ទើបតែលែងលះជាមួយប្រពន្ធ ស្រាប់តែចង.កសម្លា.ប់ខ្លួន
- កណ្តាល
ខេត្តកណ្ដាល ៖ បុរសម្នាក់បានចង.កធ្វើអត្តឃាតនៅផ្ទះម្ដាយរបស់ខ្លូន កាលពីម៉ោង០៥ព្រឹក ថ្ងៃទី០២ ខែមេសា ឆ្នាំ២០១៨ ស្ថិតនៅក្នុងភូមិកោះចាស់ ឃុំព្រែកស្តី ស្រុកកោះធំ…
ខេត្តកណ្ដាល ៖ បុរសម្នាក់បានចង.កធ្វើអត្តឃាតនៅផ្ទះម្ដាយរបស់ខ្លូន កាលពីម៉ោង០៥ព្រឹក ថ្ងៃទី០២ ខែមេសា ឆ្នាំ២០១៨ ស្ថិតនៅក្នុងភូមិកោះចាស់ ឃុំព្រែកស្តី ស្រុកកោះធំ…
ខេត្តកណ្ដាល ៖ បុរសម្នាក់បានចង.កធ្វើអត្តឃាតនៅផ្ទះម្ដាយរបស់ខ្លូន កាលពីម៉ោង០៥ព្រឹក ថ្ងៃទី០២ ខែមេសា ឆ្នាំ២០១៨ ស្ថិតនៅក្នុងភូមិកោះចាស់ ឃុំព្រែកស្តី ស្រុកកោះធំ ខេត្តកណ្ដាល ដោយសារតែមានវិបត្តិផ្លូវចិត្តលែងលះជាមួយប្រពន្ធ រហូតមានជំងឺសរសៃប្រសាទ ។
មន្ត្រីនគរបាលស្រុកកោះធំ បានឱ្យដឹងថា ជនរងគ្រោះឈ្មោះ ជ្រា ចំរើន ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅៗភូមិកោះចាស់ ឃុំព្រែកស្តី ស្រុកកោះធំ ខេត្តកណ្ដាល ។ បើតាមការឆ្លើយបំភ្លឺរបស់ឈ្មោះ ស ជា (ម្តាយជនរងគ្រោះ) បានឲ្យដឹងថា ជនរងគ្រោះឈ្មោះ ជ្រា ចំរើន មានប្រពន្ធឈ្មោះ លីន នៅខេត្តបាត់ដំបង មានកូនពីរនាក់ ប្រុស១នាក់ នឹងស្រី១នាក់ ដោយកូនរបស់គាត់មានបញ្ហាឈ្លោះប្រកែកប្តីប្រពន្ធលែងលះគ្នា កូនរបស់គាត់បានមករស់នៅជាមួយគាត់ ។
រយៈពេល៧ថ្ងៃមកហើយៗ គាត់សម្គាល់ឃើញកូនរបស់គាត់មិនប្រក្រតី និយាយខុសៗ ហើយមានស្មារតីវង្វេងម្តងៗ គាត់បានប្រាប់កូនក្មួយជិតខាងឲ្យជួយមើលថែជនរងគ្រោះផង ។ ហើយគាត់ជាម្តាយបាននាំកូនរបស់គាត់ដែលជាជនរងគ្រោះយកទៅឲ្យព្រះសង្ឃស្រោចទឹករំដោះគ្រោះឲ្យ តែមិនបានជាសះស្បើយទេ ។ លុះនៅថ្ងៃទី០២ ខែមេសា នេះ គាត់ជាម្តាយបានដេកជាមួយកូនរបស់គាត់ជាជនរងគ្រោះ លុះនៅវេលាម៉ោង០៥ភ្លឺ គាត់ជាម្តាយឃើញជនរងគ្រោះដេក គាត់ក៏ចុះពីលើផ្ទះមកដីដើម្បីបត់ជើង លុះគាត់ឡើងផ្ទះវិញ ឃើញកូនរបស់គាត់ជាជនរងគ្រោះបានធ្វើអត្តឃាតចង.កដោយខ្សែអង្រឹងជាមួយនឹងឃ្នាបផ្ទះខាងលើ ដោយគាត់ឃើញជនរងគ្រោះនៅត្រដរខ្យល់ គាត់ក៏ហៅកូនក្មួយឲ្យជួយស្រាយចំណងដាក់ចុះដើម្បីសង្គ្រោះ ។
លុះស្រាយចំណងដាក់ជនរងគ្រោះចុះមកក៏នាំគ្នាធ្វើចលនា តែជួយសង្គ្រោះមិនបានជនរងគ្រោះបានស្លាប់បាត់ហើយ រួចក៏រាយការណ៍ជូនអាជ្ញាធរមានសមត្ថកិច្ច ។ បន្ទាប់ពីទទួលបានព័ត៌មាន កម្លាំងជំនាញអធិការដ្ឋានបានចុះទៅដល់កន្លែងកើតហេតុ រួចបានបង្កើតគណៈកម្មការមានប៉ុស្តិ៍រដ្ឋបាល អាជ្ញាធរមូលដ្ឋាន គ្រូពេទ្យ ផ្នែកជំនាញ នឹងក្រុមគ្រួសារសព ដើម្បីធ្វើការពិនិត្យកន្លែងកើតហេតុ និងពិនិត្យសាកសព ឃើញថា នៅលើកជនរងគ្រោះផ្នែកខាងមុខមានស្នាមទ្រុឌជាំខ្មៅ ក្រៅពីនេះពុំមានស្លាកស្នាមអ្វីផ្សេងគួរឲ្យកត់សម្គាល់ ពាក់ព័ន្ធនឹងករណីផ្សេងឡើយ តាមការសន្និដ្ឋានរបស់គណៈកម្មការចម្រុះ ជនរងគ្រោះគឺពិតជាធ្វើអត្តឃាតចង.ក ដោយខ្លួនឯងប្រាកដមែន ។ ក្រោយពីពិនិត្យចប់សព្វគ្រប់ សម្ថកិច្ចបានប្រគល់សាកសពជនរងគ្រោះជូនក្រុមគ្រួសារ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ