ប្រធានាធិបតីបារាំងព្រមានលោកត្រាំ
ទីក្រុងព្រុចសែល ៖ លោកប្រធានាធិបតីប្រទេសបារាំង Emmanuel Macron នឹងឆ្លើយតបដោយមិនបង្ហាញភាពទន់ខ្សោយ ទៅកាន់ការគំរាមកំហែងនៃសង្គ្រាមពាណិជ្ជកម្មរបស់អាមេរិក ។ លោក Macron…
ទីក្រុងព្រុចសែល ៖ លោកប្រធានាធិបតីប្រទេសបារាំង Emmanuel Macron នឹងឆ្លើយតបដោយមិនបង្ហាញភាពទន់ខ្សោយ ទៅកាន់ការគំរាមកំហែងនៃសង្គ្រាមពាណិជ្ជកម្មរបស់អាមេរិក ។ លោក Macron…
ទីក្រុងព្រុចសែល ៖ លោកប្រធានាធិបតីប្រទេសបារាំង Emmanuel Macron នឹងឆ្លើយតបដោយមិនបង្ហាញភាពទន់ខ្សោយ ទៅកាន់ការគំរាមកំហែងនៃសង្គ្រាមពាណិជ្ជកម្មរបស់អាមេរិក ។
លោក Macron បាននិយាយនៅកិច្ចប្រជុំអ្នកដឹកនាំក្នុងសហភាពអឺរ៉ុប (EU) ក្នុងរដ្ឋធានីព្រុចសែល ប្រទេសបែលហ្ស៊ិក ថា ៖« EU ត្រូវតែមានការឯកភាព និងការប្តេជា្ញ ប្រសិនបើយើងត្រូវបានគេវាយប្រហារ ហើយយើងនឹងឆ្លើយតបផងដែរ » ។
លោកបន្តថា ៖« ពួកយើងនឹងចរចាជាមួយប្រទេសដែលគោរពច្បាប់ WTO ។ ប៉ុន្តែគ្មានអ្វីអាចដោះស្រាយបានទេ នៅពេលមានការភ្ជង់កាំភ្លើងលើក្បាលរបស់ពួកយើង » ។
ការលើកឡើងរបស់អ្នកដឹកនាំបារាំងរូបនេះ បន្ទាប់ពីកាលពីថ្ងៃព្រហស្បតិ៍កន្លងមក លោកប្រធានាធិបតីអាមេរិក ដូណាល់ ត្រាំ បានអនុញ្ញាតឲ្យពន្យារពេលការដាក់ពន្ធលើដែកថែប និងអាលុយមីញ៉ូមនាំចូលពីដៃគូពាណិជ្ជកម្មសំខាន់ៗ ប៉ុន្តែរហូតដល់ថ្ងៃទី១ ខែឧសភា ប៉ុណ្ណោះ ។
ប្រធានគណៈកម្មាធិការអឺរ៉ុប លោក Jean-Claude Juncker និយាយថា ៖« សម្រាប់ខ្ញុំ កាលបរិច្ឆេទនេះមិនសមហេតុសមផលទេ ព្រោះពួកយើងមានបញ្ហាដ៏ធំសម្រាប់ការចរចាជាមួយសហរដ្ឋអាមេរិក » ។
ជាមួយគ្នានេះ អ្នកដឹកនាំក្នុង EU បាននិយាយក្នុងសេចក្តីថ្លែងការណ៍មួយថា ក្រុមប្រទេសទាំង១៨ នឹងរក្សាសិទ្ធិរបស់ខ្លួនស្របតាមច្បាប់ WTO ដើម្បីឆ្លើយតបនឹងវិធានការរបស់សហរដ្ឋអាមេរិក ក្នុងលក្ខណៈសមរម្យ និងសមាមាត្រ ។
រហូតមកដល់ពេលនេះ មានតែប្រទេសអាហ្សង់ទីន, អូស្ត្រាលី, ប្រេស៊ីល, កាណាដា, ម៉ិកស៊ិក និងកូរ៉េខាងត្បូងប៉ុណ្ណោះ ដែលទទួលបានការអនុញ្ញាតឲ្យរួចផុតពីការដាក់ពន្ធនេះ។
លោកត្រាំ បាននិយាយក្នុងរដ្ឋធានីវ៉ាស៊ីនតោន កាលពីថ្ងៃព្រហស្បតិ៍ថា ៖« យើងកំពុងតែចាប់ផ្តើមការចរចាជាមួយសហភាពអឺរ៉ុប ព្រោះពួកគេបិទទ្វារជាមួយយើងយ៉ាងខ្លាំង ដោយពួកគេមានឧបសគ្គពាណិជ្ជកម្មពន្ធយ៉ាងខ្ពស់ » ៕
ចែករំលែកព័តមាននេះ