ខេត្តមណ្ឌលគិរី ៖ បុរសម្នាក់ត្រូវបានសមត្ថកិច្ចស្រុកកែវសីមាឃាត់ខ្លួន ដើម្បីកសាងសំណុំរឿង ក្រោយពីទទួលពាក្យបណ្តឹងពីគ្រួសារក្មេងស្រីម្នាក់ចោទប្រកាន់ពីបទរំលោភ ដែលការឃាត់ខ្លួននេះ ធ្វើឡើងនៅល្ងាច ថ្ងៃទី២៦ មីនា ។ លោក ស៊ុន ប៊ុនធឿន អធិការនគរបាលស្រុកកែវសីមា បានឱ្យដឹងថា នៅវេលាម៉ោង១០ថ្ងៃទី២៥ មីនា សមត្ថកិច្ចបានទទួលពាក្យបណ្ដឹងករណីរំលោភផ្លូវភេទ ស្ថិតនៅអូសាប្លូ ភូមិចក់ចារ ឃុំស្រែឈូក ស្រុកកែវសីមា ។ លោកអធិការថា ករណីនេះ មិនមែនទើបតែកើតហេតុទេ ពោលគឺបានកើត៣ទៅ៤ខែហើយ នឹងសង្ស័យជាការត្រូវរ៉ូវគ្នាផង ព្រោះនៅពេលភាគីខាងក្មេងស្រីរងគ្រោះ ទាមទារឱ្យភាគីខាងប្រុសទទួលខុសត្រូវ ហាក់មិនចុះសម្រុងនឹងគ្នា ទើបគ្រួសារខាងស្រីសម្រេចដាក់ពាក្យប្តឹងតែម្តង ។
លោកអធិការបន្តថា បន្ទាប់ពីធ្វើការស៊ើបអង្កេតនឹងផ្ទៀងផ្ទាត់ចម្លើយសារភាពរបស់ជនសង្ស័យករណីខាងលើនេះ គឺជាការត្រូវរ៉ូវគ្នា តែដោយពិនិត្យលើឯកសារនានានឹងអត្តសញ្ញាណរបស់ក្មេងស្រី គឺនាងទើបមានអាយុ១២ឆ្នាំប៉ុណ្ណោះ ជាអនីតិជនគឺខុសច្បាប់ ទើបនគរបាលសម្រេចឃាត់ខ្លួនជនសង្ស័យដើម្បីចាត់ ការតាមច្បាប់ ។
បើតាមចម្លើយសារភាពរបស់ជនសង្ស័យបាននិយាយទៀតថា រាល់ថ្ងៃខ្លួនបានឃើញជនរងគ្រោះ នៅតែពីរនាក់ឪពុកនិងកូន ហើយឪពុកនោះស្រវឹងស្រារាល់ថ្ងៃ នៅក្នុងខ្ទមតូចប្រក់តង់ ។ នៅពេលឃើញដូច្នេះ ក៏តែងតែទិញស្រា.ស ទៅឱ្យឪពុកក្មេងស្រីផឹក ដើម្បីខ្លួនមានឱកាសនៅជាមួយកូនស្រី ។ តាមការបញ្ជាក់របស់ជនសង្ស័យថា ខ្លួនបានរួមភេទជាមួយក្មេងស្រីខាងលើ សរុប៤លើក និងសម្រេចបាន៧ដង ។ ជនសង្ស័យឈ្មោះ អុីត ចាន់ត្រា ភេទប្រុស ជនជាតិខ្មែរ អាយុ៣៥ឆ្នាំ មានស្រុកកំណើតនៅភូមិទូលវិហារ ឃុំគ ស្រុកត្បូងឃ្មំ ខេត្តត្បូងឃ្មុំ ។
ចែករំលែកព័តមាននេះ