​កាលពី​ព្រឹក​ថ្ងៃ​ទី​១២ ខែមេសា ក៏​មាន​រថយន្តក្រុង​របស់​ក្រុមហ៊ុន​ឯកជន​មួយ​គ្រឿង​បាន​បើក​ទៅ​បុក​រនាំង​ដែក​ដូច​ករណី​ខាងលើ​ដែរ ។

ក្រោយ​ន​ពេល​កើតហេតុ​សមត្ថកិច្ច​មូលដ្ឋាន​បាន​ចុះ​ទៅ​ដល់​ចំណុច​កើតហេតុ និង​បាន​ទាក់ទង​ទៅ​សមត្ថកិច្ច​ជំនាញ​ឲ្យ​ចុះ​មក​នាំ​យក​រថយន្តក្រុង​ខាងលើ​រួម​ទាំង​អ្នកបើកបរ​រថយន្ត​ទៅ​កាន់​ការិយាល័យ​ចរាចរណ៍​ផ្លូវគោក​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ដោះស្រាយ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ