ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានបញ្ចប់ជីវិតរបស់ខ្លួនដោយចង.កសម្លាប់ខ្លួន ហេតុការណ៍នេះបានបង្កឲ្យមានការភ្ញាក់ផ្អើលកាលពីរសៀលថ្ងៃទី២៣ មីនា ស្ថិតនៅតំបន់អូរក្រចេះចម្ងាយប្រហែល១០០០ម៉ែត្រ ក្នុងភូមិកូនក្អែក ឃុំសំបូរ ស្រុកប្រាសាទសំបូរ…
ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានបញ្ចប់ជីវិតរបស់ខ្លួនដោយចង.កសម្លាប់ខ្លួន ហេតុការណ៍នេះបានបង្កឲ្យមានការភ្ញាក់ផ្អើលកាលពីរសៀលថ្ងៃទី២៣ មីនា ស្ថិតនៅតំបន់អូរក្រចេះចម្ងាយប្រហែល១០០០ម៉ែត្រ ក្នុងភូមិកូនក្អែក ឃុំសំបូរ ស្រុកប្រាសាទសំបូរ ខេត្តកំពង់ធំ ។
បើតាមសមត្ថកិច្ចបានប្រាប់ឱ្យដឹងថា ជនរងគ្រោះខាងលើឈ្មោះ ក្លែក គា ភេទប្រុស អាយុ៤៦ឆ្នាំ រស់នៅភូមិ-ឃុំកើតហេតុ ចំណែកប្រពន្ធជនរងគ្រោះឈ្មោះ យ៉ុង ផល្លី។
តាមការបំភ្លឺរបស់ស្ត្រីជាប្រពន្ធឱ្យដឹងថា កាលពី២ទៅ៣ថ្ងៃមុន ប្តីខ្លួនចេះតែនិយាយខុសធម្មតា បាយក៏មិនហូប លុះដល់ថៃ្ងទី២៣ មីនា ម៉ោងប្រហែល៦និង២០នាទីព្រឹក នាង និងប្តី ព្រមទាំងម្តាយមីងនាំគ្នាទៅបេះគ្រាប់ស្វាយចន្ទីនៅតំបន់អូរក្រចេះខាងជើងភូមិកូនក្អែកចម្ងាយប្រហែល១០០០ម៉ែត្រ រហូតដល់ម៉ោងប្រហែល៣និង៣០នាទីរសៀលនាងក៏សុំមកផ្ទះមុន ភ្លាមនេះប្តីនាងនិយាយថា «បើឯងទៅផ្ទះ យើងលែងជួបគ្នារហូត» តែនាងមិនបានចាប់អារម្មណ៍នូវសម្តីប្តីនាងទេ លុះទៅដល់ផ្ទះបានប្រហែល៤០នាទី ស្រាប់តែបងប្អូនអ្នកភូមិស្រែកប្រាប់ថា «ប្តីនាងចង.កស្លាប់បាត់ហើយ» ភ្លាមនេះនាងទៅដល់បានឃើញប្តីចង.កជាប់នឹងដើមស្វាយចន្ទីក្បែរខ្ទមចំការស្លាប់បាត់ទៅហើយ ។
ក្រោយកើតហេតុភ្លាម កម្លាំងប៉ុស្ដិ៍នគរបាលចុះដល់កន្លែងកើតហេតុ និងពិនិត្យឃើញថា ជនរងគ្រោះពិតជាស្លាប់ដោយសារធ្វើអត្តឃាតចង.កដោយខ្លួនឯងប្រាកដមែន ដោយមិនពាក់ព័ន្ធបទល្មើសណាមួយឡើយ ក្រោយមកប្រគល់សពជនរងគ្រោះជូនក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ